Kaŋinichiŋgeliŋ 4:10 - EBƆRƐ BE KAWƆL

¹⁰ Ekoŋwule baŋ tɔr, eko beeŋ niŋi mo to, ama fo nawule bre baa la nseŋ tɔr, k maaŋ ba walɛ kikɛ ŋkpal manɛ so esa maaŋ niŋi fo to.

Kaŋinichiŋgeliŋ 4:10 ပူးပေါင်းရင်းမြစ်များ

1 Tɛsalɔnikaebi 5:11

Amoso, men baa leŋ abar to a chɛ abar to fanɛ kananɛ men chɛr a wora na.

1 Tɛsalɔnikaebi 4:18

Amoso, men baa kɔ mmalga ere to a leŋ abar to.

Galeeshaebi 6:1

Ŋ kurgepoana, nɛ men be ekama baŋ tɔr kulubi to, menyi nɛ Kiyoyu Cheeŋ na bee juŋkpar na e bar men be amu kaseto n chɛ mo to nɛ e lar alubi na to. Ama nɛ menyee wora loŋ, men baa de men be amu so nɛ menyi alɛ gbagba e sa maŋ luri kechɔŋkeni to n tɔr.

1 Samuɛl 23:16

Ndoŋ nna nɛ Jonatan yɔ Deevid kutɔ n ya leŋ mo to ŋ kaŋɛ mo fanɛ Ebɔrɛ beeŋ kuŋ mo,

Jɛnesis 4:8

Kachako nɛ Keen kaŋɛ mo sipo Eebel fanɛ b yɔ kupuŋ to. Ndoŋ nna nɛ Eebel shuli nɛ mo nɛ Keen yɔ kupuŋ na to. B ka ya fo ndoŋ nɛ Keen tɛ n yuu mo sipo Eebel so m bri mo m mɔ.

2 Samuɛl 14:6

Ma alɛ kɔ mbia anyɔ nɛ kachako nɛ kolu tɔr bumo so ashi kupuŋ to. Esa kama malɛ daa maŋ wɔtɔ nɛ e barga bumo to nɛ bumo eko mɔ mo barkasa.

2 Samuɛl 11:27

B ka wora keeli n loge, nɛ ewura Deevid shuŋi nɛ b ya keta mo m ba ewurkpa nɛ e ta mo ŋ ki mbe eche hale nɛ e kurge ebinyɛn n sa mo. Ama kusɔ nɛ Deevid wora na daa maŋ par Enyɛnpe Ebɔrɛ.

Ɛksodɔs 32:21

Kumo be loŋ be kaman nɛ Mosis bishi Ɛɛrɔn: “Manɛ nɛ basa ere wora fo nɛ fo shin nɛ le be kulubi gboŋgboŋi ere ba bumo so?”

Kaŋinichiŋgeliŋ 4:9

Fo baa kɔ eteri, bɔ fo nawule ka wɔtɔ, ŋkpal manɛ so basa anyɔ e naŋ tiŋ n shuŋ nɛnɛ.

Kaŋinichiŋgeliŋ 4:11

Awo to, basa nyɔ beeŋ tiŋ n dese m mata abar nsaa bel edɛ a pɛ abar, ama nuso nɛ esa koŋwule beeŋ tiŋ n wora loŋ?