Kelaraŋŋini 1:4 - EBƆRƐ BE KAWƆL

⁴ Kawɔl ere shi ma Jɔn kutɔ nna a yɔ asɔri ashunu mo nɛ a wɔ Eeshia be kasawule so na kutɔ. Kuwɔr be kakɛ nɛ kagbenewushi e shi esa nɛ e daa wɔtɔ nseŋ kraa wɔtɔ ŋkeŋ naa ba na nɛ ayoyu ashunu mo nɛ a wɔ mbe kuwurputi be anishito na kutɔ a la menyeya.

Kelaraŋŋini 1:4 ပူးပေါင်းရင်းမြစ်များ

Nshɛ 90:2

Pɔɛŋ nɛ fo to abeeana nɛ kasawule nɛ durnya kikɛ na, nɛ fo la Ebɔrɛ nna nsaa wɔtɔ mbaanaayɔ.

Ɛksodɔs 3:14

Nɛ Ebɔrɛ kaŋɛ Mosis le: “Kaŋɛ bumo fanɛ ma ketre e la: ‘Ma Nɛ N La Ma Na.’ Amoso kusɔ nɛ feeŋ ya kaŋɛ Israɛlebi na e la fanɛ: ‘Ma Nɛ N La Na’ e shuŋi ma menyi kutɔ.”

Aizaaya 11:2

Enyɛnpe Ebɔrɛ na be kiyoyu e naŋ sa mo kanyiasheŋ nɛ kashennyi nɛ kasheŋwora be kenyi nɛ e ta n ji kuwura mbe basa so nɛnɛ. E beeŋ baa nyi Enyɛnpe Ebɔrɛ na be aparsheŋ nsaa bunyaŋ mo.

Aizaaya 41:4

Wanɛ e daŋ shin nɛ le wora? Wanɛ e yili edimɛdi be adrasheŋ n sa bumo? Ma Enyɛnpe Ebɔrɛ nɛ n wɔtɔ sososo na kikɛ na e wora loŋ! Ma, alɛ e naaŋ baa wɔtɔ hale mbaanaayɔ.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Zakareya 3:9

Kejembu nɛ ŋ kɔ a nase Joshuwa be anishito ere kɔ mba ashunu nna. Meeŋ sibɛ kusɔ ko n deŋi kumo so nseŋ ta kachɛ koŋwule n lara kasawule ere so ebi be alubi ashi bumo so.

Zakareya 4:10

Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”

Zakareya 6:5

Nɛ e kaŋɛ: “A yili nna n sa ayoyu ana nɛ a shi Ebɔrɛ nɛ e la Enyɛnpe durnya kikɛ so na kutɔ m ba na.”

Baru lela nɛ Jɔn kute na 1:1

Pɔɛŋ nɛ durnya fara na nɛ esa nɛ baa tre Ebɔrɛ be Kamalga na wɔtɔ. Mo nɛ Ebɔrɛ e daa wɔtɔ nɛ mo nɛ Ebɔrɛ malɛ daa la kukoŋwule.

Ashuŋ Shunso 19:10

Pɔɔl be nfɛ anyɔ nɛ e wɔtɔ a wora loŋ hale nɛ basa nɛ b daa wɔ Eeshia be efuli so na kikɛ, Juwebi nɛ nnyamase gba ya nu Enyɛnpe be kubɔya na.

Ashuŋ Shunso 2:9

To, Paatia nɛ Midia nɛ Ilam nɛ Mɛsopoteemia nɛ Judiya nɛ Kapadosia nɛ Pɔntes nɛ Eeshia,

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

1 Kɔrintebi 1:3

Kuwɔr be kakɛ nɛ kagbenewushi mo nɛ a shi an Tuto kutɔ nɛ Enyɛnpe Yesu Kristo kutɔ na e baa wɔ menyi kutɔ.

2 Kɔrintebi 1:2

An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Hibruwebi 13:8

Ndere nɛ kabre nɛ saŋkikɛ, Yesu Kristo wɔ ŋkpa to nna mbaanaayɔ. E maa chɛrga kikɛ.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

Kelaraŋŋini 1:1

Yesu Kristo be asɔ nɛ Ebɔrɛ sa mo nɛ e lara ŋ ŋini mbe anya nde. A la asɔ nɛ a maaŋ chɛr nseŋ wora nna nɛ e shuŋi mbe kabɔ fanɛ e ba lara amo ŋ ŋini ma, mbe kenya Jɔn

Kelaraŋŋini 1:11

Ebɔl na yɛ: “Sibɛ asɔ nɛ feeŋ wu ere n wɔtɔ kawɔl to nseŋ ta kawɔl na n sa nɛ b ya sa asɔri ashunu na. Asɔriana nɛ a wɔ Ɛfeses nɛ Smɛɛna nɛ Pɛɛgamem nɛ Tayataira nɛ Saadis nɛ Filadɛlfia nɛ Laodisiya na.”

Kelaraŋŋini 1:17

Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,

Kelaraŋŋini 1:20

Achɛkpabi ashunu nɛ fo wu ma enɔjiso to na nɛ shuwa be kefitilatɔl ashunu na be wulo na be afito nde: Achɛkpabi ashunu na e la asɔri ashunu na be emalaika nɛ kefitilatɔl ashunu na malɛ la asɔri ashunu na.”

Kelaraŋŋini 1:8

Enyɛnpe Ebɔrɛ na yɛ: “Ma e la Alfa nɛ Omega, Enyɛnpetale mo nɛ e daa wɔtɔ nseŋ kraa wɔtɔ nseŋ naa ba na.”

Kelaraŋŋini 1:9

Kachako b shin nɛ ma Jɔn, men kurgepo nɛ an kikɛ bee ji awurfoŋ nsaa la kuwura na to be basa a kɔ kanyiti a yil to ŋkpal Yesu so na ya kaa wɔ kepla nɛ baa tre Patmɔs na so ŋkpal ŋ ka daŋ malga Ebɔrɛ be kamalga na nseŋ daŋ ji Yesu be shɛda so.

Kelaraŋŋini 16:5

Ndoŋ nna nɛ n nu malaika mo nɛ e daa kɔ nchuana na be eleŋ na ka kaŋɛ le: “Fo nɛ fo daa wɔtɔ nseŋ kraa wɔtɔ na, wora asheŋ m bɔla ekpa ashi le be demuji ere to.

Kelaraŋŋini 2:12

Nɛ e naŋ kaŋɛ: “Sibɛ kawɔl ere n sa Pɛɛgamem be kade to be asɔri be malaika na ŋ kaŋɛ mo le: ‘Mmalga ere shi emo nɛ e kɔ tokobi jinnɔnyɔ jiso to na kutɔ nna.

Kelaraŋŋini 2:18

Nɛ e naŋ kaŋɛ: “Sibɛ kawɔl ere n sa Tayataira be kade to be asɔri be malaika na ŋ kaŋɛ mo le: ‘Mmalga ere shi Ebɔrɛ Pibinyɛn mo nɛ mbe anishi du fanɛ edɛ be adondulombi nɛ mbe ayadra malɛ bee kpa edɛ fanɛ katishaŋ peper na kutɔ nna.

Kelaraŋŋini 2:8

Kede be kaman nɛ e naŋ kaŋɛ: “Sibɛ kawɔl ere n sa Smɛɛna be kade to be asɔri be malaika na ŋ kaŋɛ mo le: ‘Mmalga ere shi emo nɛ e la sososo nɛ lalaloge nseŋ daŋ wu n naŋ tiŋi a wɔ ŋkpa to na kutɔ nna.

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”

Kelaraŋŋini 22:8

Ma Jɔn e nu nseŋ wu asɔ ere kikɛ. Ma alɛ ka daŋ nu amo nseŋ wu amo nɛ ŋ gbir n dese kasawule malaika mo nɛ e daa ŋini ma asɔana na be anishito nɛ m maŋ mo so

Kelaraŋŋini 3:1

Nɛ e kaŋɛ: “Sibɛ kawɔl ere n sa Saadis be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ Ebɔrɛ be ayoyu ashunu nɛ achɛkpabi ashunu na to na kutɔ nna. N nyi men be aworbi kikɛ, n nyi men ka kɔ ketre basa kutɔ fanɛ men wɔ ŋkpa to nna, ama men wu nna a wɔtɔ.

Kelaraŋŋini 3:14

Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.

Kelaraŋŋini 3:7

Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.

Kelaraŋŋini 4:5

Ndoŋ nna nɛ bɔrɛ shi kuwurputi na akpa a ponte to a gbri le gbrugbru nsaa nyɛkpɛ palpal nɛ efitila ashunu yil kuwurputi na be anishito a suse. Ndia ashunu na e la Ebɔrɛ be ayoyu ashunu na.

Kelaraŋŋini 4:8

Asɔbɔya keniso ana na be kekama daa kɔ atɛ ashe nna nɛ anishi malɛ sɔ bumo be eyurana kikɛ so hale bumo be atɛana to kikɛ. Kapa nɛ kanyɛ b daa maa lo to kikɛ, b daŋ baa boŋ le nna: “Enyɛnpetale Ebɔrɛ e la cheembi cheembi cheembi. Mo e daa wɔtɔ nseŋ kraa wɔtɔ ŋkeŋ naa ba na.”

Kelaraŋŋini 5:6

Ndoŋ nna nɛ n wu Kpakpafɔlbi ka yil kuwurputi na akpa be nferinto nɛ asɔbɔya keniso ana na nɛ bejuŋkparpo na kulti kumo. Kpakpafɔlbi na daa du fanɛ b ka mɔ mo nna. E daa kɔ alambɛ ashunu nɛ anishi ashunu nɛ a la Ebɔrɛ be ayoyu ashunu nɛ e shuŋi amo m ba kasawule ere so na nna.

Kelaraŋŋini 8:2

Nɛ n wu emalaika ashunu mo nɛ b yil Ebɔrɛ be anishito na nɛ b ta mbel ashunu m bɔɔ bumo enɔ.