Kaŋinichiŋgeliŋ 5:4 - EBƆRƐ BE KAWƆL

⁴ Amoso nɛ fo baŋ nase kɔnɔ Ebɔrɛ be anishito, a daga fanɛ fo tia kumo manaŋ. Ŋkpal manɛ so, Ebɔrɛ be shɛŋ maa ji bewulpo to. Amoso baa wora a bɔlɔ fo nnɔ naseso so.

Kaŋinichiŋgeliŋ 5:4 ပူးပေါင်းရင်းမြစ်များ

Jɛnesis 28:20

Asheŋ ere be kaman nɛ Jeekɔb nase kɔnɔ ŋ kaŋɛ le: “Nɛ Ebɔrɛ beeŋ baa wɔ ma kutɔ nsaa keni ma so ashi ma enite ere to nsaa sa ma ajibi nɛ asɔbuuso loŋ

Jɛnesis 35:1

Asheŋ ere kikɛ be kaman nɛ Ebɔrɛ kaŋɛ Jeekɔb: “Bɛta n ya chena Bɛtɛl nseŋ yuu bɔrɛsure ndoŋ n sa Ebɔrɛ nɛ e daŋ lara mbe kumu ŋ ŋini fo saŋɛ nɛ fo daa shile a ŋana fo da Isɔɔ so na.”

Jɛnesis 35:3

nseŋ ba nɛ an yɔ Bɛtɛl n ya yuu bɔrɛsure n sa Ebɔrɛ nɛ e nu n sa ma nsaa wɔ ma kutɔ kaplɛkama nɛ n yɔ saŋɛ nɛ n wɔ awurfoŋ to na.”

Nshɛ 116:14

Jemanɛ nɛ mbe basa kikɛ beeŋ shɛr abar so na nɛ meeŋ tia nnɔ nɛ n nase n sa mo na kikɛ.

Nshɛ 119:106

M bɔ ntaŋ n nase kɔnɔ nsaa yil kumo so fanɛ meeŋ wora fo mbra niŋisoana na kasonu.

Nshɛ 22:25

Saŋɛ nɛ ma nɛ fo basa shɛr na, nɛ meeŋ fur fo ŋkpal kusɔ nɛ fo wora so; nseŋ tia nnɔ nɛ n nase n sa fo na ashi bumo be anishito.

Nshɛ 50:14

Ma e la Enyɛnpetale Ebɔrɛ na. Kechɔrɔ, nɛ k baa nase nnɔ nsaa bɛ amo so be esarga nɛ mee sha.

Nshɛ 76:11

Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Aŋasa 20:25

Fɛ nfɛra nɛnɛ pɔɛŋ nseŋ nase kɔnɔ n sa Ebɔrɛ. Nɛ fo baŋ maŋ tiŋ n wora m bɔlɔ fo kɔnɔ naseso so, k maŋ walɛ.

Aizaaya 19:21

Kede be kaman nɛ Enyɛnpe Ebɔrɛ na e lara mbe kumu ŋ ŋini Ijiptebi na, nɛ bumo alɛ e pin mo nsaa shuŋ mo. Baaŋ baa lara bumo be esarga nɛ ŋkɛ be yiri kikɛ a sa mo nsaa wora a bɔlɔ nnɔ nɛ b nase n sa mo so.

Jona 2:9

Ama ma ere beeŋ boŋ nshɛ n di fo, Enyɛnpe Ebɔrɛ na, epaŋ nseŋ lara sarga n sa fo. Meeŋ wora m bɔlɔ ma kɔnɔ naseso so, ŋkpal manɛ so, fo e kɔ eleŋ a tiŋ a mɔlga.”

Malakai 1:10

Enyɛnpetale yɛ: “Men be eko daŋ ti ma bɔrɛlambu na be akuloŋ k daa beeŋ par ma. Saŋɛ na so men maaŋ baa jija saŋɛ a lara esarga chɔɔso fuloŋ a deŋi ma bɔrɛsure so, ŋkpal manɛ so ma kagbene maŋ fuli menyi so. Hale men ta men be esarga m ba sa ma gba, meeŋ kini amo.

Nɔmbɛs 30:2

Esa kama baŋ nase kɔnɔ n sa Enyɛnpe Ebɔrɛ na, ŋko m bɔ ntaŋ fanɛ e maaŋ wora kusɔ ko, k daga e ka bɛ kɔnɔ naseso na so n wora kusɔ kama nɛ e kaŋɛ fanɛ e beeŋ wora na.

Matiu 5:33

Menyi alɛ kraŋ naa nu fanɛ dra na le nɛ b daa kaŋɛ nnɔ naseso be asheŋ: “Men sa maa sa Enyɛnpe nnɔ jiga nsaa maa bɛ nnɔ na so. Fo kama nɛ fo nase kɔnɔ n sa Enyɛnpe, fo bɛ kumo so.”

Hibruwebi 10:6

Mannɛ fanɛ asɔbɔya nɛ b chɔɔ n lara esarga nɛ esarga nɛ a bee kule alubi be ketampaŋ nɛ fee sha.

Demujipoana 11:35

E ka baŋ wu mo pibiche na nɛ e kpɛa mbe piŋi to a ŋini mbe kagbene ka jija mo ga nseŋ boŋ to ŋ kaŋɛ le: “O! M pibiche! Fo tɔrɔ ma n shin nɛ ma kagbene ji ebesa pasaa! Ŋkpal manɛ so, n nase kɔnɔ n sa Enyɛnpe Ebɔrɛ na nna. Ma alɛ maaŋ tiŋ ŋ kini kumo be kewora m bɔlɔ so!”