Kaŋinichiŋgeliŋ 6:3 - EBƆRƐ BE KAWƆL

³ Esa beeŋ tiŋ a kɔ mbia kalfa nseŋ chɛr kasawule ere so ga, ama k maŋ tir nfɛ afanɛ nɛ e ji durnya ere to, e baa maŋ nya kagbenefuli ŋko kupuli lela mbe kaluwuachɛ kumo ere kebia nɛ b kurge nɛ e laŋɛ gba bɔ mo.

Kaŋinichiŋgeliŋ 6:3 ပူးပေါင်းရင်းမြစ်များ

Jɛnesis 33:5

Kumo be kaman nɛ Isɔɔ ki ŋ keni n wu beche na nɛ bumo be mbia na nseŋ bishi Jeekɔb le: “Fo nɛ basa mo malɛ nna?” Nɛ Jeekɔb kaŋɛ: “Mbia nɛ Ebɔrɛ wu ma kuwɔr n sa ma, fo kenya nna.”

Jɛnesis 47:9

Nɛ Jeekɔb kaŋɛ Fɛɛro: “Nfɛ mo nɛ n ji a na a kilgi to durnya ere to wɔ nfɛ kalfa nɛ adesa. Loŋ be nfɛ na malɛ kikɛ la awurfoŋ be nfɛ nna, amo alɛ maŋ naa shi fanɛ kananɛ n tutoana nɛ n nanaana nɛ b daa na a kilgi to na be nfɛ daa shi na.”

2 Bewura 10:1

Ewura Ahab be kaman to ebi be basa adushunu e daa wɔ Samɛria be kade to. Ndoŋ nna nɛ Jehu sibɛ kawɔl n sa kade na be ekrachi nɛ benimuana nɛ Ahab be kaman to ebi nɛ basa nɛ baa keni Ahab be mbia so. Kananɛ b daŋ sibɛ kawɔl na nde:

2 Bewura 9:35

Basa nɛ b yɔ nɛ b ya puli mo na daa maŋ wu mbe eyur ama mbe kumuwibi nɛ mbe enɔana nɛ mbe aya be awibi nawule nɛ b daŋ wu.

1 Kronikɛls 28:5

Enyɛnpe Ebɔrɛ ta mbinyɛnsobi damta n nɛfa ma ama m pibinyɛn Sɔlɔmɔn nɛ e lara fanɛ e ki Israɛl be ewura ma kaman.

2 Kronikɛls 11:21

Ewura Rehoboam daa kɔ beche kuduaburwa nɛ bejipo malɛ adeshe. E daa kɔ bibinyɛn adunyɔ nɛ aburwa nɛ bibiche malɛ adeshe. Mbe beche nɛ bejipo kikɛ to Maaka nɛ e daa sha ga.

Ɛsta 5:11

n ji njɔŋ ŋ ŋini bumo kananɛ e dii kedama nɛ kananɛ e kɔ mbinyɛnsobi damta nɛ kananɛ ewura maŋ mo so nseŋ sa mo kenimu a chɔ ekrachiana nɛ benimuana na be ekama.

Ɛsta 7:10

Nɛ b ya chɛ Heman efɔl n shiga kedibi nɛ e yuu fanɛ b chɛ Mɔdikaya n shiga so na so. Nɛ ewura na be kagbene wushi mo.

Job be kawɔl 3:11

Manɛ nna nɛ n daa maŋ laŋɛ kachɛ nɛ b kurge ma na bre?

Job be kawɔl 3:16

ŋko n ya dese nchaŋ to fanɛ kebia nɛ b kurge nɛ e laŋɛ nsaa maŋ wu kananɛ karechɛ du na.

Nshɛ 58:8

Shin nɛ b wɔlso fanɛ konte nseŋ shin nɛ b sa maŋ wu epeŋi fanɛ kebia nɛ e laŋɛ.

Aŋasa 17:6

Benanabi du fanɛ kuwurwuro nna n sa bumo nanaana; nɛ mbia malɛ bee ji njɔŋ ŋkpal bumo kurgepoana so so.

Kaŋinichiŋgeliŋ 4:3

Basa nɛ b maŋ naŋ kurge bumo na gba bɔ anyi, ŋkpal manɛ so, bumo be kenishi maŋ naŋ wu kananɛ kebaa maa ji asheŋ nɛ amo be ekpa so durnya ere to du.

Kaŋinichiŋgeliŋ 6:4

Kebia nɛ b kurge nɛ e laŋɛ maŋ kɔ tɔnɔ kikɛ; e bee shir tentembiri to nna, nɛ b teŋ mo so epul to.

Jɛremaya 22:19

Kananɛ baa puli ekurma na nɛ baaŋ puli fo alɛ gba. Baaŋ chɛ fo efɔl nna ŋ gberge fo n lar kadegboŋ na be kabunagboŋ na to n ya lɛ kemaŋ to nseŋ gbare eshishɛr m buu fo so.”

Jɛremaya 36:30

To, naniere ma Enyɛnpe Ebɔrɛ na bee kaŋɛ fo, Ewura Jehowakim nna fanɛ fo kaman to ebi be esa kikɛ maaŋ naŋ chena men nananyɛn, ewura Deevid be kuwurputi so n ji kuwura. Baaŋ ta fo kebuni n lɛ kakpa nɛ k beeŋ dese nɛ epeŋi a ŋmɛa kumo kapaso nɛ bunyaŋ wushiso malɛ e tɔr kumo so kanyɛso.

Jɛremaya 8:2

Awibi na beeŋ baa dese nɛ epeŋi nɛ kufɔl nɛ achɛkpabi nɛ baa sha ga nseŋ ta amo ŋ ki agbir a shuŋ na kikɛ e baa nyaŋɛ a yuu amo so. Esa kama maaŋ gama amo abar so ŋko n laŋɛ amo m puli. E beeŋ baa dese kasawule fanɛ epi nna.

Matiu 26:24

Ma, Nyiŋgbasa Pibinyɛn bee yɔ luwu to fanɛ kananɛ b sibɛ n nase abɔrɛsibɛ na to na, ama asheŋ maaŋ nyalɛ n sa emo nɛ e beeŋ debɔr ma, Nyiŋgbasa Pibinyɛn na kikɛ. Nɛ b daa maŋ kurge loŋ be esa gba, k daa beeŋ baa bɔ mo so.”