Kaŋinichiŋgeliŋ 7:9 - EBƆRƐ BE KAWƆL

⁹ Bewulpo e naa nya agbo manaŋ manaŋ nsaa ta asheŋ a wɔtɔ kagbene to.

Kaŋinichiŋgeliŋ 7:9 ပူးပေါင်းရင်းမြစ်များ

Jɛnesis 4:8

Kachako nɛ Keen kaŋɛ mo sipo Eebel fanɛ b yɔ kupuŋ to. Ndoŋ nna nɛ Eebel shuli nɛ mo nɛ Keen yɔ kupuŋ na to. B ka ya fo ndoŋ nɛ Keen tɛ n yuu mo sipo Eebel so m bri mo m mɔ.

2 Samuɛl 13:22

Absalɔm daa maŋ tuge Amnɔn shɛŋ ama e daŋ kishi mo nna, ŋkpal e ka pur mo sipoche Tamaa so so.

2 Samuɛl 13:28

B ka bee ji na nɛ Absalɔm kaŋɛ mbe nyɛrbi le: “Men shin nɛ men be lakal e ba wɔ Amnɔn so a keni saŋɛ so nɛ e beeŋ boo, a wora chilchil be asheŋ na. Loŋ be saŋɛ na nɛ men mɔ mo. Men sa maaŋ kaa lɔ kufu, ŋkpal manɛ so, meeŋ sɔ kumo be turju kikɛ n deŋi ma kumu so!”

2 Samuɛl 13:32

Ama le nɛ ewura Deevid mo da Shamaa pibinyɛn Jonadab daŋ kaŋɛ mo: “Yiramu, fo mbinyɛnsobi na kikɛ maŋ wu, Amnɔn nawule e wu. Yili saŋɛ nɛ Amnɔn pur Tamaa na kikɛ nɛ feeŋ pin ŋkre nɛ Absalɔm kɔ a yɔ loŋ be asheŋ be kaplɛa so.

2 Samuɛl 19:43

Nɛ Israɛlebi na malɛ kaŋɛ le: “Hale nɛ menyi nɛ ewura Deevid la kukoŋwule gba, ŋkpal an ka la nnaŋ kudu so, an kɔ mo so eleŋ alɛ kudu a chɔ menyi. Amoso manɛ nna nɛ menyee keni anyi jiga? Men sa maŋ teŋ so fanɛ anyi e daŋ kenya nfɛra fanɛ anyeeŋ ya keta ewura na m ba!” Ama Juda be basa na daŋ nyaŋɛto na ga m malga m pɔɔ Israɛl be basa na so.

Aŋasa 14:17

Esa nɛ e bee nya agbo manaŋ manaŋ maa kraa wora a foe. Enyiashempo bre bee wushi eyur nna a wora asheŋ.

Aŋasa 14:29

Enyitipo e la enyiashempo. Esa nɛ e bee nya agbo manaŋ manaŋ bee shin nɛ mbe kawulisheŋ bee dii efuli nna.

Aŋasa 16:32

Kanyiti be keji bɔ kenyɛn be keji. Enyitipo chɔ enapo nɛ e kɔ m pɔɔ nde damta so.

Aŋasa 25:8

Sa maa kuse a ta asheŋ a yɔ demujikpa. Mannɛ aloŋ b baŋ ji m bri fo anishinyɔr beeŋ pɛ fo.

Kaŋinichiŋgeliŋ 7:10

K maŋ daga fanɛ fo baa kaŋɛ le: “Manɛ nna nɛ dra na bɔ kabre?” K maŋ la kanyiasheŋ be kamalga.

Jona 4:3

Enyɛnpe Ebɔrɛ, shin nɛ n wu. Ŋ ka wu bɔ, ŋ ka kraa wɔ ŋkpa to.”

Jona 4:8

Epeŋi ka lar nɛ Ebɔrɛ shin nɛ afu tushiso be kebembeŋ shi epeŋilarkpa m ber m ba Jona so nɛ e bɛlɛ. Ndoŋ nna nɛ e kaŋɛ le: “Ŋ ka wu bɔ ŋ ka kraa wɔ ŋkpa to.”

Jona 4:9

Nɛ Ebɔrɛ bishi mo le: “Manɛ so nɛ fo kpal kefeelebi na so a nya agbo?” Nɛ Jona kaŋɛ: “Ŋ kpal kumo so n nya agbo, hale a sha fanɛ n wu gba nna na.”

Maak 6:19

Amoso, Hɛrodias daŋ kurge mo yurkishi nna a fin mo nɛ e mɔ, ama e daa maŋ tiŋ ŋkpal Hɛrɔd ka daa ŋana Jɔn na so.

Maak 6:24

Nɛ kebichebi na lar n ya bishi mo nio: “Manɛ nɛ meeŋ kule?” Nɛ mo nio kaŋɛ: “Jɔn kabɔrɛbɛrpo be kumu.”

Jeems 1:19

Ŋ kurgepo shasoana, men ta kesheŋ ere n wɔtɔ ŋgbene to a nyi fanɛ ekama e baa nya manaŋ a nu asheŋ, ama e sa maa nya manaŋ a malga asheŋ ŋko a nya agbo manaŋ manaŋ,