Kaŋinichiŋgeliŋ 8:1 - EBƆRƐ BE KAWƆL

¹ Enyiashempo nawule e kɔ nfɛra a pin asheŋ be afito to. Kanyiasheŋ e naa sa mo kagbenefuli nsaa shin nɛ e bee mushe.

Kaŋinichiŋgeliŋ 8:1 ပူးပေါင်းရင်းမြစ်များ

Jɛnesis 40:8

Nɛ b kaŋɛ mo le: “Anyi benyɔ kikɛ ku edareana nna, anyi alɛ maŋ nya esa kama nɛ e kute amo be afito n sa anyi.” Nɛ Josɛf kaŋɛ bumo: “Edareana be afito be kekute kikɛ wɔ Ebɔrɛ kutɔ nna, amoso, men kaŋɛ ma men be edareana na.”

Job be kawɔl 33:23

Ashere Ebɔrɛ be emalaika ŋgboŋ to ŋgboŋ to nɛ baa nyiŋi edimɛdi kusɔ nɛ k daga na be eko e naaŋ ba chɛ bumo to.

Ɛksodɔs 34:35

baa wu mbe anishiakpa ka bee kpa edɛ nna. Kumo be kaman nɛ Mosis naŋ ta shata na m buu hale n ya fo saŋɛ nɛ e beeŋ naŋ yɔ n ya malga Enyɛnpe Ebɔrɛ na kutɔ.

Aŋasa 1:6

nsaa tiŋ a pin aŋasa nɛ ablɔmbi nɛ mmalga chiŋgeliŋ nɛ benyiashempo be mmalga be atrɔmbi nɛ amo be afito.

Aŋasa 12:8

Esa be kanyiasheŋ e naa sa mo kechɔrɔ, nɛ kawulisheŋ malɛ bee shin nɛ baa keni esa jiga.

Aŋasa 17:24

Enyiashempo kikɛ bee pin kusɔ nɛ k daga kewora nna; ama ewulpo bre maa tiŋ a yili mbe nfɛra kukoŋwule.

Aŋasa 21:29

Kenyɛn nɛ belubiworapo kɔ a wora asheŋ, ama basa nɛ baa wora asheŋ niŋiso bre bee fɛ nfɛra nna pɔɛŋ nsaa wora asheŋ.

Aŋasa 24:5

Enyiashempo e la elempo. Kenyi bee shin nɛ esa be eleŋ nɛ yuku bee ti so nna.

Danɛl 2:22

Fo e naa lara asheŋ chiŋgeliŋ nɛ ewulosheŋ be afito a ŋini basa; Fo e nyi kusɔ nɛ k ŋana tentembiri to nɛ kefulto malɛ kulti fo n wɔtɔ.

Danɛl 2:47

Nseŋ kaŋɛ Danɛl le: “Fo Ebɔrɛ na e kɔ eleŋ a chɔ agbirana kikɛ. Mo e la bewuraana kikɛ be Enyɛnpe, Mo alɛ e naa tiŋ a lara alemaŋkarsheŋ be wulo efuli. M pin le be kesheŋ ere nna ŋkpal fo ka tiŋ m bugi alemaŋkarsheŋ be wulo ere be kifito so.”

Matiu 17:2

Ndoŋ nna nɛ e kilgi kanaŋ ko bumo be anishito nɛ mbe anishiakpa fuli to a nyɛkpɛ fanɛ epeŋi nɛ mbe asɔbuuso malɛ fuli to parr a kpa edɛ.

Ashuŋ Shunso 4:13

Nshɛrwuraana na ka wu kananɛ Pita nɛ Jɔn daŋ malga kenyɛnso nsaa la basa fuloŋ a maŋ nyi kawɔl nseŋ tiŋ n wora loŋ na, k daŋ chinchiŋ bumo ga. Ndoŋ nna nɛ b nyiŋi bumo nɛ Yesu ka daa la.

Ashuŋ Shunso 4:29

Naniere Enyɛnpe, fo nu kananɛ b fiɛ anyi so nna na, amoso, sa anyi, fo anya kenyɛn nɛ an tiŋ m bɔ fo kubɔya na n sa basa.

Ashuŋ Shunso 6:15

Nshɛrwuraana nɛ b daa tase nshɛr na to na kikɛ daŋ ta bumo be anishi nna n yuu Stiven so n wu mbe anishiakpa ka du fanɛ malaika peya.

Romebi 13:5

Amoso, a daga fanɛ men baa bar menyi be amu kaseto a sa bejuŋkparpoana, mannɛ ŋkpal kasogberge nawule so, ama ŋkpal kananɛ menyi be ŋgbene to be nfɛra bee yili menyi so so.

Ɛfesesebi 6:19

Men baa kule Ebɔrɛ a sa ma alɛ gba fanɛ saŋkama nɛ m bugi kɔnɔ nɛ m malga abɔrɛsheŋ na, Ebɔrɛ beeŋ sa ma mmalga nɛ m bugi baru lela na be wulo na to be asheŋ kenyɛnso n sa basa.

Ditɛronɔmi 28:50

B maaŋ baa kɔ kushuso n sa ekama ŋko kuwɔrwu n sa enimu ŋko kebia.

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.

2 Pita 1:20

Ade kikɛ nyam be kaman, men baa nyi fanɛ esa kama maaŋ tiŋ n ta mo gbagba be nfɛra ŋ kute abɔrɛsibɛ be kewuŋkaŋɛ kama.