Kaŋinichiŋgeliŋ 9:1 - EBƆRƐ BE KAWƆL

¹ Kede be kaman nɛ n fɛ asheŋ ere kikɛ be asheŋ nseŋ wu fanɛ basa niŋiso nɛ benyiashempo kikɛ be asheŋ nɛ baa wora kasha so nɛ amo nɛ baa wora yurkishi so kikɛ bɔɔ Ebɔrɛ enɔ nna. Ekama maŋ nyi kusɔ nɛ k dese a jo mo.

Kaŋinichiŋgeliŋ 9:1 ပူးပေါင်းရင်းမြစ်များ

Job be kawɔl 12:10

Kusɔ futeso kikɛ be ŋkpa bɔɔ Ebɔrɛ enɔ nna.

Job be kawɔl 27:12

Menyi gbagba wu asheŋ ere kenishiso, nɛ manɛ nna nɛ men naa malga asheŋ nɛ e maŋ kɔ kifi to?

Job be kawɔl 5:8

Job, nɛ ma e daa la fo, meeŋ ta ma asheŋ m bɔɔ Ebɔrɛ enɔ nɛ e chɛ ma to.

Nshɛ 10:14

Ama fo Ebɔrɛ na bee wu tɔrɔ nɛ awurfoŋ ere kikɛ, nseŋ wora shiriya nɛ fo chɛ to. Basa nɛ baa wu awurfoŋ na bɔɔ fo enɔ nna. Fo e naa chɛ amunibi to na.

Nshɛ 119:109

Jemanɛ kikɛ mee ta ma ŋkpa nna a pɛl, ama m maaŋ teŋ fo mbraana bre so kikɛ.

Nshɛ 31:5

Enyɛnpe Ebɔrɛ, fo e naa keni ma so. Jande mɔlga ma ŋkpal fo ka la eshenteŋjipo so.

Nshɛ 73:3

Ŋkpal manɛ so, ŋ ka daŋ wu kamoowuwuraana ka dii kedama na, n daa besa bumo eyur nna.

Aŋasa 16:3

Ta kusɔ kama nɛ fee sha kewora m bɔɔ Enyɛnpe Ebɔrɛ enɔ nɛ asheŋ e nite nɛnɛ n sa fo.

Kaŋinichiŋgeliŋ 1:17

N daŋ pere kenishi nna a shin nɛ m pin kebaawora asheŋ kanyiasheŋ so, mannɛ kawuliso. Ama n wu fanɛ afu nɛ mee ju a buu so.

Kaŋinichiŋgeliŋ 10:14

Mbe mmalga malɛ maa loge kikɛ, e baa bela amo a biti abar so nna. Esa kikɛ maŋ nyi kusɔ nɛ k beeŋ naŋ wora. Esa kikɛ malɛ maaŋ tiŋ ŋ kaŋɛ anyi kusɔ nɛ k beeŋ wora luwu be kaman.

Kaŋinichiŋgeliŋ 7:15

Kebaawɔtɔ jiga nɛ n wɔtɔ ere to, nɛ n wu fanɛ basa lela ko bee wu bumo be alelasheŋ to nna nɛ basa lubi malɛ kɔ ŋkpa nsaa wɔ bumo be asheŋ lubi to.

Kaŋinichiŋgeliŋ 7:25

Amoso n daŋ yili kumo nna fanɛ meeŋ ta ma kanyiasheŋ n fin asheŋ kpakpaso ere kikɛ be edesekpa, saŋɛ na so meeŋ koya kananɛ kulubi nɛ kawulisheŋ du.

Kaŋinichiŋgeliŋ 8:14

Kusɔ ko nɛ kumo be kepin to du kpakpa kraa wora kasawule so. Kumo e la fanɛ basa niŋiso ka bee nya kasogberge nɛ k daga kumukpakpasowuraana, nɛ kumukpakpasowuraana bee nya kemaŋkura nɛ k daga basa niŋiso. Ma ere kutɔ kede gba maŋ kɔ kifito.

Kaŋinichiŋgeliŋ 8:16

Kapa nɛ kanyɛ mee gal edi nna a wora ania nɛ m pin kusɔ nɛ k bee wora durnya ere to.

Kaŋinichiŋgeliŋ 8:7

Ŋkpal manɛ so, esa kikɛ maaŋ tiŋ m pin kusɔ nɛ k beeŋ wora echefoso. Esa kama malɛ maŋ wɔtɔ nɛ e kaŋɛ mo.

Kaŋinichiŋgeliŋ 9:6

Kasha nɛ yurkishi nɛ kukɔrkɔ kama nɛ b daa kɔ kikɛ choŋ nna na. B maaŋ naŋ tiŋ n ti basa so n wora asheŋ kasawule ere so kikɛ.

Aizaaya 26:12

Enyɛnpe Ebɔrɛ, fo e naaŋ sa anyi kedamaya nɛ kayurwushi, ŋkpal manɛ so, kusɔ kama nɛ anyee wora, fo eleŋ to nɛ anyee tiŋ a wora kumo.

Jɛremaya 43:6

Bumo alɛ daŋ naŋ keta ma nɛ Baruk nɛ benyɛn nɛ beche nɛ mbia nɛ ewura Zɛdikaya be mbichesobi nɛ Nebuzaradan nɛ e daa la benapo nɛ baa kuŋ Babilɔn be ewura na be enimu na daŋ yige n sa Gɛdaliya fanɛ e baa keni so na gba nna n ti so n yɔ Ijipt be efuli so.

Ditɛronɔmi 33:3

Enyɛnpe Ebɔrɛ na bee sha mbe basa nna, nsaa kuŋ bekama nɛ b la mo peya. Amoso anyeeŋ gbir m bunyaŋ mo nseŋ wora kusɔ nɛ e kaŋɛ kenishipere so na kasonu.

2 Timoti 1:12

Kumo alɛ so nɛ mee ji le be awurfoŋ ere na. Ama kumo alɛ maŋ kɔ ma anishinyɔr, ŋkpal manɛ so, n nyi esa nɛ n yirda, ma alɛ maa ji kumo emɔrɔ fanɛ e beeŋ tiŋ ŋ keni kusɔ kama nɛ e ta m bɔɔ ma enɔ so hale n ya fo kachɛ na.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.