Kaŋinichiŋgeliŋ 4:16 - EBƆRƐ BE KAWƆL

¹⁶ Ashere basa nɛ ewura bee juŋkpar na shibi ga n baŋ so ama kachɛ nɛ e kaŋ wu, ekama maaŋ baa wɔtɔ nɛ e lar ŋ kpaŋ mo. Ade kikɛ la asheŋ fuloŋ nna. A du nna fanɛ esa ka ju a bɛ afu so na.

Kaŋinichiŋgeliŋ 4:16 ပူးပေါင်းရင်းမြစ်များ

2 Samuɛl 19:9

Nɛ Israɛl be basa na kikɛ fara a bile asheŋ a kaŋɛ abar le: “Ewura Deevid e mɔlga anyi ashi anyi doŋana kutɔ, nseŋ naŋ mɔlga anyi ashi Filistiebi kutɔ ama e shile n lar efuli ere so ŋkpal Absalɔm so.

1 Bewura 1:40

Kumo be kaman nɛ bumo kikɛ bɛ Sɔlɔmɔn so a foŋ nlopi a boŋ nshɛ awɔrso m bɛta a yɔ Jerusalɛm hale nɛ bumo be awɔr na shin nɛ kasawule bee gbuŋgbuŋ.

Kaŋinichiŋgeliŋ 1:14

Ŋ ka wu asheŋ nɛ a bee wora durnya ere to na, nɛ n yɛ; kusɔ kama maŋ kɔ tɔnɔ. K du nna fanɛ fo ka bee ju a bɛ afu so na.

Kaŋinichiŋgeliŋ 2:11

Ndoŋ nna nɛ n fɛ kusɔ nɛ n wora na be nfɛra nɛ kananɛ m pere kenishi n shuŋ ga be asheŋ, ama kumo be loŋ malɛ daŋ maŋ daga. Amo kikɛ daa du fanɛ k baa ju a bɛ afu so nna nɛ kumo alɛ be loŋ malɛ la fuloŋ.

Kaŋinichiŋgeliŋ 2:17

Ŋkpal loŋ so kebaawɔtɔ nɛ n wɔtɔ ere daa maŋ naa la shɛŋ ŋ kutɔ ŋkpal manɛ so k maŋ bar ma tɔnɔ kikɛ ama asheŋ nawule. Kebaadu fanɛ kebaa ju a buu afu so nna.

Kaŋinichiŋgeliŋ 2:26

Ebɔrɛ bee ta kanyiasheŋ nɛ kenyi nɛ kagbenefuli nna a sa bekama nɛ baa wora mbe aparsheŋ. Ama belubiworapo bre, e bee shin nna nɛ baa shuŋ a nya asɔ a yili, nɛ bekama nɛ baa wora Ebɔrɛ be aparsheŋ na e ba ji amo be kapetɛ. Ade kikɛ la asheŋ fuloŋ nna. A du nna fanɛ kebaa ju a bɛ afu so.

Kaŋinichiŋgeliŋ 4:15

Ŋ ka fɛ basa nɛ b wɔ durnya ere to kikɛ be asheŋ, nɛ m pin fanɛ kabrantiɛfɔlbi beeŋ shi bumo to m ba ji kuwura jemanɛ nɛ ewura na maŋ naa wɔtɔ.