Kaŋinichiŋgeliŋ 8:3 - EBƆRƐ BE KAWƆL

³ Sa maa kuse a lar ewura be anishito ŋko a ji mo emɔrɔ ŋkpal manɛ so e beeŋ tiŋ n wora kusɔ kama nɛ e bee sha.

Kaŋinichiŋgeliŋ 8:3 ပူးပေါင်းရင်းမြစ်များ

Jɛnesis 47:9

Nɛ Jeekɔb kaŋɛ Fɛɛro: “Nfɛ mo nɛ n ji a na a kilgi to durnya ere to wɔ nfɛ kalfa nɛ adesa. Loŋ be nfɛ na malɛ kikɛ la awurfoŋ be nfɛ nna, amo alɛ maŋ naa shi fanɛ kananɛ n tutoana nɛ n nanaana nɛ b daa na a kilgi to na be nfɛ daa shi na.”

Aŋasa 14:29

Enyitipo e la enyiashempo. Esa nɛ e bee nya agbo manaŋ manaŋ bee shin nɛ mbe kawulisheŋ bee dii efuli nna.

Aŋasa 24:21

M pibi, baa ŋana Enyɛnpe Ebɔrɛ na nsaa ŋana bewura gba, sa maa tu amukpakpaso wuraana a wora asheŋ.

Aŋasa 30:31

nɛ kananɛ kaboelote bee nite, nɛ kananɛ koshinyɛn bee nite, nɛ ewura nɛ mbe benapo kulti mo.

Kaŋinichiŋgeliŋ 10:4

Hale ewurjipo nya agbo n wɔtɔ fo gba, sa maŋ kaŋ kini kushuŋ nɛ fee shuŋ a sa mo na. Fo kewushi kagbene m bar fo kumu kaseto beeŋ tiŋ n shin nɛ e ta fo kewora n jija na m paŋ fo.

Aizaaya 48:4

N nyi menyi ka la amu kpakpaso wuraana, menyi be amu du kpakpa nna fanɛ abɛlso, nɛ menyi be nsɔto malɛ du kpakpa fanɛ danyaŋ.

Danɛl 4:35

Basa nɛ b wɔ durnya to maŋ la shɛŋ mo kutɔ. Emalaika nɛ b wɔ ebɔrɛso nɛ basa nɛ b wɔ kasawule so kikɛ wɔ mbe kaseto nna. Ekama maaŋ tiŋ m malga ŋ gbiti kusɔ nɛ e yili, ŋko m bishi kusɔ nɛ k ba nɛ e wora kusɔ ko.

Danɛl 5:19

E daŋ ji eleŋ ga nɛ efuli kama so ebi nɛ yiri kikɛ daa ŋana mo ga. E baaŋ kaŋɛ fanɛ b mɔ esa, baa mɔ mo nna. Mo alɛ naŋ kaŋɛ fanɛ b shin nɛ esa e ji efute e bee ji efute nna. E beeŋ tiŋ n shin nɛ esa e nya bunyaŋ ŋko ŋaba.