Kelaraŋŋini 1:5 - EBƆRƐ BE KAWƆL

⁵ Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 1:5 ပူးပေါင်းရင်းမြစ်များ

Nshɛ 51:2

Fɔr ma alubi nɛ ma kewora n da so kikɛ nɛ n nyalɛ so.

Nshɛ 72:11

Kumo be kaman nɛ bewura kikɛ e ba jɔŋɛ mo ase. Nɛ efuliana na be basa kikɛ e shuŋ mo.

Nshɛ 89:27

Meeŋ shin nɛ e ki ma wurkoŋnyɛn, nseŋ ki esagboŋ a chɔ durnya to be bewura kikɛ.

Aŋasa 14:5

Kashenteŋ be shɛdajipo maa fule, ama efɛ be shɛdajipo bre be kamalga kikɛ la efɛ nna.

Aizaaya 55:4

Ma e daŋ shin nɛ e ki efuliana na be ejuŋkparpo nɛ ewura, nseŋ bɔla mo so ŋ ŋini bumo ma eleŋgboŋ.

Danɛl 2:2

Ndoŋ nna nɛ e shuŋi n tre mbe belejipo nɛ ŋkilgiwuraana nɛ bekpalpo nɛ benyiashempo fanɛ b ba kaŋɛ mo edare nɛ e ku na be kifito. B ka ba ewura na kutɔ,

Danɛl 7:14

B daŋ ta eleŋ nɛ bunyaŋ nɛ kuwurji be eleŋ nna m bɔɔ mo enɔ, saŋɛ na so efuliana kikɛ be basa nɛ eyiriana nɛ ŋgbarana be nnaŋ to kikɛ beeŋ shuŋ mo. Mbe eleŋ nɛ e kɔ na beeŋ baa wɔtɔ mbaanaayɔ nɛ mbe kuwurji malɛ maaŋ loge kikɛ.

Levitikɔs 13:58

Nɛ fanɛ e ka fɔr kumo na, kapuu na maŋ naa wɔ kusɔbuuso na ŋko kechɛbi na ŋko kusɔbɔya be kawɔl na so, e beeŋ naŋ laŋɛ n fɔr kumo nɛ k nyalɛ so daŋkare be ekpa so.”

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Baru lela nɛ Jɔn kute na 13:1

K ka ba ka kachɛ koŋwule nɛ Kebansonchoŋ be kejigboŋ na e fo nɛ Yesu pin fanɛ mbe kelar durnya ere to n yɔ Etuto na kutɔ na be jemanɛ fo, e daŋ sha mbe basa ashi durnya to, n sha bumo loŋ n ya fo ekar.

Baru lela nɛ Jɔn kute na 13:34

Ama kamalga naseso popɔr nɛ mee sa menyi e la fanɛ men baa sha abar. Kananɛ mee sha menyi na e daga fanɛ menyi alɛ gba e baa sha abar loŋ.

Baru lela nɛ Jɔn kute na 15:9

Kananɛ Etuto na sha ma na gbagba nɛ ma alɛ gba sha menyi. Men baa wɔ ma kasha na to.

Baru lela nɛ Jɔn kute na 18:37

Ndoŋ nna nɛ Pailat bishi mo: “Kumo ere, ewura e la fo nna ŋko?” Nɛ Yesu kaŋɛ mo: “Kumo nɛ fo baa kaŋɛ na. Kesheŋ nɛ mee sha kekaŋɛ ere so nɛ b kurge ma. Kumo koŋwule na malɛ so nɛ m ba durnya ere to fanɛ m ba malga kashenteŋ na be asheŋ. Esa kama malɛ nɛ e wɔ kashenteŋ na to bee nu nna a sa ma.”

Baru lela nɛ Jɔn kute na 3:11

Kashenteŋ nɛ mee kaŋɛ fo na fanɛ kusɔ nɛ an nyi be asheŋ nɛ anyee malga nsaa ji kusɔ nɛ an wu na malɛ be shɛda, ama men kraa maŋ yirda shɛda nɛ anyee ji a sa menyi.

Baru lela nɛ Jɔn kute na 3:16

Ŋkpal manɛ so, Ebɔrɛ daŋ sha durnya ere ga so nna nɛ e ta mo Pibinyɛn koŋwule n sa durnya fanɛ nɛ esa kama nɛ e yirda mo, e maaŋ shir, ama e beeŋ nya ŋkpa nɛ k maŋ kɔ ekar na.

Baru lela nɛ Jɔn kute na 3:32

Kusɔ nɛ e wu nɛ kusɔ nɛ e nu be asheŋ be shɛda nɛ e bee ji, ama basa maa sha kesɔ loŋ be shɛda na.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Ashuŋ Shunso 26:23

Kumo e la fanɛ, a daga fanɛ Kristo na e ji awurfoŋ nseŋ wu n juŋkpar ekama n tiŋi luwu to ŋ ŋini Juwebi nɛ nnyamase fanɛ baaŋ tiŋ n nya kumɔlga, kumo alɛ e la kefulto bumo kutɔ.”

Romebi 3:25

Ebɔrɛ ta mo nna n sa basa nɛ e wu m mata be luwu nɛ k bee shin nɛ dimɛdi bee bɔla yirda so a nya alubi be ketampaŋ na. Ebɔrɛ wora loŋ nna nɛ e ŋini kananɛ e bee ji asheŋ nɛ amo be ekpa so, ŋkpal manɛ so, saŋɛ na e daa nyi basa be alubi nna nsaa nyiti bumo.

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

Ɛfesesebi 2:4

Ama ŋkpal Ebɔrɛ be kuwɔr ka shi ga so nɛ ŋkpal e ka bee sha anyi ga so

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Ditɛronɔmi 18:2

B maaŋ baa kɔ kasawule fanɛ kananɛ eyiriana na kikɛ beeŋ baa kɔ na. Bumo be kachige e naaŋ baa la esarga nɛ basa beeŋ lara n sa Enyɛnpe Ebɔrɛ na be ako fanɛ kananɛ e nase kɔnɔ na.

Ditɛronɔmi 23:5

Ama Enyɛnpe menyi be Ebɔrɛ na daŋ maŋ nu n sa Balaam. Kusɔ nɛ e daŋ wora e la fanɛ e kilgi shoduu na nna ŋ ki nɛfa ŋkpal e ka bee sha menyi so.

Ditɛronɔmi 7:8

Ama Enyɛnpe Ebɔrɛ na lara menyi ŋkpal e ka bee sha menyi so nɛ ŋkpal e ka bee sha kewora m bɔlɔ mbe kɔnɔ naseso nɛ e nase n sa men nananyɛnana na so. Amoso nɛ e bɔla mbe eleŋgboŋ so n sɔ menyi n yige kenyaya to ashi Ijipt be efuli so na.

Kɔlɔsiebi 1:18

ŋkpal manɛ so, mo e la ejuŋkparpo nɛ e tiŋi luwu to ashi bumo nɛ b wu na kikɛ to.

1 Timoti 6:13

Ebɔrɛ nɛ e bee sa kusɔ kikɛ ŋkpa nɛ Yesu Kristo nɛ e yili Gomena Pɔnshes Pailat be anishito n ji shɛda lela na be anishito nɛ n yil a kaŋɛ fo fanɛ fo baa nu a sa asɔ nɛ ŋ ŋini fo na kikɛ

1 Timoti 6:15

Ebɔrɛ, bewura to be Ewura nɛ benyɛnpe to be Enyɛnpe nɛ durnya kikɛ be Ekenipo koŋwule nɛ e kɔ nɛfa na malɛ e naaŋ shin nɛ Yesu Kristo be kenamba na e fo jemanɛ na gbagba.

Hibruwebi 10:29

To, nɛ kananɛ k du le ere nɛ esa bee keni Ebɔrɛ Pibinyɛn na jiga ŋko a ta Ebɔrɛ be kɔnɔkoŋwule na be ŋkre be ŋklaŋ nɛ baa ta amo a fɔr basa so nɛ baa ki cheembi na fanɛ kusɔ nɛ k maŋ la shɛŋ ŋko a tege kuwɔr be kakɛ be Kiyoyu na bre, amodoŋwura be kasogberge beeŋ baa shi ga a chɔ Mosis be mbra na peya.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

1 Pita 1:19

Kristo nɛ e du fanɛ kpakpafɔlbi a maŋ dulgi kikɛ na ŋko nɛ saŋgre kikɛ maŋ wɔ mo to na be ŋklaŋ nɛ b ta n sɔ menyi n yige.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.

1 Jɔn 4:10

Kede nɛ baa tre kasha gbagba na, mannɛ anyi gbagba be kasha nɛ an ta n sha Ebɔrɛ, mo e sha anyi nseŋ shuŋi mo Pibinyɛn fanɛ e ba wu m mata be luwu nɛ k shin nɛ an nya alubi be ketampaŋ.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”

Kelaraŋŋini 17:14

Baaŋ kɔ Kpakpafɔlbi na kena, ama Kpakpafɔlbi na beeŋ pɔɔ bumo so, mo e la benyɛnpe to be Enyɛnpe nɛ bewura to be Ewura na. Saŋɛ na so, mo nɛ mbe basa treso nɛ bumo koŋwule na la basa laraso nseŋ naa la mbe bebɛsopo mo nɛ b maa lar mo kaman na beeŋ baa wɔtɔ.”

Kelaraŋŋini 19:11

Ndoŋ nna nɛ n wu ebɔrɛso ka bugi nɛ gbaŋɛ fuful yil. Kumo be ediipo be ketre e la Kebaayɛawora nɛ Kashenteŋ. Ekpa niŋiso nɛ e bee bɔla a ji demu nsaa kɔ kumo a kɔ kena.

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.

Kelaraŋŋini 3:14

Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.