Kaŋinichiŋgeliŋ 7:5 - EBƆRƐ BE KAWƆL

⁵ Eyiashempo baa kpele fo kusoe, k bɔ ewulpo ka bee boŋ nshɛ a kpaŋ fo.

Kaŋinichiŋgeliŋ 7:5 ပူးပေါင်းရင်းမြစ်များ

Nshɛ 141:5

Shin nɛ fo basa niŋiso e baa ŋini ma ekpa; ŋ kaŋ wora n foe nɛ b gberge ma kusoe. M maaŋ shin nɛ basa lubi e maŋkura ma kikɛ, ŋkpal manɛ so, mee kule Ebɔrɛ nna a gbiti bumo.

Nshɛ 69:12

Bejuŋkparpo nɛ demujipoana bee kuli ma nna, nɛ basa nɛ baa nuu nsa a boo, bee boŋ nshɛ a wora ma eyurto.

Aŋasa 13:13

Esa nɛ e bee kini kasotoji lela bee wɔtɔ mbe kumu tɔrɔ to nna, ama emo nɛ e bee shuli a sɔ kasotoji bre bee nya kumo be tɔnɔ nna.

Aŋasa 13:18

Esa kama nɛ e bee kplaŋ keŋini so mo nɛ ketir nɛ anishinyɔr e naa baa la, ama ekama nɛ e bee shuli a sɔ keŋini bre bee nya kemaŋkura nna.

Aŋasa 17:10

Enyiashempo be kegbɛlɛ gba bee shin nɛ e bee koya asheŋ manaŋ manaŋ a chɔ ewulpo be kebri alɛ damta n ŋini mo asheŋ.

Aŋasa 25:12

Kenu enyiashempo be kasotoji du fanɛ shuwa be akonde, ŋko abitasɔ nna.

Aŋasa 27:6

Eteri lela be kefiɛso bɔ edoŋ ka lela fo so.

Aŋasa 6:23

Ŋkpal manɛ so fo nio nɛ fo tuto be keŋini du fanɛ kefulto nna n sa fo; nɛ bumo be kasogberge malɛ bee sa fo kebaawɔtɔ lela.

Aŋasa 9:8

Sa maŋ kaŋ fiɛ esa nɛ e bee puchi so, fo baŋ wora loŋ, e beeŋ kishi fo. Ama fo baŋ ŋini enyiashempo bre ekpa e beeŋ sa fo bunyaŋ.

Kaŋinichiŋgeliŋ 12:11

Enyiashempo na be mmalga na du fanɛ mbolpɔkpapo be kekpabi nɛ e kɔ a kpa mbe mbolpɔ nna nɛ aŋasa na malɛ du fanɛ ayir nɛ e gbir nɛnɛ nna. Mmalga na shi Ebɔrɛ nɛ e la anyi kikɛ be ekpapo na kutɔ nna.

Kaŋinichiŋgeliŋ 7:4

Esa kama nɛ e bee chena a fɛ kagbenefuli nawule be asheŋ la ewulpo nna. Ama enyiashempo bre bee kaa chena nna a fɛ luwu be asheŋ.

Kaŋinichiŋgeliŋ 9:17

Kewora enyiashempo be kamalga nɛ e beeŋ malga boeŋ na kasonu bɔ awɔr nɛ bewulpo be ewura bee chɛ na.

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.