Kaŋinichiŋgeliŋ 5:6 - EBƆRƐ BE KAWƆL

⁶ Sa maŋ shin nɛ fo kɔnɔ to be mmalga e shin nɛ fo wora kulubi, saŋɛ na so fo maaŋ yɔ Ebɔrɛ be bɔrɛmatapo kutɔ n ya kaŋɛ mo fanɛ fo daa pɛl nna. Manɛ nna nɛ fee wɔtɔ Ebɔrɛ agbo to? Manɛ nna nɛ fo shin nɛ Ebɔrɛ jija kusɔ nɛ fo gben n nya na ŋkpal fo kamalga so?

Kaŋinichiŋgeliŋ 5:6 ပူးပေါင်းရင်းမြစ်များ

Jɛnesis 48:16

Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

Aŋasa 23:17

Sa maŋ shin nɛ belubiworapo be asheŋ e baa keta fo kayɛlga, ama shin nɛ kabɔrɛŋana be kebaawɔtɔ e pere fo kenishi.

Kaŋinichiŋgeliŋ 10:12

Enyiashempo be mmalga bee bar mo kemaŋkura nna, ama ewulpo bre be kɔnɔ to be mmalga e naa mur mo.

Kaŋinichiŋgeliŋ 3:14

M baa nyi geeŋ fanɛ kusɔ kama nɛ Ebɔrɛ wora beeŋ baa wɔtɔ mbaanaayɔ. Fo maaŋ tiŋ n ta shɛŋ n ti kumo so, fo alɛ maaŋ naaŋ tiŋ n lara shɛŋ ashi kumo to. Ebɔrɛ wora loŋ nna saŋɛ na so anyeeŋ baa bunyaŋ mo.

Levitikɔs 4:2

“Kaŋɛ Israɛl be basa na fanɛ esa kikɛ nɛ e maŋ kute n wora kulubi n da Enyɛnpe Ebɔrɛ na be mbra so, kusɔ nɛ e beeŋ wora nde.

Levitikɔs 4:22

Nɛ fanɛ eyiriana na be benimuana na to be eko e maŋ kute n wora kulubi n da kusɔ nɛ Enyɛnpe Ebɔrɛ na yili so gba, e kraŋ wora kulubi nna.

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Nɔmbɛs 15:25

Nɛ bɔrɛmatapo na e kule alubi be ketampaŋ n sa kade na to ebi kikɛ nɛ n ta m paŋ bumo ŋkpal b ka maŋ kute n wora kulubi na nseŋ lara alubi be sarga n sa ma Enyɛnpe Ebɔrɛ na so.

1 Kɔrintebi 11:10

Amoso, a daga fanɛ eche e baa ta kusɔ a chɛ mbe kumu a ŋini fanɛ e wɔ mo kul be kaseto nna ŋkpal emalaika so.

1 Timoti 5:21

Ebɔrɛ nɛ Kristo Yesu nɛ emalaika nɛ b lara n yili na be anishito nɛ n yil a kaŋɛ fanɛ fo nu n sa le be keŋiniana ere nsaa maŋ kpal fo ka nyi esa ko be kebaawɔtɔ so a ji mo ŋkpɛatoso be demu.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Jeems 1:26

Esa kama nɛ e yɛ e bee bɛ Ebɔrɛ so nsaa maa de mmalga nɛ a bee lar mbe kɔnɔ to so bee fule mbe kumu nna, nɛ mbe kebɛso na malɛ la kebɛso fuloŋ.

Jeems 3:2

An kikɛ bee kaa wora a foe ekpa. Amoso, esa nɛ mo ere maa malga a foe ekpa, kumo ere kulubi kikɛ maŋ wɔ mo to nɛ mo alɛ bee tiŋ a pɔɔ kulubi be yiri kikɛ so ashi mbe kebaawɔtɔ to.

2 Jɔn 1:8

Amoso, men baa de so n sa maŋ paŋ kusɔ nɛ men kpal kumo so n shuŋ na, ama men wora ania n nya men be tɔnɔ kikɛ nyam.