Kaŋinichiŋgeliŋ 7:16 - EBƆRƐ BE KAWƆL

¹⁶ Amoso sa maŋ shin nɛ kanyiasheŋ nɛ kenishibugi nɛ fo kɔ na e mur fo.

Kaŋinichiŋgeliŋ 7:16 ပူးပေါင်းရင်းမြစ်များ

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

Job be kawɔl 11:12

Keshin nɛ ewulpo e pin asheŋ du kpakpa a chɔ keshin nɛ kurma kpeŋso e nu n sa esa.

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Aŋasa 23:4

Sa maa mɔ fo kumu a fin kedii dama. Ba nyi fo eleŋ be ekar.

Aŋasa 25:16

Sa maŋ kpal mushoŋ ka wɔ ebel so n ji amo m baŋ fo kumu so, mannɛ aloŋ feeŋ kwiɛ amo.

Kaŋinichiŋgeliŋ 12:12

M pibi, baa da so nɛ fo maaŋ naŋ ta shɛŋ n ti mmalga ere so. Nwɔl be kasibɛ maaŋ kɔ ekar kikɛ, nɛ kekoya be alegai malɛ bee shin nɛ esa bee gben a bɛlɛ.

Matiu 23:29

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee pɔr asɔ a yuu anebiana be nchaŋana so nsaa ji basa lela be nchaŋana kebita.

Matiu 23:38

To, naniere bre, Ebɔrɛ lara mbe enɔ ashi menyi be asheŋ to nseŋ yige menyi n to.

Matiu 23:5

Bumo be asheŋ woraso kama to, basa nɛ baa sha fanɛ b wu bumo. Men keni kananɛ baa shin nɛ bumo be kabɔrɛkule be awulbi bee kpalga to loŋ nsaa shin nɛ bumo be nle malɛ be nnɔ bee shi a du jolijoli.

Matiu 9:14

Kachako nɛ Jɔn kabɔrɛbɛrpo be bebɛsopo ba Yesu kutɔ m ba bishi mo: “Manɛ e ba nɛ anyi nɛ Efarisiana bee kaa kishi nɛ fo ere be bebɛsopo maa kishi ere bre?”

Luuk 18:12

Ela anyɔ nɛ mee kishi bɔkwe kama to nsaa lara ma kpanjawu to be kusɔ kama be kudukudusopo a ba bɔrɛlambu ere to.’

Romebi 10:2

Ŋkpal manɛ so, meeŋ tiŋ n ji shɛda ŋ kaŋɛ fanɛ Ebɔrɛ be asheŋ pere bumo kenishi ga, ama loŋ be kenishipere na malɛ maŋ bɛ kepin asheŋ to so.

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 12:3

Ŋkpal Ebɔrɛ be kuwɔr be kakɛ nɛ e sa ma so, mee kaŋɛ menyi be ekama nna fanɛ e sa maa maŋ mbe kumu so a chɔ kananɛ e baa du. Ama men baa fɛ bebɔlpo be nfɛra a sa menyi be amu a kɔ loŋ be nfɛra na a yuu kananɛ yirda nɛ Ebɔrɛ sa ekama na sa so.

1 Kɔrintebi 3:18

Ekama e sa maŋ kaa fule mbe kumu, menyi to be ekama nɛ e bee fɛ mbe kumu to fanɛ e la enyiashempo nna durnya ere be kaplɛa so, e ki ewulpo, saŋɛ na so e beeŋ ki enyiashempo.

1 Kɔrintebi 3:20

Abɔrɛsibɛ na kraŋ naa kaŋɛ kaboŋ ko fanɛ: “Enyɛnpe na nyi benyiashempo be nfɛra ka la nfɛra fuloŋ.”

Filipaiebi 3:6

Keshuŋ Ebɔrɛ malɛ be asheŋ daŋ pere ma kenishi ga hale nɛ n daa wɔtɔ a tɔrɔ asɔri to ebi. Mbra na malɛ be kebɛso be kulubi kikɛ daa maŋ wɔ ma to.

Kɔlɔsiebi 2:18

Men sa maŋ shin nɛ esa kikɛ e kute n wu menyi kulubi a kaŋɛ fanɛ men baa koya bunyaŋ a bunyaŋ emalaika a ta kamoowu fuloŋ ŋkpal asɔ nɛ a lar mo so nɛ e wu amo na so. Mbe nfɛra lubi na so nɛ e kɔ loŋ be kamoowu fuloŋ na.

Kɔlɔsiebi 2:23

Mbraana ere du fanɛ a ka kɔ kanyiasheŋ nna, baa nase bumo gbagba be kabɔrɛshuŋ ko a kaŋɛ fanɛ basa e baa koya le nɛ le be ebunyaŋsheŋ ŋko b baa tɔrɔ bumo be eyur, ama kanyiasheŋ kikɛ maŋ wɔ le be asheŋ ŋiniso na to, ŋkpal manɛ so, amo be kekama maaŋ tiŋ n shin nɛ nyiŋgbasa e yige kulubi be kebaawora.

1 Timoti 4:3

Asɔ nɛ basa na bee ŋini na e la fanɛ a maŋ daga beche nɛ benyɛn e baa kil abar, kumo alɛ maŋ naŋ daga basa ka ji ajibi ko. Le be ajibi ere malɛ, Ebɔrɛ to amo nna n sa basa, nɛ basa nɛ b yirda Yesu Kristo a nyi kashenteŋ na e chɔrɔ Ebɔrɛ n sɔ amo nɛ enɔ anyɔ.

Kelaraŋŋini 18:19

Kumo be kaman nɛ b ta shishɛr n wurge bumo be amuana so ŋkeŋ boŋ to n shu anishichubi ŋ kaŋɛ: “O kadegboŋ, asheŋ nya fo, asheŋ nya fo. Kadegboŋ ere to nɛ bekama nɛ b kɔ ekuloŋgboŋana a shuŋ tekuana so na bɔla mbe dama so n dii dama, ŋkeshin nɛ awa koŋwule to nɛ e mur kuraa!