Kaŋinichiŋgeliŋ 7:1 - EBƆRƐ BE KAWƆL

¹ Ketre lela bɔ tulale dufɛso; nɛ kaluwuachɛ malɛ bɔ kakurgeachɛ.

Kaŋinichiŋgeliŋ 7:1 ပူးပေါင်းရင်းမြစ်များ

Job be kawɔl 3:17

Basa lubi maŋ naa tiŋ a wora asheŋ lubi nchaŋ to, basa nɛ b shuŋ ŋ gben malɛ bee nya a wushi ndoŋ nna.

Nshɛ 133:2

K du fanɛ b ka daŋ duga ɔlif be ŋku n wurge bɔrɛmatapo Ɛɛrɔn be kumu so nɛ a gbelge to m bɔla mbe katɔl so m ba mbe piŋi be kubɔ to nna.

Aŋasa 15:30

Kenishitosaŋɛ bee bar kagbenefuli nna, nɛ baru lela bee shin nɛ esa be ŋkpa bee ba mo abar so.

Aŋasa 22:1

Ketre lela bɔ kedamaya. Ketre lela chɔ shuwa nɛ gbiti.

Aŋasa 25:10

Mannɛ aloŋ basa beeŋ kaŋɛ fanɛ fo maŋ kɔ ashiri nsaa maŋ naa yirda fo.

Aŋasa 27:9

Tulale nɛ efɛa belbelso be duwu bee sa kagbenefuli nna, ama a maŋ fo eteri lela be kasotoji so.

Kaŋinichiŋgeliŋ 10:1

Kananɛ ashushombi bee wu a wɔtɔ tulale to nɛ amo be efɛa bee chɛrga na, aloŋ nɛ kawuli fimbi kikɛ bee jija esa be kanyiasheŋ nɛ kemaŋkura.

Kaŋinichiŋgeliŋ 4:2

Ndoŋ nna nɛ n fɛ basa nɛ b teŋ wu n choŋ na be asheŋ, nseŋ wu fanɛ b bɔ anyi bumo nɛ an kra wɔ ŋkpa to ere.

Kaŋinichiŋgeliŋ 7:8

Kusɔ kama be lalaloge bɔ kumo be sososo.

Sɔlɔmɔn 1:3

nɛ fo efɛa wɔ ebel ga. Fo ketre du viim nna fanɛ b ka chulgi tulale n wurge nna. Nɛ besuŋgurbi bee wu fo so.

Sɔlɔmɔn 4:10

N jipo nɛ ma kejafɔ, fo kasha bee bɔlɔ ma kenishi ga. Fo kasha bɔ nsa, nɛ fo etulale be efɛa chɔ asɔ dufɛso kama.

Aizaaya 56:5

kumo ere baaŋ baa nyiŋi fo ketre ma bɔrɛlambu to nɛ ma basa to n chɛr a chɔ fo ka beeŋ baa kɔ mbia gba. Basa maaŋ teŋ fo so kikɛ.”

Jona 4:3

Enyɛnpe Ebɔrɛ, shin nɛ n wu. Ŋ ka wu bɔ, ŋ ka kraa wɔ ŋkpa to.”

Luuk 10:20

Ama men sa maŋ shin nɛ menyi be ŋgbene e baa fuli menyi ŋkpal mbuibi lubiana ka bee nu a sa menyi so. Kusɔ nɛ k daga men ka beeŋ kpal kumo so a shin nɛ menyi be ŋgbene e baa fuli menyi e la b ka sibɛ menyi be atre n nase ebɔrɛso na.”

Baru lela nɛ Jɔn kute na 13:2

B ka tase ejikpa a shin nɛ b ji kanyɛso be ajibi nɛ alubipo na malɛ teŋ yili kumo Judas Iskareɔt, Saimɔn pibi be kagbene to fanɛ e debɔr Yesu.

2 Kɔrintebi 5:1

Ŋkpal manɛ so, an baa nyi fanɛ eyur mo nɛ k du fanɛ wajɛbu nɛ an wɔ kumo to durnya ere to ere baŋ jija, an kɔ kowu ashi Ebɔrɛ kutɔ, ebu nɛ b maŋ ta enɔ m pɔr kumo nɛ k wɔ ebɔrɛso mbaanaayɔ.

2 Kɔrintebi 5:8

Anyi maa pɔ aba kikɛ nsaa sha ga fanɛ nɛ an daŋ nya nna an daa beeŋ lar anyi be eyur ere nɛ k la anyi pe ere to nseŋ daŋ ya kaa wɔ epe ashi an Nyɛnpe na kutɔ.

Hibruwebi 11:2

Le be yirda ere so nɛ Ebɔrɛ daŋ kpaŋ bedrapo na.

Hibruwebi 11:39

Kashenteŋto, bede kikɛ daŋ nya mbo, ŋkpal bumo be yirda so, ama bumo alɛ be ekama daa maŋ nya kusɔ nɛ Ebɔrɛ daŋ nase kɔnɔ fanɛ e beeŋ sa na.

Kelaraŋŋini 14:13

Ndoŋ nna nɛ n nu ebɔl ka shi ebɔrɛso ŋ kaŋɛ ma le: “Sibɛ le n nase: Kagbenefuli la bekama nɛ b wɔ Enyɛnpe to nseŋ wu naniere mbaanaayɔ na peya nna.” Nɛ Kiyoyu Cheeŋ na kaŋɛ: “Kashenteŋto, baaŋ wushi ashi bumo be kegben ere to, ŋkpal manɛ so, bumo be aworbi beeŋ ba bɛ bumo so n yɔ.”

Ruf be kawɔl 3:14

Bowas ka kaŋɛ loŋ na nɛ Ruf dese mbe aya ase ndoŋ nɛ kaboŋ ya kaa fuli to nɛ e koso n yɔ pɔɛŋ nɛ kare chɛ nɛnɛ, saŋɛ na so esa kikɛ maaŋ wu mo, ŋkpal manɛ so, Bowas daa maa sha esa kama ka pin fanɛ eche ko ba ndoŋ.