Kelaraŋŋini 1:11 - EBƆRƐ BE KAWƆL

¹¹ Ebɔl na yɛ: “Sibɛ asɔ nɛ feeŋ wu ere n wɔtɔ kawɔl to nseŋ ta kawɔl na n sa nɛ b ya sa asɔri ashunu na. Asɔriana nɛ a wɔ Ɛfeses nɛ Smɛɛna nɛ Pɛɛgamem nɛ Tayataira nɛ Saadis nɛ Filadɛlfia nɛ Laodisiya na.”

Kelaraŋŋini 1:11 ပူးပေါင်းရင်းမြစ်များ

Aizaaya 30:8

Ade be kaman nɛ Ebɔrɛ kaŋɛ fanɛ n sibɛ kusɔ nɛ basa bee sha kebaanu be asheŋ n wɔtɔ kawɔl ko to, saŋɛ na so kusɔ ko beeŋ baa dese a laŋɛ bumo be kananɛ b lubi be kaplɛa so mbaanaayɔ.

Jɛremaya 30:2

“Jɛremaya, sibɛ kusɔ kama nɛ ŋ kaŋɛ fo n wɔtɔ kawɔl to,

Habakuk 2:2

Ndoŋ nna nɛ Enyɛnpe Ebɔrɛ na kaŋɛ ma le: “Sibɛ kusɔ kama nɛ meeŋ lara ŋ ŋini fo n deŋi ajembu peŋgeleŋ peŋgelembi so nɛnɛ, saŋɛ na so basa beeŋ baa wu amo a kraŋ manaŋ manaŋ.

Ashuŋ Shunso 16:14

Ndoŋ nɛ an ya chena m malga n sa beche ko ka ba shɛr. Beche nɛ b daŋ nu anyi be kamalga na be eko e daa la Libiya, e daa la ewajɛ peper kunɔkunɔ nɛ amo be yawu daa du kpakpa na be efapo nna n shi Tayataira. E daa la eche nɛ e daŋ bunyaŋ Ebɔrɛ nna nɛ Enyɛnpe bugi mbe kagbene nɛ e bugi asoe n nu kusɔ nɛ Pɔɔl daa kaŋɛ na.

Ashuŋ Shunso 18:24

Juwnyɛn ko nɛ baa tre Apɔlɔs nɛ b daŋ kurge mo Alɛkzaandria na daŋ ba Ɛfeses. E daa nyi kamalga to ga nsaa nyi abɔrɛsibɛ na malɛ ga.

Ashuŋ Shunso 20:17

Ndoŋ nna nɛ Pɔɔl yili Mailites n shuŋi kabɔ fanɛ e ya kaŋɛ ndoŋ be asɔriebi be benimuana fanɛ b shɛr mo to.

1 Kɔrintebi 15:32

Saŋɛ nɛ n daa wɔ Ɛfeses na basa daa sa a sa ma tɔrɔ nna fanɛ ma nɛ asɔbɔya lubi ka daa kɔ na. To, nɛ fanɛ bubuni maa tiŋi luwu to nna, manɛ be tɔnɔ nɛ n nya? Nɛ bubuni baa maa tiŋi ashi luwu to, kumo ere kusɔ nɛ abɔrɛsibɛ na bee kaŋɛ na bɔla nna na fanɛ: “Men shin nɛ an baa ji nsaa nuu anyi be kepar, ŋkpal manɛ so, anyi maŋ nyi ŋko echefo anyeeŋ wu.”

1 Kɔrintebi 16:8

Ama ŋ kraa beeŋ baa wɔ Ɛfeses nfe n ya fo Pɛntekɔst be saŋɛ,

Ɛfesesebi 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso na kutɔ nna a yɔ menyi, Ebɔrɛ be basa nɛ men wɔ Ɛfeses be kade to a bugi epunto a bɛ Kristo Yesu so na kutɔ.

Ditɛronɔmi 31:19

To, sibɛ kashɛ ere n nase naniere, nseŋ ŋini Israɛl be basa na nɛ b baa boŋ kumo; saŋɛ na so, baaŋ pin kusɔ nɛ mee sha fanɛ b baa wora nsaa maaŋ nya kusɔ ko n yili so ŋ kini kewora ma kasonu.

Kɔlɔsiebi 2:1

Mee kaŋɛ menyi kesheŋ ere nna ŋkpal ŋ ka bee sha men ka pin kananɛ mee mɔ ma kumu a sa menyi nɛ bumo nɛ b wɔ Laodisiya nɛ bumo nɛ b maŋ naŋ wu ma kikɛ na,

1 Timoti 1:3

Ŋ ka daa yɔ Masɛdonia, ŋ kaŋɛ fo fanɛ fo shir a wɔ Ɛfeses. Mee sha fanɛ fo baa kraa wɔ ndoŋ ŋkpal basa nɛ b wɔ ndoŋ a ŋini keŋini pɔtɛ nɛ a daga fo ka ju bumo loŋ to na so.

Kelaraŋŋini 1:17

Ŋ ka wu mo na nɛ n tɔr mbe anishito fanɛ ŋ ka wu na. Ndoŋ nna nɛ e ta mbe enɔjiso n deŋi ma so nseŋ kaŋɛ: “Sa maa lɔ kufu, ma e la Faraŋko nɛ Lalaloge,

Kelaraŋŋini 1:19

Amoso, sibɛ asɔ nɛ fo wu ere, asɔ nɛ a wɔtɔ naniere nɛ amo nɛ a beeŋ wora kachako so na n nase.

Kelaraŋŋini 1:2

nɛ ma alɛ ji asɔ nɛ n wu na kikɛ be shɛda, amo e la fanɛ Ebɔrɛ be kamalga nɛ asɔ nɛ Yesu Kristo malga na kikɛ be asheŋ.

Kelaraŋŋini 1:20

Achɛkpabi ashunu nɛ fo wu ma enɔjiso to na nɛ shuwa be kefitilatɔl ashunu na be wulo na be afito nde: Achɛkpabi ashunu na e la asɔri ashunu na be emalaika nɛ kefitilatɔl ashunu na malɛ la asɔri ashunu na.”

Kelaraŋŋini 1:4

Kawɔl ere shi ma Jɔn kutɔ nna a yɔ asɔri ashunu mo nɛ a wɔ Eeshia be kasawule so na kutɔ. Kuwɔr be kakɛ nɛ kagbenewushi e shi esa nɛ e daa wɔtɔ nseŋ kraa wɔtɔ ŋkeŋ naa ba na nɛ ayoyu ashunu mo nɛ a wɔ mbe kuwurputi be anishito na kutɔ a la menyeya.

Kelaraŋŋini 1:8

Enyɛnpe Ebɔrɛ na yɛ: “Ma e la Alfa nɛ Omega, Enyɛnpetale mo nɛ e daa wɔtɔ nseŋ kraa wɔtɔ nseŋ naa ba na.”

Kelaraŋŋini 10:4

Bumo alɛ ka baŋ shuli so na nɛ n daa shin nɛ n sibɛ nseŋ naŋ nu ebɔl ka shi ebɔrɛso ŋ kaŋɛ ma: “Ta tɔɔnɛ be kebersobi m ber asɔ nɛ bɔrɛ be egbri ashunu na ka kaŋɛ na nsaa maŋ sibɛ asheŋ na n nase.”

Kelaraŋŋini 14:13

Ndoŋ nna nɛ n nu ebɔl ka shi ebɔrɛso ŋ kaŋɛ ma le: “Sibɛ le n nase: Kagbenefuli la bekama nɛ b wɔ Enyɛnpe to nseŋ wu naniere mbaanaayɔ na peya nna.” Nɛ Kiyoyu Cheeŋ na kaŋɛ: “Kashenteŋto, baaŋ wushi ashi bumo be kegben ere to, ŋkpal manɛ so, bumo be aworbi beeŋ ba bɛ bumo so n yɔ.”

Kelaraŋŋini 19:9

Ndoŋ nna nɛ malaika na kaŋɛ ma le: “Sibɛ n nase fanɛ: Kagbenefuli la bumo nɛ b tre fanɛ b ba Kpakpafɔlbi na be kejafɔ be kejigboŋ to na.” Kumo be kaman nɛ e kaŋɛ le n ti so: “Ade la Ebɔrɛ be kashenteŋ be mmalga nna.”

Kelaraŋŋini 2:1

E yɛ: “Sibɛ kawɔl ere n sa Ɛfeses be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ achɛkpabi ashunu mbe enɔjiso to nsaa na shuwa be kefitilatɔl ashunu na to na kutɔ nna.

Kelaraŋŋini 2:12

Nɛ e naŋ kaŋɛ: “Sibɛ kawɔl ere n sa Pɛɛgamem be kade to be asɔri be malaika na ŋ kaŋɛ mo le: ‘Mmalga ere shi emo nɛ e kɔ tokobi jinnɔnyɔ jiso to na kutɔ nna.

Kelaraŋŋini 2:18

Nɛ e naŋ kaŋɛ: “Sibɛ kawɔl ere n sa Tayataira be kade to be asɔri be malaika na ŋ kaŋɛ mo le: ‘Mmalga ere shi Ebɔrɛ Pibinyɛn mo nɛ mbe anishi du fanɛ edɛ be adondulombi nɛ mbe ayadra malɛ bee kpa edɛ fanɛ katishaŋ peper na kutɔ nna.

Kelaraŋŋini 2:24

Ama menyi Tayatairaebi nɛ men ka ŋkaa maa bɛ loŋ be keŋini na so nseŋ maŋ naŋ bii asɔ nɛ beko bee tre Setani be wulo be keŋini chiŋgeliŋana na so na bre, m maaŋ naŋ ta kegben kama n ti menyi so.

Kelaraŋŋini 2:8

Kede be kaman nɛ e naŋ kaŋɛ: “Sibɛ kawɔl ere n sa Smɛɛna be kade to be asɔri be malaika na ŋ kaŋɛ mo le: ‘Mmalga ere shi emo nɛ e la sososo nɛ lalaloge nseŋ daŋ wu n naŋ tiŋi a wɔ ŋkpa to na kutɔ nna.

Kelaraŋŋini 21:5

Nɛ emo nɛ e daa tase kuwurputi na so na kaŋɛ le: “Mee ta kusɔ kama nna a ki kepopɔr.” Kumo be kaman nɛ e naŋ kaŋɛ ma le: “Sibɛ asɔ ere n nase, ŋkpal manɛ so, a la mmalga mo nɛ a la kashenteŋ nna nseŋ naa la asɔ nɛ baaŋ tiŋ n yirda.”

Kelaraŋŋini 22:10

Kede be kaman nɛ e kaŋɛ ma: “Sa maŋ kaŋ ta le be mmalgawuŋkaŋɛ ere ŋ ŋana wulo to, ŋkpal manɛ so, jemanɛ na bee taga to.

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”

Kelaraŋŋini 3:1

Nɛ e kaŋɛ: “Sibɛ kawɔl ere n sa Saadis be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ Ebɔrɛ be ayoyu ashunu nɛ achɛkpabi ashunu na to na kutɔ nna. N nyi men be aworbi kikɛ, n nyi men ka kɔ ketre basa kutɔ fanɛ men wɔ ŋkpa to nna, ama men wu nna a wɔtɔ.

Kelaraŋŋini 3:14

Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.

Kelaraŋŋini 3:4

Men kraa kɔ basa gbrɛbi ko ashi Saadis to nɛ eyurpi kama maŋ gbiti bumo be asɔbuuso na. Bumo alɛ beeŋ tu ma n nite m buu asɔ fuful, ŋkpal manɛ so, b daga loŋ.

Kelaraŋŋini 3:7

Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.