Kaŋinichiŋgeliŋ 9:8 - EBƆRƐ BE KAWƆL

⁸ Baa buu asɔ fuful jemanɛ kikɛ nsaa saŋɛ kenishito a wora asheŋ kagbenefuliso

Kaŋinichiŋgeliŋ 9:8 ပူးပေါင်းရင်းမြစ်များ

Kelaraŋŋini 19:14

Ebɔrɛso be benapo daŋ buu wajɛ fuful lela nɛ a walɛ so n fuli parr nna n dii egbaŋɛ fuful m bɛ mo so.

Kelaraŋŋini 19:8

E nya wajɛ fuful lela nyɛkpɛso nɛ k walɛ so nɛ e buu. Kusɔbuuso lela na e naa yili fanɛ Ebɔrɛ be basa laraso be alelasheŋ be aworbi.”

Kelaraŋŋini 7:9

Ade be kaman nɛ ŋ keni n wu jimaŋ damta ko nɛ esa kikɛ maaŋ tiŋ ŋ karga bumo ka yil kuwurputi na nɛ Kpakpafɔlbi na be anishito. B daŋ shi efuli kama so nɛ yiri kama to nɛ basa kama to nɛ ŋgbar kama to nna m buu epiŋi fuful nseŋ daŋ keta abii be ayabiana.

Kelaraŋŋini 16:15

“Men nu nfe, meeŋ ba menyi to fanɛ eyu. Kagbenefuli baa la ekama nɛ e maa di, mo alɛ nsaa kɔ mbe asɔbuuso to na peya nna, saŋɛ na so, e maaŋ delge so n nite nɛ anishinyɔr e pɛ mo.”

Danɛl 10:3

N daa maŋ ji ajibi gbɛgbɛso kikɛ ŋko n we eblaŋ ŋko n nuu asɔnuuso ŋko ŋ gbiti ŋku bɔkwe asa na kikɛ to.

Nshɛ 23:5

N doŋana be anishito, nɛ fee wora kejigboŋ a yili ma. Fo sɔ ma fanɛ fo efɔgboŋ nna, a keta ma kananɛ k daga so.

Ɛsta 8:15

Kumo be kaman nɛ Mɔdikaya ta kuwurpiŋi lela ko nɛ k la buru nɛ kefuful be weato m buu nseŋ ta ago be piŋi peper kunɔkunɔ m buu n deŋi kumo so, n ta shuwa be kuwurwuro nyɛkpɛso m buu nseŋ lar ewurkpa n yɔ. Nɛ Susa be kade to ebi be ŋgbene fuli bumo nɛ baa cha awɔr nsaa ponte to kagbenefuliso

2 Samuɛl 19:24

Nɛ Sɔɔl mo nanabi Mifiboshɛf gba koso n lar n ya shɛr ewura Deevid to. Baŋ yili saŋɛ so nɛ ewura na lar Jerusalɛm to n naŋ ya bɛta m ba nɛ alenfia na kikɛ, Mifiboshɛf daa maŋ fɔr mbe aya gba so, e daa maŋ she mbe katɔl, mo alɛ daa maŋ naŋ fɔr mbe asɔbuuso gba.

Ruf be kawɔl 3:3

loŋ so wora manaŋ m bɛr nseŋ ta fo asɔbuuso nɛ a walɛ ga na m buu, nseŋ gbiti tulale dufɛso n yɔ kakpa nɛ baa bri asɔ na. Fo kaŋ yɔ ndoŋ, fo sa maŋ shin nɛ e pin fo asheŋ ama e ji nna n loge pɔɛŋ.

Matiu 6:17

Ama nɛ men baŋ kishi, men fɔr men be anishito ŋ gbiti men be amu ŋku.

Eemɔs 6:6

Menyee nuu nsa kananɛ k par menyi nna, nsaa gbiti yawu kpakpaso be etulale, ama men kplaŋ men be efuli Israɛl nɛ k bure n loge na bre so.

2 Samuɛl 14:2

Amoso e daŋ shuŋi n tre kache nyiashempo ko nna ashi kade nɛ ba tre Tekua na nna. E ka ba nɛ e kaŋɛ mo le: “Wora fanɛ fo ka nya keeli na, nseŋ buu keeli to be ewajɛ, nsaa maŋ kaŋ m mɔ fo emin to. Wora fanɛ fo ka shu keeli na n chɛr ga na.”

Luuk 7:46

Ŋ ka ba, fo maŋ ta ŋku n do ma kumu so, ŋkeshin nɛ mo ere ta tulale n wurge ma ayadra kikɛ so.