Kelaraŋŋini 10:3 - EBƆRƐ BE KAWƆL

³ nseŋ wora awɔr ko fanɛ buluŋ ka munto na. E ka wora awɔr na nɛ bɔrɛ be egbri ashunu na sɔ n shuli so.

Kelaraŋŋini 10:3 ပူးပေါင်းရင်းမြစ်များ

Nshɛ 29:3

Enyɛnpe Ebɔrɛ na be ebɔl bee gbri teku so nna fanɛ bɔrɛ ka bee ponte na.

Aŋasa 19:12

Ewura be agbo du fanɛ buluŋ ka bee ponte to nna nɛ mbe kuwɔrwu malɛ du fanɛ bunyaŋ ka tɔr afitiri so.

Aizaaya 31:4

Ade be kaman nɛ Enyɛnpe Ebɔrɛ na kaŋɛ ma le: “Awɔr kama nɛ mbolpɔkpapo beeŋ wora maaŋ tiŋ n funti buluŋ nɛ e yige kusɔbɔya nɛ e pɛ na. Aloŋ koŋwule na nɛ shɛŋ maaŋ tiŋ n shin nɛ ma Enyɛnpetale Ebɔrɛ na, e yige kebaakuŋ Zayɔn be kebee na.

Aizaaya 42:13

Enyɛnpe Ebɔrɛ na bee lar nna n ya kaa kɔ fanɛ enapo na; e bela ase nna nseŋ wora shiriya a jo kena. E beeŋ boŋ to awɔrso ŋ kaŋɛ kena be asheŋ, e beeŋ kɔ m pɔɔ mo doŋana so.

Aizaaya 5:29

Bumo be benapoana bee munto nna fanɛ ebuluŋ ka pɛ kusɔbɔya nsaa gbeye kumo a yɔ kakpa nɛ shɛŋ maaŋ tiŋ n suge kumo bumo kutɔ na.

Jɛremaya 25:30

Jɛremaya, fo e daga fo ber asheŋ nɛ ŋ kaŋɛ ere kikɛ be kebomboŋ n sa basa ere: ‘Enyɛnpe Ebɔrɛ na beeŋ shi ebɔrɛso m ponte awɔrso fanɛ bɔrɛ ka ponte awɔlpa to na. E beeŋ ponte m malga ŋ gbiti mbe basa fanɛ kananɛ baa beri ayu nsaa boŋ nshɛ awɔrso na. Esa kama nɛ e wɔ durnya to be kaplɛkama beeŋ nu mbe ebɔl.

Ezikɛl 10:5

Esa nɛ e daa wɔ bɔrɛlambu na be kowushina be kelɔnɛ na gba so daa nu asɔbɔya keniso na be mbuibi be aba be egbri, ŋkpal manɛ so, a daa gbri nna fanɛ Enyɛnpetale Ebɔrɛ be ebɔl na.

Hoziya 11:10

Ma basa baŋ nu ŋ ka ponte bumo doŋana so fanɛ buluŋ na, baaŋ shi epeŋitɔrkpa be kaba so n chicha kufuso m ba ŋ kutɔ.

Jowɛl 3:16

Ebɔrɛ shi Zayɔn be kebeegboŋ na so m ponte to fanɛ buluŋ na nɛ mbe ebɔl shi Jerusalɛm to ŋ gbri m ba fanɛ bɔrɛ ka ponte na nɛ kasawule nɛ awɔlpa kikɛ gbuŋgbuŋ to. Ebɔrɛ beeŋ baa du fanɛ kebeegboŋ a kuŋ mbe basa Israɛlebi na bre.”

Eemɔs 1:2

E yɛ: “Enyɛnpe Ebɔrɛ baŋ yili Zayɔn be kebeegboŋ na so ashi Jerusalɛm m ponte, fanɛ bɔrɛ ka gbri na, asɔbɔya be ejikpa be mboŋ kikɛ bee wɔl nna, nɛ afitiri nɛ a wɔ kebeegboŋ nɛ baa tre Kamɛl na so na kikɛ e kilgi m pere le kpaw.”

Eemɔs 3:8

Buluŋ baa ponte to, wanɛ nɛ kufu maaŋ pɛ? Enyɛnpetale na baŋ lara esa fanɛ e yili mbe katelamu to m malga wanɛ e la amodoŋwura nɛ e tiŋ ŋ kini?

Kelaraŋŋini 14:2

Ndoŋ nna nɛ n nu ebɔl ko ka shi ebɔrɛso ŋ gbri m ba fanɛ nchu damta ka bee shile nseŋ daŋ naa du fanɛ bɔrɛ ka bee gbri eleŋso na. Ebɔl mo nɛ n daŋ nu na daŋ naa du fanɛ ejaŋjilaŋlampoana ka bee laŋ bumo be ejaŋjilaŋ nna.

Kelaraŋŋini 15:1

Ndoŋ nna nɛ n naŋ wu alemaŋkar be kesheŋ ko awɔlpa so. K daa la mamachi be kesheŋ gboŋ ko nna. Emalaika ashunu nɛ etɔrɔ ashunu mo nɛ a daa la lalaloge be etɔrɔ na e daa la, ŋkpal manɛ so, amo be kaman nɛ Ebɔrɛ be agbo bee wushi.

Kelaraŋŋini 15:7

Ndoŋ nna nɛ asɔbɔya keniso ana na be eko ta shuwa be ntishaŋ ashunu mo nɛ Ebɔrɛ mo nɛ e wɔ ŋkpa to mbaanaayɔ na be agbo daŋ bɔlɔ m bɔlɔ amo na n sa emalaika ashunu na.

Kelaraŋŋini 4:5

Ndoŋ nna nɛ bɔrɛ shi kuwurputi na akpa a ponte to a gbri le gbrugbru nsaa nyɛkpɛ palpal nɛ efitila ashunu yil kuwurputi na be anishito a suse. Ndia ashunu na e la Ebɔrɛ be ayoyu ashunu na.

Kelaraŋŋini 8:5

Ndoŋ nna nɛ malaika na ta shuwa be kusɔjɔduwu na n lara edɛ ashi bɔrɛsure na to m bɔlɔ kumo n ta edɛ na ŋ kpa n wurge kasawule so. E ka wora loŋ na nɛ bɔrɛ ponte ŋ gbri n nyɛkpɛ pɛlpɛl nɛ kasawule gbuŋgbuŋ to.