Kelaraŋŋini 11:1 - EBƆRƐ BE KAWƆL

¹ B daŋ ta kedibi ko fanɛ kekpabi nna n sa ma nseŋ kaŋɛ ma le: “Ta kumo n ya karga kananɛ Ebɔrɛ be lambu na sa nseŋ naŋ karga bɔrɛsure na nɛ basa nɛ b wɔ lambu na to a maŋ Ebɔrɛ so na gba.

Kelaraŋŋini 11:1 ပူးပေါင်းရင်းမြစ်များ

Aizaaya 28:17

Kewora asheŋ nɛ amo be ekpa so nɛ asheŋ niŋiso e naaŋ baa la efɔl nɛ meeŋ baa ta a kargaso a pɔr nɛ k baa niŋi. Bɔrɛjembubi nɛ bɔrɛchu beeŋ bɔlɔ m mur efɛsheŋ nɛ men ta a kuŋ menyi be amu na nseŋ sulɔ amo kikɛ n ya lɛ.”

Danɛl 7:27

Baaŋ ta kasawule ere so be kuwurji kikɛ be eleŋ n sa Enyɛnpetale Ebɔrɛ na be basa. Bumo alɛ be kuwurji be eleŋ maaŋ loge kikɛ. Durnya ere to malɛ be bejuŋkparpo kikɛ beeŋ baa nu a sa bumo nsaa shuŋ bumo.”.

2 Kɔrintebi 6:16

Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

Kelaraŋŋini 10:11

Ndoŋ nna nɛ b naŋ kaŋɛ ma le: “A daga fanɛ fo naŋ lɔŋɛ n wu abɔrɛsheŋ ŋ kaŋɛ basa damta nɛ efuliana so ebi damta nɛ ŋgbarana to ebi damta nɛ bewura damta be asheŋ.”

Kelaraŋŋini 21:15

Malaika mo nɛ e daŋ malga ŋ kutɔ na daa kɔ shuwa be kekpabi nɛ b kɔ a karga asɔ enɔ to nna nɛ e ta ŋ karga kadegboŋ na nɛ kumo be mbuna nɛ kumo be egbal.