Kaŋinichiŋgeliŋ 8:4 - EBƆRƐ BE KAWƆL

⁴ Ewura be kamalga du fanɛ b ka nase mbra nna, amoso esa kama maaŋ tiŋ n ji mbe kamalga emɔrɔ.

Kaŋinichiŋgeliŋ 8:4 ပူးပေါင်းရင်းမြစ်များ

2 Samuɛl 24:4

Ama ewura na daŋ maŋ chɛrga mbe nfɛra nseŋ shin nɛ Jɔab nɛ benimuana na lar n yɔ nɛ b ya karga Israɛl be benapo na.

1 Bewura 1:30

kɔnɔ nɛ n nase ashi Enyɛnpe Israɛl be Ebɔrɛ na be ketre to fanɛ ma kaman Sɔlɔmɔn e naaŋ ki ewura na, beeŋ bɔlɔ so.”

1 Bewura 2:25

Kede be kaman nɛ ewura Sɔlɔmɔn ponte ŋ kaŋɛ Bɛnaya fanɛ e ya mɔ Adonija, nɛ Bɛnaya ya mɔ mo.

1 Bewura 2:46

Kumo be kaman nɛ Ewura Sɔlɔmɔn kaŋɛ Bɛnaya fanɛ e ya mɔ Shimei, nɛ e ya mɔ mo. Ndoŋ nna nɛ ewura Sɔlɔmɔn be kuwurji wora eleŋ n ti so.

Ɛzra 6:13

Ndoŋ nna nɛ Tatɛnayi, nɛ e la gomena na nɛ Shɛta Bɔzanayi nɛ bumo braana nɛ benimuana na wora m bɛ kusɔ nɛ ewura na kaŋɛ na so.

Job be kawɔl 9:12

E baŋ ta kusɔ, esa maaŋ tiŋ ŋ kuŋ mo akpa. Esa malɛ maaŋ tiŋ m bishi mo fanɛ manɛ nɛ fee wora ere?

Ɛksodɔs 1:18

Ndoŋ nna nɛ kachako nɛ Ijipt be ewura na shuŋi n tre beche nɛ b daa sɔ kakurge na m bishi bumo le: “Manɛ e ba nɛ menyee wora loŋ? Manɛ so nɛ menyee maa mɔ mbinyɛnsobi na nsaa yige bumo?”

Aŋasa 19:12

Ewura be agbo du fanɛ buluŋ ka bee ponte to nna nɛ mbe kuwɔrwu malɛ du fanɛ bunyaŋ ka tɔr afitiri so.

Aŋasa 20:2

Ewura be kanya agbo du fanɛ buluŋ ka nya agbo nna. Keshin nɛ ewura e nya agbo du fanɛ kapotɔ nna.

Aŋasa 30:31

nɛ kananɛ kaboelote bee nite, nɛ kananɛ koshinyɛn bee nite, nɛ ewura nɛ mbe benapo kulti mo.

Danɛl 3:15

Men kaŋ baŋ nu mbel nɛ nlopi nɛ egoji nɛ ejirgo nɛ ejaŋjilaŋ nɛ alaŋsɔ be yiri kikɛ ka bee shu naniere, men jɔŋɛ m bunyaŋ kapɔrduli na. Men baŋ kini, meeŋ shin nɛ b ta menyi kikɛ n lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to, nseŋ keni kegbir mo nɛ k beeŋ tiŋ m mɔlga menyi ashi ma enɔ to.”

Danɛl 4:35

Basa nɛ b wɔ durnya to maŋ la shɛŋ mo kutɔ. Emalaika nɛ b wɔ ebɔrɛso nɛ basa nɛ b wɔ kasawule so kikɛ wɔ mbe kaseto nna. Ekama maaŋ tiŋ m malga ŋ gbiti kusɔ nɛ e yili, ŋko m bishi kusɔ nɛ k ba nɛ e wora kusɔ ko.

Romebi 9:20

Ama fo alɛ dimɛdi e la wanɛ nɛ fo tiŋ m malga n ji Ebɔrɛ emɔrɔ le? Kusɔ pɔrso beeŋ tiŋ ŋ kaŋɛ kumo be epɔrpo le: “Manɛ e ba nɛ fo pɔr ma le” a?