Kaŋinichiŋgeliŋ 4:12 - EBƆRƐ BE KAWƆL

¹² Kolu nɛ esa koŋwule beeŋ kɔ n tɔr na, basa nyɔ bre beeŋ kɔ kumo m pɔɔ so. K beeŋ ba du kpakpa ga nɛ fo tiŋ n tuge kemamprɔŋ nɛ b ta efɔl asa m mɛa abar n wora to.

Kaŋinichiŋgeliŋ 4:12 ပူးပေါင်းရင်းမြစ်များ

2 Samuɛl 23:16

Nɛ benapo lempo asa nɛ bumo be atre dii benapo adesa na to na pete n yɔ Filistiebi na be keeyito n ya jɔ ketirbu na be nchu m ba sa Deevid, ama Deevid daa maŋ nu nchu na. E daŋ chulgi amo nna n wurge kasawule fanɛ sarga n sa Enyɛnpe Ebɔrɛ,

2 Samuɛl 23:23

E daŋ nya kemaŋkura ga ama mo alɛ daa maŋ fo benapo lempo asa na so. Mo nɛ ewura Deevid daŋ ta ŋ ki basa nɛ baa kuŋ mo na be enimu.

2 Samuɛl 23:9

Enyɔsopo e daa la Eliaza nɛ mo tuto la Dodo nɛ e shi Aho be kanaŋ to na. Kachako nɛ mo nɛ ewura Deevid juŋkpar Israɛlebi na nɛ b ya to Filistiebi na kena be emaŋ nɛ Israɛlebi be benapo bre kikɛ bɛta kaman gbrɛbi.

Kaŋinichiŋgeliŋ 4:11

Awo to, basa nyɔ beeŋ tiŋ n dese m mata abar nsaa bel edɛ a pɛ abar, ama nuso nɛ esa koŋwule beeŋ tiŋ n wora loŋ?

Kaŋinichiŋgeliŋ 4:13

Esa beeŋ tiŋ a la etirpo nseŋ ba ki mbe efuli so be ewura ŋko e beeŋ tiŋ n shi kabuti to gba m ba chena kuwura so, ama nɛ e ki enimu nna pɔɛŋ nseŋ ba ki ewura, mo alɛ nsaa maŋ kɔ kanyiasheŋ ŋko a sɔ kasotoji, kumo ere kabrantiɛfɔlbi nɛ e la etirpo nsaa kɔ kanyiasheŋ bɔ mo.

Ɛfesesebi 4:3

Men baa wora ania ga a kɔ kɔnɔkoŋwuleso be kebaawɔtɔ be kagbenewushi nɛ k bee shi Kiyoyu na kutɔ nsaa bar menyi abar so na to kpakpa.