Kaŋinichiŋgeliŋ 8:8 - EBƆRƐ BE KAWƆL

⁸ Esa kama maŋ kɔ eleŋ luwu so ŋko nɛ e tiŋ n chɛrga mbe kaluwuachɛ. Luwu la kena nɛ esa kama maaŋ tiŋ n shile kumo nna, loŋ koŋwule na e la esa nɛ e bee wora alubi. Mbe alubi beeŋ ba dii efuli kachɛ ko.

Kaŋinichiŋgeliŋ 8:8 ပူးပေါင်းရင်းမြစ်များ

2 Samuɛl 14:14

Anyi kikɛ nyam beeŋ wu, ŋkpal manɛ so an du fanɛ nchu nɛ b chulgi n lɛ kasawule nɛ a maŋ naa kɔ kemuu nna. Hale nɛ Ebɔrɛ maa shin nɛ bubuni bee bɛta e ba ŋkpa to gba, fo nɛ fo la ewura ere bre beeŋ tiŋ n shin nɛ esa nɛ e shile fo efuli so n yɔ kuko to e naŋ bɛta m ba.

2 Bewura 7:15

Nɛ basa na pɛ ekpa hale n ya fo Jɔɔdan be lɔr na ase kikɛ nseŋ wu Siriyaebi na be asɔbuuso nɛ akɔsɔ nɛ b yige n lɛ kubɔrso saŋɛ so nɛ baa shile na. B ka wu loŋ na, nɛ b bɛta m ba kaŋɛ ewura na.

Job be kawɔl 14:5

Anyi edimɛdi be saŋɛ maŋ shi durnya to, Fo, Ebɔrɛ na, tea nyi nchɛ nɛ esa beeŋ ji durnya to.

Job be kawɔl 34:14

Nɛ Ebɔrɛ baŋ sɔ efute nɛ k sa anyi ŋkpa ere

Nshɛ 89:48

Dimɛdi kikɛ maaŋ tiŋ n suge mbe kumu ashi luwu nɛ nchaŋ be eleŋana to.

Nshɛ 9:17

Belubiworapo bee yɔ luwu to nna, nɛ b ya tu efuli pɔtɛana so ebi nɛ b kini fo na.

Aŋasa 12:3

Kumu kpakpaso be asheŋ woraso maa kuŋ esa, ama kecheembiya bre bee shin nɛ esa bee yili to kiŋkiŋ nna.

Aŋasa 14:32

Belubiworapo gbagba be asheŋ lubi e naa mur bumo, ama belelaworapo bre be alela e naa kuŋ bumo.

Kaŋinichiŋgeliŋ 3:21

Wanɛ e nyi fanɛ anyi be ayoyu bee yɔ esoso nna nɛ asɔbɔya malɛ peya bee shir kasawule to?

Kaŋinichiŋgeliŋ 8:13

Ama ŋkpal kumukpakpasowuraana ka maa ŋana Ebɔrɛ nsaa maa wora mo kasonu so, asheŋ maaŋ nite nɛnɛ n sa bumo; bumo alɛ be nchɛ maaŋ teŋi so fanɛ kiyoyul nɛ k maa yili kakpa koŋwule a chɛr na.

Kaŋinichiŋgeliŋ 9:12

Fo maaŋ tiŋ m pin jemanɛ nɛ fo peya bee ba. Kananɛ abulbi bee pɛ mbuibi ŋko ewule bee pɛ ekɔrɔtɔ epul to na, aloŋ nɛ asheŋ lubi bee ba edimɛdi gba so.

Aizaaya 28:15

Menyee ka kaŋɛ fanɛ menyi ere nɛ luwu wora kɔnɔ nna, nɛ menyi nɛ basa nɛ b wu n yɔ bubuni to be nnɔ wora kukoŋwule. Men yirda fanɛ jɛrbi kama nɛ k beeŋ ba maaŋ wora menyi shɛŋ ŋkpal efɛ nɛ kafule be kebaawɔtɔ nɛ men wɔtɔ na so.

Aizaaya 28:18

Menyi nɛ luwu be kɔnɔ nɛ men wora na nɛ kananɛ menyi nɛ basa nɛ b wu n yɔ bubuni to be nnɔ wora kukoŋwule na beeŋ ba ekar. Kumo be kaman nɛ jɛrbi e ba menyi so fanɛ nchu ka bɔlɔ n sulɔ menyi n yɔ na.

Aizaaya 47:10

Men daŋ ta asheŋ lubi be kewora nna fanɛ kebɛlso be kusɔ kuŋkumuso a kaŋɛ le: ‘Esa kama maa wu anyi!’ Men be kanyiasheŋ nɛ kashennyi e fule menyi, nɛ men yirda fanɛ men nawule e baa la ashi durnya to, esa kikɛ maŋ naa du fanɛ menyi.

1 Kɔrintebi 15:43

Kumo be kepuli to, k maŋ kɔ bunyaŋ, ama kumo be ketiŋi bre to, kumo nɛ kemaŋkura nna. Kumo be kepuli to, kapɔshi nɛ k kɔ, kumo be ketiŋi bre to, kumo nɛ eleŋ nna.

2 Kɔrintebi 13:4

Kashenteŋto, kapɔshi to nɛ b daŋ gbir mo kedibi largato so, ama Ebɔrɛ be eleŋ nɛ e kɔ a wɔ ŋkpa to naniere. Loŋ nɛ anyi alɛ gba la bepɔshipo mo to, ama ŋkpal Ebɔrɛ be eleŋ so, an tu Kristo na nna a wɔ ŋkpa to nɛ an shuŋ menyi.

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.