Kelaraŋŋini 11:12 - EBƆRƐ BE KAWƆL

¹² Ndoŋ nna nɛ b nu ebɔl ka shi ebɔrɛso ŋ kaŋɛ bumo: “Men dii a ba nfe.” Ndoŋ nna nɛ b luri awɔlpa to a yɔ ebɔrɛso nɛ bumo doŋana yil a keni bumo.

Kelaraŋŋini 11:12 ပူးပေါင်းရင်းမြစ်များ

2 Bewura 2:1

Jemanɛ ka fo nɛ Enyɛnpe Ebɔrɛ na e bɔla kawuliwuli so n ta anebi Elaija n yɔ ebɔrɛso na, Elaija nɛ Elaisha daŋ lar Gilgaal be kade to nna a yɔ.

2 Bewura 2:11

B ka bee nite a yɔ nsaa malga na epul to nɛ egbaŋɛ nɛ e bee suse edɛ gberge egbaŋɛturko nɛ k bee suse edɛ m ba luri bumo be nferinto nɛ afu gboŋgboŋi lempo ko ba maŋ anebi Elaija so n yɔ ebɔrɛso.

2 Bewura 2:5

Nɛ anebiana be katuŋ ko nɛ b wɔ Jɛriko na yɔ Elaisha kutɔ n ya bishi mo le: “Fo nyi Enyɛnpe Ebɔrɛ ka beeŋ ta fo nyɛnpe ere ŋ ka fo kabre a?” Nɛ Elaisha kaŋɛ: “Mm n nyi, ama men sa maŋ kaŋ naŋ malga kumo be asheŋ.”

2 Bewura 2:7

Nɛ anebiana na be basa adunu shi Jɛriko m bɛ bumo so n yɔ Jɔɔdan be lɔr na to nɛ anebi Elaija nɛ Elaisha ya yili lɔrkar na ase gbagba nɛ anebi adunu na malɛ feŋ bumo n yili.

Nshɛ 112:10

Basa lubi baŋ wu basa nɛ b kɔ le be kebaawɔtɔ ere, baa nya agbo nna a we anyi to yurkishi so nseŋ foe eyur to. B maaŋ nya bumo be kepar kikɛ.

Nshɛ 15:1

Enyɛnpe Ebɔrɛ, wanɛ e naŋ nya ekpa a wɔ fo bɔrɛlambu na to? Wanɛ e naŋ chena fo kebee cheembi na so?

Nshɛ 24:3

Wanɛ e kɔ ekpa nɛ e dii n yɔ Enyɛnpe be kebee na be esoso? Wanɛ e naŋ tiŋ n luri n ya yili mbe bɔrɛlambu cheembi na to?

Nshɛ 86:17

Shin nɛ ekama e pin alelasheŋ nɛ fee wora a sa ma. Saŋɛ na so ma doŋana beeŋ wu kumo be loŋ nɛ nyɔmɔ e pɛ bumo. Ŋkpal manɛ so, fo Enyɛnpe Ebɔrɛ na, e chɛ ma to nseŋ lolo ma nɛ ma kagbene wushi ma.

Ɛksodɔs 14:25

E daŋ shin nna nɛ bumo be egbaŋɛturkoana na be aya gbaŋ n lar n lar nɛ eturko na be kefar ki bumo so kpakpa. Ndoŋ nna nɛ Ijipt be benapo na kaŋɛ abar le: “Men shin nɛ an bɛta nfe, ŋkpal manɛ so Enyɛnpe Ebɔrɛ bee kɔ anyi kena a chɛ Israɛlebi to nna na.”

Aizaaya 14:13

Fo daŋ kre fo kagbene to nna fanɛ feeŋ dii n yɔ ebɔrɛso n ya baŋ achɛkpabi nɛ a wɔ awɔlto so na n ya chena ndoŋ a ji kuwura. Fo daa fɛ fanɛ feeŋ chena fanɛ ewura nna ashi kebee nɛ k wɔ kelargato be esoso be kakpa nɛ baa shɛr na.

Aizaaya 40:31

Ama bekama nɛ b yirda Enyɛnpe Ebɔrɛ na beeŋ nya eleŋ popɔr. Baaŋ ber atɛ to ŋ koso n firgi n yɔ awɔlto fanɛ ejɔnɔkoso; bumo alɛ beeŋ shile ga, ama b maaŋ gben a chul to; baaŋ nite ekpa tenteŋ, ama b maaŋ gben m bɛlɛ.

Aizaaya 60:8

Manɛ e naa choŋ zii fanɛ awɔlpa, ŋko fanɛ elepɔ ka mel abar so a firgi a yɔ asha to loŋ?

Malakai 3:18

Ndoŋ nɛ ma basa beeŋ pin basa niŋiso nɛ basa lubi na be mbarga, nseŋ naŋ pin basa nɛ baa shuŋ ma nɛnɛ nɛ bumo nɛ b maa shuŋ ma na be mbarga.”

Luuk 16:23

Kachako nɛ damawura na malɛ wu nɛ basa ta mo n ya puli nɛ e yɔ edɛ to n ya kaa wɔ ebesa to nseŋ maŋ kumu so n wu Lazɔrɔs ka ya chena Eebraham be kekel so.

Ashuŋ Shunso 1:9

Yesu ka malga kesheŋ ere n loge nɛ Ebɔrɛ shin nɛ e fara a yɔ ebɔrɛso nɛ baa keni mo hale nɛ kuwɔlpa ko ya buu mo so nɛ b maŋ naŋ wu mo.

1 Tɛsalɔnikaebi 4:17

Kumo be kaman, baaŋ chala anyi nɛ an yirda nseŋ kraa wɔ ŋkpa to na n ti bumo nɛ b yirda pɔɛŋ nseŋ wu na so nɛ an kikɛ e ya tu Enyɛnpe na awɔlpa to, nɛ anyi nɛ Enyɛnpe na e baa wɔtɔ saŋkama mbaanaayɔ.

Kelaraŋŋini 12:5

Ndoŋ nna nɛ kache na kurge ebinyɛn mo nɛ e beeŋ ba ta kagbene kpakpaso n ji efuli kama so ebi kuwura. Kache na ka kurge kebia na nɛ b ba fuu kebia na epul na to n yɔ Ebɔrɛ nɛ mbe kuwurputi ase.

Kelaraŋŋini 3:21

Esa kama nɛ e kɔ m pɔɔ so, meeŋ sa mo ekpa nɛ e tu ma n chena ma kuwurputi so fanɛ kananɛ ŋ kɔ m pɔɔ so nseŋ chena n Tuto kutɔ ashi mbe kuwurputi so na.

Kelaraŋŋini 4:1

Ade kikɛ be kaman nɛ ŋ keni nɛ kabuna bugi a yil ebɔrɛso. Nɛ ebɔl mo nɛ n daŋ juŋkpar n nu nɛ k bee malga ŋ kutɔ fanɛ kabel na kaŋɛ ma le: “Dii m ba nfe nɛ ŋ ŋini fo asɔ nɛ a beeŋ wora asheŋ ere kikɛ be kaman.”