Kaŋinichiŋgeliŋ 4:1 - EBƆRƐ BE KAWƆL

¹ Ade kikɛ be kaman nɛ n naŋ keni n wu fanɛ keji asheŋ nɛ amo be ekpa so maŋ naa wɔ durnya to. Basa nɛ b wɔ kamɛaŋ to na bee shu anishichubi nɛ esa kama maa chɛ bumo to, ŋkpal basa nɛ baa mɛaŋ bumo na ka kɔ eleŋ a chɔ bumo so.

Kaŋinichiŋgeliŋ 4:1 ပူးပေါင်းရင်းမြစ်များ

Job be kawɔl 16:4

Nɛ fanɛ fo e daa wɔ kebaawɔtɔ nɛ n wɔ kumo to ere, nɛ ma alɛ wɔ kumo nɛ fo wɔtɔ to ere, ma alɛ gba daa beeŋ tiŋ a malga kananɛ fee malga ere. N daa beeŋ tiŋ n nya kusɔ ko m malga ŋ gbiti fo nseŋ keni fo n fifi kumu fanɛ kananɛ fee wora ere.

Job be kawɔl 35:9

Etɔrɔ be jemanɛ ekama bee kule Ebɔrɛ gboŋgboŋi na nna nɛ e wu mo kuwɔr nseŋ mɔlga mo.

Job be kawɔl 6:29

Men yige kebaakuu ma kɔnɔ, nɛ manɛ aloŋ, ma ketre beeŋ jija.

Job be kawɔl 9:24

Ebɔrɛ e sa basa lubi ekpa, nɛ b sɔ durnya m pugi so; nseŋ tan demujipoana malɛ. Nɛ mannɛ Ebɔrɛ e wora loŋ, wanɛ e wora loŋ?

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 142:4

M baŋ keni ŋ kulti, mee wu fanɛ esa kikɛ maŋ wɔtɔ nɛ e chɛ ma to, esa kikɛ maŋ wɔtɔ nɛ e kuŋ ma. Ma asheŋ malɛ maŋ tir esa kikɛ.

Nshɛ 142:5

Fo Enyɛnpe Ebɔrɛ na, nɛ mee kule nɛ fo chɛ ma to! Fo Enyɛnpe Ebɔrɛ na e la ma ekumpo. Fo nawule nɛ mee fute a yigeso ashi ma kebaawɔtɔ to.

Nshɛ 42:3

M ma anishichubi e ki ma kapa nɛ kanyɛ be ajibi. Nɛ saŋkama basa bee bishi ma fanɛ nnɛ nɛ fo Ebɔrɛ na wɔ.

Nshɛ 42:9

Fo e du fanɛ kefalta a kuŋ ma. Manɛ nna nɛ fo teŋ ma so? Manɛ nna nɛ bedoŋ bee mɛaŋ ma, a shin nɛ ma kagbene maa fuli ma?

Nshɛ 69:20

Ma kagbenejija ŋkpal katege so, n shin nɛ ŋ ki elɔpo katinso. N daa fɛ fanɛ baaŋ wu ma kuwɔr nna; ma alɛ maŋ nya loŋ.

Nshɛ 69:21

Baa ta kɔrtɔ nna a wɔtɔ ma ajibi to nsaa sa ma nsa nyaŋnyaŋso fanɛ nchu nuuso.

Nshɛ 80:5

Fo shin nɛ anishichubi ki bumo be ajibi jiso nɛ nchu nuuso.

Ɛksodɔs 1:16

“Saŋkama nɛ men baŋ ya kaa keta Hibruwche kama kakurge nseŋ wu fanɛ ebinyɛn nɛ e kurge, men mɔ kebia na. Ama nɛ fanɛ kebia na la ebiche bre, men yige mo.”

Ɛksodɔs 1:22

Ndoŋ nna nɛ ewura Fɛɛro sa mbe basa kikɛ ebɔl kenishipereso ŋ kaŋɛ le: “Hibruwebi na baŋ kurge ebinyɛn kikɛ, men ta mo n ya lɛ lɔr nɛ baa tre Nail na to, ama becheso na bre, men yige bumo kikɛ nɛ b baa wɔtɔ.”

Aŋasa 19:7

Etirpo maŋ kɔ eniopibi, a bishi eteri. Kanaŋ kamaso nɛ e pere kenishi a sha bumo baa shile nna a ka mo.

Aŋasa 28:3

Ejuŋkparpo nɛ e bee mɛaŋ betirpo, du nna fanɛ bɔrɛgboŋ nɛ k bee jija adɔjibi na.

Aŋasa 29:2

Asheŋ baa nyala a sa basa niŋiso basa kikɛ be ŋgbene bee fuli nna, ama basa lubi baa ji kuwura basa bee shuto nna.

Kaŋinichiŋgeliŋ 3:16

Ŋ ka naŋ pɛshɛ asheŋ, nɛ n naŋ wu fanɛ, keji asheŋ nɛ amo be ekpa so maŋ naa shuŋ. Alubi nawule e naa ji eleŋ.

Kaŋinichiŋgeliŋ 5:8

Fo baŋ wu abane be ekrachi ka bee tɔrɔ mbe efuli so be betirpo nsaa ji bumo durmu, sa maŋ shin nɛ k baa chinchiŋ fo, ŋkpal manɛ so ekrachi wurbi na bee wora a bɛ bumo be benimu be nnɔ so nna.

Kaŋinichiŋgeliŋ 7:7

Fo baa kɔ kanyiasheŋ nsaa puni basa, kumo ere fee wora nna fanɛ ewulpo na. Fo baa sɔ brɔbu malɛ, fo da nɛ fee jija na.

Kaŋinichiŋgeliŋ 8:9

N wu kananɛ asheŋ bee nite durnya ere to kikɛ, beko bee tɔrɔ bumo braana nna ŋkpal b ka kɔ eleŋ a chɔ bumo so.

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Aizaaya 51:23

Ama meeŋ shin nɛ kasogberge na e ba basa nɛ b kɔrfɛ menyi nseŋ shin nɛ men dese agbembi so, nɛ baa chichi menyi so fanɛ shishɛr na so.”

Aizaaya 59:7

Jemanɛ kikɛ asheŋ lubi nɛ menyee kre nsaa nya manaŋ a wora amo. Basa nɛ b maŋ wora shɛŋ be kemɔ maŋ du menyi so kpakpa. Basa nɛ asɔ be kejija n lɛ nɛ kemur nɛ menyee yige kaman ashi kaplɛkama nɛ men yɔ.

Jɛremaya 16:7

Esa kikɛ malɛ maaŋ lolo mo barkasa nseŋ tu mo n ji ŋkpal mbe eshapo ko ka wu so. Hale esa mo nio ŋko mo tuto wu gba, ekama maaŋ tu mo n shu keeli.

Nfabel 1:16

Amoso nɛ anyee shu anishichubi ga na. Esa kikɛ maaŋ tiŋ n lolo anyi n ti anyi kagbene, esa kikɛ malɛ maaŋ tiŋ n leŋ anyi to nɛ an naŋ nya kenyɛn. Ŋkpal manɛ so, an doŋana pɔɔ anyi so nɛ anyi maŋ naa kɔ shɛŋ kebaawɔtɔ to.

Nfabel 1:17

An teŋi anyi be enɔana to nna a fin kechɛto, ama esa kikɛ maŋ chɛ anyi to. Enyɛnpe Ebɔrɛ na tre efuliana nɛ a kulti anyi na nna nɛ b ba kɔ anyi kena kaba kama so. Baa keni anyi nna fanɛ basa jiga.

Nfabel 1:2

Kanyɛso kikɛ, kumo to be basa bee shu nna nɛ anishichubi bee pɔ bumo be ŋgbuŋ. Kumo beshapo kikɛ maŋ naa wɔtɔ nɛ b lolo kumo n wushi kumo kagbene. Kumo teriana kikɛ lar kumo kaman nseŋ debɔr kumo, naniere b ki kumo be bedoŋ nna.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Eemɔs 3:10

Enyɛnpe Ebɔrɛ yɛ: “Koyu nɛ kebaa tintiŋ basa a sɔ bumo be asɔ nɛ basa ere bɔla so ŋ gbare asɔ m bɔlɔ ebuana. B maaŋ tiŋ n ji kashenteŋ kikɛ.”

Eemɔs 3:9

Kaŋɛ Ijipt nɛ Ashdɔd be bejuŋkparpoana na le: “Men shɛr abee nɛ a kulti Samɛria be kadegboŋ na so ŋ keni kananɛ asheŋ bee baga to nɛ kananɛ basa bee wora kusɔ nɛ baa sha ŋkpal mbra ka maŋ naa wɔtɔ so.”

Malakai 2:13

Kusɔ nɛ men naŋ wora e la fanɛ, menyee shu a gbiti Enyɛnpe Ebɔrɛ be bɔrɛsure na nna. Menyee boŋ to nna a shu ŋkpal e ka maŋ naa sɔ menyi be ŋkɛ nɛ menyee ta a bar mo na so.

Malakai 3:18

Ndoŋ nɛ ma basa beeŋ pin basa niŋiso nɛ basa lubi na be mbarga, nseŋ naŋ pin basa nɛ baa shuŋ ma nɛnɛ nɛ bumo nɛ b maa shuŋ ma na be mbarga.”

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Matiu 26:56

Ama asheŋ ere kikɛ wora nna nɛ kusɔ nɛ anebiana na sibɛ na e bɔlɔ so.” Ndoŋ nna nɛ bebɛsopo na kikɛ shile ŋ ka mo.

Ditɛronɔmi 28:33

Efuli pɔtɛ so be basa beeŋ ba suge menyi be adɔjibi nɛ men gben n dɔ n nya na. Menyi maaŋ naŋ nya shɛŋ ama kɔrfɛ nɛ kamɛaŋ nawule.

Ditɛronɔmi 28:48

e beeŋ shuŋi bedoŋ menyi kutɔ nɛ men shuŋ bumo nɛ ketir e pɛ menyi nɛ men maaŋ nya ajibi n ji ŋko nchu n nuu ŋko asɔbuuso gba m buu. Men doŋana na beeŋ kɔrfɛ menyi hale n ya mur menyi.

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.

Demujipoana 4:3

Ewura Jabin daa kɔ abɛlso be egbaŋɛturko nɛ b kɔ a yɔ kena to alfa akpanu nna nseŋ daŋ kɔrfɛ Israɛl be basa na ga nfɛ adunyɔ. Ndoŋ nna nɛ Israɛlebi na shu n tre Enyɛnpe Ebɔrɛ na fanɛ e chɛ bumo to.