Kelaraŋŋini 10:1 - EBƆRƐ BE KAWƆL

¹ Ndoŋ nna nɛ n naŋ wu malaika lempo ko malɛ gba ka shi ebɔrɛso a ba nɛ kuwɔlpa mea mo kikɛ so nɛ kabɔrɛnyaŋgelambi ko chambɔ mbe kumu so. Mbe anishiakpa daa du fanɛ epeŋi nna nɛ mbe aya daa du fanɛ edɛ ka lara adondulombi nɛ a du fanɛ eshabɔrɛ na.

Kelaraŋŋini 10:1 ပူးပေါင်းရင်းမြစ်များ

Nshɛ 104:3

Fo alɛ e pɔr fo kowu n shin nɛ tekugboŋ wɔ kumo be kaseto. Bɔrɛwɔlpa nɛ k bee bɔla afu so a nite na du fanɛ gbaŋɛturko nna n sa fo.

Nshɛ 97:2

Bɔrɛwɔlpa nɛ tentembiri mina e kulti mo n wɔtɔ kaplɛkama. Mo alɛ bee ji mbe kuwura ekpa niŋiso nɛ keji asheŋ nɛ amo be ekpa so nna.

Ɛksodɔs 16:10

Ɛɛrɔn ka bee malga a sa Israɛlebi na nɛ b keni keshishɛrsawule na be kaba so n wu Enyɛnpe be kemaŋkura ka bee nyaŋɛ kuwɔlpa to epul na to.

Sɔlɔmɔn 5:15

Mbe aya kɔ eleŋ nna fanɛ b ka ta ajembu kpakpaso m pɔr n yili shuwa so na; e yil jirembi nna fanɛ ndibi nɛ baa tre sida na ka yil Lebanɔn be abee so na.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Aizaaya 54:9

“Nowa be jemanɛ na, ma Enyɛnpe Ebɔrɛ na daŋ nase kɔnɔ fanɛ m maaŋ naŋ ta nchu m mur durnya. Mee nase kɔnɔ naniere nna fanɛ m maaŋ naŋ nya agbo ŋ gberge menyi kusoe.

Nfabel 3:44

K du fanɛ fo ka wɔ awɔlpa be egbal be kaman nna nɛ kabɔrɛkule maaŋ tiŋ m bɔl kumo to n fo fo kutɔ.

Ezikɛl 1:28

fanɛ kananɛ bɔrɛ bee mɔl nɛ kabɔrɛnyaŋgelambi bee lar kuwɔlpa so a fulto na. Ndoŋ nna nɛ m pin fanɛ Enyɛnpe Ebɔrɛ na be kemaŋkura nɛ n wu na nseŋ ta enɔ m buu anishi so epul na to ŋ tɔr epun so. Kumo be kaman nɛ n nu ebɔl ko ka bee malga ma kutɔ.

Danɛl 10:6

Mbe eyur daŋ baa kpa edɛ nna fanɛ digi, nɛ mbe anishiakpa malɛ fuli parr fanɛ bɔrɛ ka nyɛkpɛ na. Mbe anishi malɛ daa du nna fanɛ edɛ be adondulombi. Mbe enɔ nɛ mbe aya daa kpa edɛ nna fanɛ b ka fɔr danyaŋ so na, nɛ mbe ebɔl malɛ du fanɛ jimaŋ damta ka bee cha awɔr na.

Danɛl 7:13

Bɔrɛdare na to nɛ n wu kusɔ ko fanɛ Nyigbasa pibinyɛn na. Awɔlpa daŋ kulti mo nna nɛ e gbelge m ba maŋ ma so n yɔ esa nɛ e maŋ kɔ sososo nɛ lalaloge na kutɔ.

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Matiu 17:2

Ndoŋ nna nɛ e kilgi kanaŋ ko bumo be anishito nɛ mbe anishiakpa fuli to a nyɛkpɛ fanɛ epeŋi nɛ mbe asɔbuuso malɛ fuli to parr a kpa edɛ.

Luuk 21:27

Saŋɛ na so baaŋ wu ma, Nyiŋgbasa Pibinyɛn ka shi awɔlpa so nɛ eleŋ nɛ kemaŋkura gboŋ a ba.

Ashuŋ Shunso 26:13

Yiramu, kapaso ko e daa la nɛ n wu kefulto ko ka fuli to a chɔ epeŋi n nyaŋɛ ashi ebɔrɛso m ba yuu ma nɛ basa nɛ an daa na na so.

Kelaraŋŋini 1:7

Men keni mo nɛ awɔlpa kulti a ba na, kenishi kama malɛ beeŋ wu mo n ta bumo nɛ b ta kusɔ n da mo m mɔ na n ti so nɛ kasawule ere so be basa kikɛ e shu ŋkpal mo so. Kumo be loŋ bre maŋ kɔ emɔrɔ. Amɛn.

Kelaraŋŋini 18:1

Kede be kaman nɛ n wu malaika ko ka shi ebɔrɛso a ba. E daa kɔ eleŋ ga nɛ mbe kananɛ e bee kpa edɛ na malɛ daŋ fuli to n sɔ kasawule so be kaplɛkama.

Kelaraŋŋini 18:21

Ndoŋ nna nɛ malaika lempo ko maŋ kejembu ko so, kumo nɛ kuboogboŋ sasa n ta kumo ŋ kpa n wɔtɔ teku to nseŋ kaŋɛ: “Loŋ nɛ baaŋ ta Babilɔn be kadegboŋ n lɛ kasawule so eleŋso nɛ ekama maaŋ naŋ wu kumo kikɛ.

Kelaraŋŋini 20:1

Nɛ n wu malaika ko ka shi ebɔrɛso a ba nɛ kemaŋ mo nɛ baa tre Abis na be esɔfi wɔ mo kutɔ, mo alɛ nseŋ naa kɔ ŋgbɛlɛbi gboŋgboŋi ko mbe enɔ to.

Kelaraŋŋini 4:3

Esa nɛ e daa tase ndoŋ na daa kpa edɛ nna palpal, a du fanɛ kejembu nɛ baa tre jaspa na nna, nseŋ pere kpaiŋ fanɛ kejembu nɛ baa tre saadie na. Kabɔrɛnyaŋgelambi ko malɛ daa du fanɛ ɛmeraldi be kejembu nɛ k la kefitiri bumbuŋ nawule na daŋ kulti kuwurputi na.

Kelaraŋŋini 5:2

Ndoŋ nɛ n wu malaika lempo ko ka bee ponte awɔrso a bishi le: “Wanɛ e daga nɛ e tiŋ m bu m bu kawɔl sibɛso be tɔɔnɛ be abersobi ashunu na?”

Kelaraŋŋini 8:13

Nɛ n naŋ keni n wu kusore ka wɔ esoso kumu so a firgi nsaa tre awɔrso a kaŋɛ: “Asheŋ maaŋ nyalɛ, asheŋ maaŋ nyalɛ, asheŋ maaŋ nyalɛ n sa basa nɛ b wɔ kasawule ere so kikɛ ŋkpal mbel be kushu mo nɛ emalaika asa mo nɛ b ka na bee shin nɛ b foŋ nɛ a wora na so.”