Kaŋinichiŋgeliŋ 9:3 - EBƆRƐ BE KAWƆL

³ Kulubi nɛ k wɔ asheŋ kama nɛ e bee wora durnya to na e la fanɛ, kelamba koŋwule e dese n sa ekama. Asheŋ lubi nɛ ebonsheŋ e baŋ bɔlɔ edimɛdi be ŋgbene nɛ nfɛra to; amo alɛ kikɛ be kaman baa wu a yɔ bubuni to nna.

Kaŋinichiŋgeliŋ 9:3 ပူးပေါင်းရင်းမြစ်များ

Jɛnesis 6:5

Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

Job be kawɔl 15:16

edimɛdi bre nɛ e beeŋ tiŋ n yirda a? Alubi la fanɛ nchu nna n sa anyi edimɛdi nɛ anyee nuu kapa nɛ kanyɛ.

Job be kawɔl 21:26

Ama luwu koŋwule nɛ an kikɛ bee wu nɛ baa puli anyi nɛ ashushombi bee ji anyi.

Job be kawɔl 9:22

Ŋkpal manɛ so, Ebɔrɛ bee mur basa nɛ b wora n da so nɛ bumo nɛ b maŋ wora n da so kikɛ nna.

Nshɛ 51:5

Kachɛ nɛ b kurge ma na kikɛ nɛ n la alubiworapo.

Nshɛ 64:7

Ama Ebɔrɛ gbagba beeŋ to bumo atanyembi n doro bumo.

Aŋasa 14:32

Belubiworapo gbagba be asheŋ lubi e naa mur bumo, ama belelaworapo bre be alela e naa kuŋ bumo.

Kaŋinichiŋgeliŋ 1:17

N daŋ pere kenishi nna a shin nɛ m pin kebaawora asheŋ kanyiasheŋ so, mannɛ kawuliso. Ama n wu fanɛ afu nɛ mee ju a buu so.

Kaŋinichiŋgeliŋ 12:7

Anyi be eyurana ere beeŋ bɛta n yɔ shishɛr nɛ a shi to na to, nɛ Kiyoyu nɛ e bee sa anyi ŋkpa nɛ efute na malɛ e bɛta n yɔ Ebɔrɛ nɛ e ta mo n wɔtɔ anyi to na kutɔ.

Kaŋinichiŋgeliŋ 2:14

Enyiashempo bre nyi kakpa nɛ e bee yɔ, ama ewulpo bre maŋ nyi kakpa nɛ e bee yɔ.” Kumo be lalaloge, enyiashempo nɛ ewulpo kikɛ sasa nna.

Kaŋinichiŋgeliŋ 7:2

Fo ka yɔ keelibuna bɔ fo ka yɔ kejigboŋ to; ŋkpal manɛ so, k yɔ keeli to bee nyiŋi anyi nna fanɛ ekama beeŋ wu kachako.

Kaŋinichiŋgeliŋ 7:25

Amoso n daŋ yili kumo nna fanɛ meeŋ ta ma kanyiasheŋ n fin asheŋ kpakpaso ere kikɛ be edesekpa, saŋɛ na so meeŋ koya kananɛ kulubi nɛ kawulisheŋ du.

Kaŋinichiŋgeliŋ 8:11

Kulubi be kasogberge baa maa ba manaŋ manaŋ, k bee shin nɛ basa be ŋgbene bee laŋɛ kulubi be kewora so nna.

Kaŋinichiŋgeliŋ 9:11

N daŋ naŋ wu kusɔ ko malɛ gba durnya to n ti so. Kumo e la fanɛ, mannɛ basa nɛ baa shile ga e naa tiŋ a ji kɔŋkɔŋ ŋko belempo e naa tiŋ a kɔ a pɔɔ so jemanɛ kikɛ. Mannɛ kanyiasheŋ ŋko kenyi be ga e naa bar ajibi ŋko kedamaya ŋko ketregboŋ. Kumu lubi malɛ wɔtɔ nna n sa ekama.

Kaŋinichiŋgeliŋ 9:2

Kelamba koŋwule e dese n sa basa niŋiso nɛ kumukpakpasowuraana; basa lela nɛ basa lubi kikɛ. Kusɔ koŋwule e naaŋ wora basa nɛ baa ŋana Ebɔrɛ nsaa sa mo bunyaŋ nɛ bumo nɛ b maa ŋana mo kikɛ. Kusɔ nɛ k beeŋ wora basa nɛ baa lara esarga a sa Ebɔrɛ na, kumo e naŋ wora bumo nɛ b maa bɛ bumo be nnɔ naseso so na gba.

Kaŋinichiŋgeliŋ 9:4

Ekama nɛ e kraa wɔ ŋkpa to kraa kɔ tama, fanɛ kananɛ jɔnɔ keniso kɔ tɔnɔ a chɔ buluŋ wuso na.

Jɛremaya 16:12

Ama menyi ere wora asheŋ lubi nɛ a chɔ men nananyɛnana peya. Menyi kikɛ be ŋgbene du kpakpa nna nseŋ lubi. Menyi alɛ maa nu a sa ma.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 17:9

Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

Luuk 15:17

E ka wu kebaawɔtɔ nɛ e daa wɔ na to nɛ e bishi mbe kumu le: ‘N tuto be nyɛrbi afanɛ e kɔ ajibi a ji a ka nɛ m ba kaa wɔ nfe nɛ akoŋ bee shin nɛ k mɔ ma n to jiga le?

Luuk 6:11

Ndoŋ nna nɛ basa na diewu n fara a bishi abar kusɔ nɛ baaŋ wora Yesu.

Ashuŋ Shunso 12:23

Epul na to nɛ Enyɛnpe be malaika ba ta kulɔ n lɛ Hɛrɔd so ŋkpal e ka maŋ ta kemaŋkura na n sa Ebɔrɛ so. Ashushombi e daŋ ji mbe eyur nɛ e wu.

Ashuŋ Shunso 26:11

N daa wɔtɔ nna a shin nɛ baa gberge bumo kusoe ashi nshɛrbuana na to nseŋ daa kɔ a fin kananɛ meeŋ wora nɛ b kaŋɛ fanɛ b maaŋ naŋ yirda Yesu na. Agbo daŋ pɛ ma ga ŋkpal bumo so nɛ n yɔ hale nde pɔtɛana to gba nɛ n ya tɔrɔ bumo.”

Ashuŋ Shunso 26:24

Pɔɔl ka yili a malga le a kuŋ mbe kumu na nɛ Fɛstes ponte mo so ŋ kaŋɛ: “Pɔɔl, keyeŋiyeŋi e kɔ fo na. Fo kawɔl be kenyi damta ere e naa shin nɛ keyeŋiyeŋi tɔr fo so na.”

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

2 Pita 2:16

Mo e la esa nɛ kurma nɛ k la kusɔbɔya a maa malga, ama kumo alɛ nseŋ daŋ malga fanɛ dimɛdi n fiɛ mo so na. Mbe alubi so nɛ kurma na daŋ wora loŋ n shin nɛ mo ere anebi na lar mbe ebonsheŋ na to.