Kaŋinichiŋgeliŋ 5:2 - EBƆRƐ BE KAWƆL

² Baa fɛ nfɛra pɔɛŋ nsaa malga, sa maa nya manaŋ a nase nnɔ Ebɔrɛ be anishito. Ebɔrɛ wɔ ebɔrɛso nna nɛ fo alɛ wɔ kasawule ere so, amoso sa maa malga ga.

Kaŋinichiŋgeliŋ 5:2 ပူးပေါင်းရင်းမြစ်များ

Jɛnesis 18:27

Nɛ Eebraham naŋ kaŋɛ: “Jande Enyɛnpe, ta m paŋ ma, ma alɛ dimɛdi nɛ n la shishɛr nɛ nsunɔ ere ka yil a kɔ fo a malga le.

Jɛnesis 18:30

Ndoŋ nna nɛ Eebraham naŋ kaŋɛ: “Jande, sa maŋ kaŋ nya agbo Enyɛnpe, ama ŋ kraa sha kenaŋ m malga nna. Nɛ b la basa adesa nawule malɛ ai?” Nɛ e kaŋɛ: “Nɛ m baŋ nya basa nɛ b niŋi adesa ndoŋ, m maaŋ mur kumo.”

Jɛnesis 18:32

Ade kikɛ be kaman nɛ Eebraham naŋ kaŋɛ: “N nyɛnpe, jande sa maŋ kaŋ nya agbo, nɛ m malga kela koŋwule nseŋ yige. Nɛ fo nya basa nɛ b niŋi kudu nawule malɛ, nuso nɛ asheŋ beeŋ baa du?” Nɛ Enyɛnpe na kaŋɛ: “Ŋkpal basa kudu gba so, m maaŋ mur kumo.”

Jɛnesis 28:20

Asheŋ ere be kaman nɛ Jeekɔb nase kɔnɔ ŋ kaŋɛ le: “Nɛ Ebɔrɛ beeŋ baa wɔ ma kutɔ nsaa keni ma so ashi ma enite ere to nsaa sa ma ajibi nɛ asɔbuuso loŋ

Jɛnesis 28:22

Amoso nɛ n yuu kejembu ere n dulgi ndoŋ nɛ k baa la fo Ebɔrɛ pe na. Kusɔ kama malɛ nɛ fo sa ma, meeŋ lara kumo be kudusopo n sa fo.”

Nshɛ 115:3

Anyi be Ebɔrɛ na wɔ ebɔrɛso nna a wora kusɔ nɛ e bee sha.

Aŋasa 10:19

Fo baa malga ga fo maa kra malga a foe. Nɛ fo nyi asheŋ fo maaŋ baa malga ga.

Aŋasa 20:25

Fɛ nfɛra nɛnɛ pɔɛŋ nseŋ nase kɔnɔ n sa Ebɔrɛ. Nɛ fo baŋ maŋ tiŋ n wora m bɔlɔ fo kɔnɔ naseso so, k maŋ walɛ.

Kaŋinichiŋgeliŋ 10:12

Enyiashempo be mmalga bee bar mo kemaŋkura nna, ama ewulpo bre be kɔnɔ to be mmalga e naa mur mo.

Kaŋinichiŋgeliŋ 10:13

Ewulpo bee fara kawulisheŋ be mmalga nna, kumo be lalaloge nɛ a ya bar kebagato.

Kaŋinichiŋgeliŋ 5:3

Kananɛ kafɔŋ damta beeŋ tiŋ n shin nɛ esa e dese ŋ ku edare lubi na, loŋ koŋwule na nɛ esa nɛ e bee malga ga beeŋ tiŋ m malga kawulisheŋ be mmalga.

Kaŋinichiŋgeliŋ 5:7

Edare damta be kebaakuu nɛ mmalga damta be kebaa malga maŋ kɔ kifito. Amoso baa ŋana Ebɔrɛ nsaa sa mo bunyaŋ.

Aizaaya 55:9

Kananɛ ebɔrɛso wɔ esoso a chɔ kasawule so na, aloŋ nɛ ma kasheŋwora nɛ nfɛra fɛso chɔ menyi peya.

Levitikɔs 5:4

Nɛ esa baaŋ bɔ ntaŋ alefasha so fanɛ e beeŋ wora kelela ŋko kulubi ko gba, nsaa maŋ wora loŋ, e wora n da so nna na.

Matiu 6:7

Nɛ menyi alɛ naa kule Ebɔrɛ, men sa maa bela mmalga fuloŋ a deŋi abar so fanɛ kananɛ nnyamase bee wora na. Ŋkpal manɛ so, baa tama fanɛ mmalga damta na so Ebɔrɛ beeŋ nu bumo be kabɔrɛkule.

Matiu 6:9

Men baa kule mo le: ‘An Tuto nɛ fo wɔ ebɔrɛso, shin nɛ fo ketre cheembi na e baa nya bunyaŋ,

Maak 6:23

Kumo be kaman nɛ e bɔ ntaŋ ŋ kaŋɛ mo: “Meeŋ sa fo kusɔ kama nɛ fo kule ma hale nɛ k la efuli ere be bargato gba.”

Jeems 3:2

An kikɛ bee kaa wora a foe ekpa. Amoso, esa nɛ mo ere maa malga a foe ekpa, kumo ere kulubi kikɛ maŋ wɔ mo to nɛ mo alɛ bee tiŋ a pɔɔ kulubi be yiri kikɛ so ashi mbe kebaawɔtɔ to.

Demujipoana 11:30

Nɛ Jɛfta daŋ nase kɔnɔ n sa Enyɛnpe Ebɔrɛ na ŋ kaŋɛ: “Nɛ fo shin nɛ ŋ kɔ m pɔɔ Ammɔnebi ere so,