Kaŋinichiŋgeliŋ 8:7 - EBƆRƐ BE KAWƆL

⁷ Ŋkpal manɛ so, esa kikɛ maaŋ tiŋ m pin kusɔ nɛ k beeŋ wora echefoso. Esa kama malɛ maŋ wɔtɔ nɛ e kaŋɛ mo.

Kaŋinichiŋgeliŋ 8:7 ပူးပေါင်းရင်းမြစ်များ

Ɛsta 5:12

Kede be kaman nɛ Heman naŋ kaŋɛ: “Asɔ damta gba kraŋ ti so, ma nɛ ewura nawule nɛ ewurche Ɛsta tre mbe kejigboŋ to, e maŋ tre esa kikɛ n ti anyi so. E yɛ echefo gba an naaŋ ba tu mo n ji.

Aŋasa 24:22

Wanɛ e nyi tɔrɔ nɛ Enyɛnpe Ebɔrɛ ŋko ewura beeŋ sa bumo?

Aŋasa 27:1

Sa maa puchi echefoso, ŋkpal manɛ so fo maŋ nyi kananɛ asheŋ beeŋ ba du echefo.

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Kaŋinichiŋgeliŋ 10:14

Mbe mmalga malɛ maa loge kikɛ, e baa bela amo a biti abar so nna. Esa kikɛ maŋ nyi kusɔ nɛ k beeŋ naŋ wora. Esa kikɛ malɛ maaŋ tiŋ ŋ kaŋɛ anyi kusɔ nɛ k beeŋ wora luwu be kaman.

Kaŋinichiŋgeliŋ 3:22

Amoso kusɔ nɛ n naaŋ pɛshɛ m pin e la fanɛ a daga an ka bee ji anyi be kegben be tɔnɔ ŋkpal manɛ so anyi maaŋ tiŋ m pin echefoso be asheŋ.”

Kaŋinichiŋgeliŋ 6:12

Nuso nɛ esa beeŋ tiŋ n wora m pin kusɔ nɛ k walɛ n sa anyi ashi ŋkpa shiimbi nɛ anyee ji durnya ere to, nɛ k bee choŋ fanɛ afu ere? Wanɛ e naŋ tiŋ ŋ kaŋɛ kusɔ nɛ k beeŋ wora mo echefoso saŋɛ so nɛ e lar durnya ere to? An kaŋ wu, nuso nɛ anyeeŋ wora m pin kusɔ nɛ k beeŋ wora anyi durnya mo nɛ anyeeŋ naŋ yɔ na to?

Kaŋinichiŋgeliŋ 7:14

Nɛ asheŋ baa nite nɛnɛ, shin nɛ fo kagbene e baa fuli fo, nɛ asheŋ maŋ naa nite nɛnɛ malɛ, ba nyi fanɛ Ebɔrɛ e naa sa ekpa nɛ asheŋ lela nɛ asheŋ lubi bee tu esa. Amoso ekama maŋ nyi kusɔ nɛ k beeŋ wora echefoso.

Kaŋinichiŋgeliŋ 9:1

Kede be kaman nɛ n fɛ asheŋ ere kikɛ be asheŋ nseŋ wu fanɛ basa niŋiso nɛ benyiashempo kikɛ be asheŋ nɛ baa wora kasha so nɛ amo nɛ baa wora yurkishi so kikɛ bɔɔ Ebɔrɛ enɔ nna. Ekama maŋ nyi kusɔ nɛ k dese a jo mo.

Kaŋinichiŋgeliŋ 9:12

Fo maaŋ tiŋ m pin jemanɛ nɛ fo peya bee ba. Kananɛ abulbi bee pɛ mbuibi ŋko ewule bee pɛ ekɔrɔtɔ epul to na, aloŋ nɛ asheŋ lubi bee ba edimɛdi gba so.

Matiu 24:44

To, menyi alɛ gba e wora shiriya a jo ma, Nyiŋgbasa Pibinyɛn na, ŋkpal manɛ so, meeŋ ba saŋɛ nɛ men maaŋ baa tama ma.

Matiu 24:50

mo nyɛnpe na beeŋ ya bɛta m ba kachɛ nɛ jemanɛ nɛ kenya na maŋ nyi ŋko a tama mo.