Kaŋinichiŋgeliŋ 9:9 - EBƆRƐ BE KAWƆL

⁹ Durnya to be kebaawɔtɔ maŋ kɔ tɔnɔ, amoso jemanɛ nɛ men wɔ ŋkpa nɛ Ebɔrɛ sa menyi to ere, fo nɛ fo eche nɛ fee sha na e baa ji menyi be amu nɛnɛ. Ŋkpal manɛ so, kusɔ nɛ k wɔtɔ n sa menyi ashi menyi be kegben kikɛ to nna na.

Kaŋinichiŋgeliŋ 9:9 ပူးပေါင်းရင်းမြစ်များ

Jɛnesis 26:8

Aizek daa wɔ ndoŋ loŋ n chɛr nɛ kachako Filistiebi be ewura nɛ baa tre Abimelɛk na keni tokuro to n wu Aizek ka bee chɔlta mbe eche Rebɛka.

Nshɛ 144:4

Dimɛdi baa du fanɛ afu futeso nna; mbe nchɛ bee choŋ nna fanɛ kiyoyul.

Nshɛ 39:5

Fo wora ma ŋkpa shiŋgblembi nna; nɛ nfɛ nɛ meeŋ ji maŋ la shɛŋ fo kutɔ. Dimɛdi be ŋkpa du fanɛ afu ka ber n choŋ nna.

Aŋasa 18:22

Fo baŋ nya eche fo nya kakɛ lela. Eche lela la Enyɛnpe Ebɔrɛ be kakɛ nna.

Aŋasa 19:14

Esa beeŋ tiŋ n ji nwu nɛ amansherbi be kapetɛ; ama Enyɛnpe Ebɔrɛ nawule e naa sa eche lela.

Kaŋinichiŋgeliŋ 2:10

Shɛŋ shɛŋ be kenya daa maŋ du ma so kpakpa. Kusɔ kama malɛ maŋ wɔtɔ nɛ k beeŋ tiŋ ŋ kuŋ ma ekpa nɛ m maaŋ wora kusɔ nɛ k beeŋ fuli ma kagbene. Kusɔ kama malɛ nɛ n daŋ wora na, daŋ bɔlɔ ma kenishi nna. Ma alɛ bee wu amo kikɛ fanɛ asɔ nɛ e la tɔnɔ n sa ma nna.

Kaŋinichiŋgeliŋ 2:24

Kusɔ nɛ ekama baa wora e la kebaa ta mbe kanya a ji a nuu nsaa ji mbe kumu. Ama ade kikɛ be nfɛra nɛ n fɛ nseŋ wu fanɛ amo kikɛ bee shi Ebɔrɛ kutɔ nna.

Kaŋinichiŋgeliŋ 3:13

Ŋkpal manɛ so ajibi nɛ anyee nya a ji nɛ nchu nɛ anyee nuu nɛ tɔnɔ kama nɛ anyee nya ashi anyi be ashuŋ to ere kikɛ la Ebɔrɛ be kakɛ nna.

Kaŋinichiŋgeliŋ 3:22

Amoso kusɔ nɛ n naaŋ pɛshɛ m pin e la fanɛ a daga an ka bee ji anyi be kegben be tɔnɔ ŋkpal manɛ so anyi maaŋ tiŋ m pin echefoso be asheŋ.”

Kaŋinichiŋgeliŋ 5:18

Kusɔ nɛ n wu e la fanɛ, kusɔ lela mo nɛ dimɛdi daga kewora an be ŋkpa shiimbi nɛ Ebɔrɛ ta n sa anyi durnya ere to e la fanɛ an baa ta kusɔ kama nɛ an gben n nya a ji eyur. Kusɔ nɛ k baŋ daga dimɛdi kikɛ nna na.

Kaŋinichiŋgeliŋ 6:12

Nuso nɛ esa beeŋ tiŋ n wora m pin kusɔ nɛ k walɛ n sa anyi ashi ŋkpa shiimbi nɛ anyee ji durnya ere to, nɛ k bee choŋ fanɛ afu ere? Wanɛ e naŋ tiŋ ŋ kaŋɛ kusɔ nɛ k beeŋ wora mo echefoso saŋɛ so nɛ e lar durnya ere to? An kaŋ wu, nuso nɛ anyeeŋ wora m pin kusɔ nɛ k beeŋ wora anyi durnya mo nɛ anyeeŋ naŋ yɔ na to?

Kaŋinichiŋgeliŋ 7:15

Kebaawɔtɔ jiga nɛ n wɔtɔ ere to, nɛ n wu fanɛ basa lela ko bee wu bumo be alelasheŋ to nna nɛ basa lubi malɛ kɔ ŋkpa nsaa wɔ bumo be asheŋ lubi to.

Malakai 2:15

Ebɔrɛ maŋ ta menyi nna m ber abar so nɛ men ki kukoŋwule a? Manɛ so nɛ e wora loŋ? E daŋ wora loŋ nna saŋɛ na so menyeeŋ kurge mbia nɛ b la Ebɔrɛ be basa kashenteŋto. Amoso k maŋ daga ekama ka kini mbe eche.