Kelaraŋŋini 10:11 - EBƆRƐ BE KAWƆL

¹¹ Ndoŋ nna nɛ b naŋ kaŋɛ ma le: “A daga fanɛ fo naŋ lɔŋɛ n wu abɔrɛsheŋ ŋ kaŋɛ basa damta nɛ efuliana so ebi damta nɛ ŋgbarana to ebi damta nɛ bewura damta be asheŋ.”

Kelaraŋŋini 10:11 ပူးပေါင်းရင်းမြစ်များ

Jɛremaya 25:13

Meeŋ ta jɛrbi kama nɛ ŋ kaŋɛ Jɛremaya fanɛ k beeŋ ba efuliana na so nɛ e sibɛ amo n nase kawɔl ere to na ŋ gberge Babilɔn be efuli na be basa kusoe.

Ezikɛl 37:4

Ndoŋ nna nɛ e kaŋɛ: “Malga n sa awibi nɛ a wɔl n fuli na nseŋ kaŋɛ amo nɛ e nu Enyɛnpe Ebɔrɛ na be kamalga.

Ezikɛl 37:9

Ndoŋ nna nɛ Ebɔrɛ naŋ kaŋɛ ma: “Dimɛdi pibi, malga n sa afu. Kaŋɛ afu na fanɛ Enyɛnpetale Ebɔrɛ na yɛ k shi kaba kama so m ba luri eyurana nɛ a la bubuni a dese ere to nɛ e nya ŋkpa.”

Kelaraŋŋini 10:10

Ndoŋ nna nɛ n deŋi kawɔl sibɛsobi na ashi malaika na be enɔ to n ta n we. K daŋ baŋ wora ma kɔnɔ to ebel nna fanɛ mushoŋ, ama ŋ ka ta kumo m min nɛ ma epun to wora ma kerkra.

Kelaraŋŋini 11:1

B daŋ ta kedibi ko fanɛ kekpabi nna n sa ma nseŋ kaŋɛ ma le: “Ta kumo n ya karga kananɛ Ebɔrɛ be lambu na sa nseŋ naŋ karga bɔrɛsure na nɛ basa nɛ b wɔ lambu na to a maŋ Ebɔrɛ so na gba.

Kelaraŋŋini 11:9

Basa beeŋ shi basa kama to nɛ yiri kama to nɛ ŋgbar kama to nɛ efuliana so ebi to ŋ keni bumo be eyurana ka dese nchɛ asa nɛ bargato nseŋ kini keshin nɛ b puli amo.

Kelaraŋŋini 14:6

Ndoŋ nna nɛ n naŋ wu malaika ko ka wɔ esoso kumu so a firgi nsaa kɔ baru lela nɛ k wɔtɔ mbaanaayɔ na to nɛ e bɔ kumo n sa basa nɛ b wɔ kasawule ere so n sa efuli kama so ebi nɛ yiri kama to ebi nɛ ŋgbar kama to ebi nɛ basa kama to ebi.

Kelaraŋŋini 17:10

Bumo be benu maŋ naa wɔtɔ nɛ ekoŋwule kraa wɔtɔ nɛ a ka ekoŋwule nɛ e lar. Mo alɛ kaŋ ba, a daga fanɛ e chena gbrɛbi.

Kelaraŋŋini 17:12

Alambɛ kudu mo nɛ fo wu na la bewurgboŋ kudu ko nna nɛ b maŋ naŋ fara a ji kuwura, ama baaŋ nya ekpa n tu kusɔbɔya na n ji kuwura awa koŋwule.

Kelaraŋŋini 17:15

Ndoŋ nna nɛ malaika na naŋ kaŋɛ ma: “Nchuana nɛ fo daŋ wu na, kakpa nɛ sakaleche na tase na be kifi to e la basa be nnaŋ to nɛ ejimaŋ nɛ efuliana so ebi nɛ ŋgbarana to ebi.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.