Kaŋinichiŋgeliŋ 5:16 - EBƆRƐ BE KAWƆL

¹⁶ K daŋ maŋ daga fanɛ loŋ e wora kuraa! Kananɛ an ba loŋ nɛ anyeeŋ naŋ yɔ. Anyee shuŋ ga nna fanɛ an ka beeŋ tiŋ n ju afu m pɛ na, ama amo nɛ amo kikɛ manɛ b tɔnɔ nɛ anyee nya?

Kaŋinichiŋgeliŋ 5:16 ပူးပေါင်းရင်းမြစ်များ

Kaŋinichiŋgeliŋ 1:3

Manɛ be tɔnɔ bre nɛ anyee nya kegben damta nɛ anyee gben ere to?

Aŋasa 11:29

Bekama nɛ baa fin asheŋ lubi a ba bumo be laŋ to ebi so maaŋ nya kapetɛ n ji kikɛ. Bewulpo malɛ beeŋ baa la benyiashempo be anya nna saŋkama.

Baru lela nɛ Jɔn kute na 6:27

Men sa maa kɔ a fin ajibi nɛ a bee jija ere, men baa kɔ a fin ajibi nɛ a bee sa ŋkpa nɛ k maŋ kɔ ekar na. Ma, Nyiŋgbasa Pibinyɛn e naa sa loŋ be ajibi na, ŋkpal manɛ so, Ebɔrɛ Etuto na e ŋini fanɛ mbe kenyi wɔ ma so.”

Maak 8:36

Nɛ fanɛ durnya kikɛ ki esa peya nɛ e paŋ mbe ŋkpa na, manɛ be tɔnɔ nɛ e nya?

Hoziya 8:7

Men baŋ maŋ du ayu nseŋ du afu, kawuliwuli nɛ menyeeŋ teŋi. Ayu baaŋ maŋ bel a maaŋ tiŋ n wul kude. Nɛ men baŋ teŋi ayu gba, bedoŋ beeŋ ba sɔ amo ŋ ka menyi.

Jɛremaya 2:8

Bɔrɛmatapoana na malɛ maŋ tiŋ m bishi: ‘Nnɛ nɛ Enyɛnpe Ebɔrɛ na wɔ?’ Ŋ gbagba be bɔrɛmatapoana nɛ baa ŋini ma mbraana maŋ nyi ma. Bejuŋkparpoana na kini ma nseŋ lar ma kaman; nɛ anebiana na malɛ bɔla Baal be kegbir be ketre so m malga nseŋ shuŋ agbirana nɛ e maŋ kɔ tɔnɔ n sa bumo.

Aizaaya 26:18

An daa wɔ ebesa damta to nna fanɛ eche nɛ kakurge ta na, ama anyi alɛ daa maŋ kurge. An daa maŋ tiŋ ŋ kɔ m pɔɔ so kikɛ ashi anyi be kasawule so; anyi alɛ maŋ tiŋ n wora ŋko n nya shɛŋ n sa basa durnya to.

Kaŋinichiŋgeliŋ 5:13

Kusɔ lubi ko malɛ nɛ n naŋ wu k ka bee wora durnya ere to. Basa pere kenishi nna a fin amansherbi a deŋi abar so, nɛ kumo be loŋ bee bar bumo asheŋ.

1 Samuɛl 12:21

Men sa maa shuŋ agbir, ŋkpal manɛ so, a maaŋ tiŋ n chɛ menyi to ŋko m mɔlga menyi. Agbir la asɔ fuloŋ nna.

1 Kɔrintebi 16:16

Amoso, mee kule menyi nna fanɛ men baa nu a sa le be basa nɛ bekama malɛ gba nɛ b luri loŋ be kushuŋ na to a wɔtɔ a shuŋ kumo na.

Kaŋinichiŋgeliŋ 2:11

Ndoŋ nna nɛ n fɛ kusɔ nɛ n wora na be nfɛra nɛ kananɛ m pere kenishi n shuŋ ga be asheŋ, ama kumo be loŋ malɛ daŋ maŋ daga. Amo kikɛ daa du fanɛ k baa ju a bɛ afu so nna nɛ kumo alɛ be loŋ malɛ la fuloŋ.

Kaŋinichiŋgeliŋ 3:9

Manɛ be tɔnɔ bre nɛ anyee nya kegben damta nɛ anyee gben ere to?