Kaŋinichiŋgeliŋ 3:8 - EBƆRƐ BE KAWƆL

⁸ Mo e naa yili kasha nɛ kekishi be saŋɛ, nsaa yili kena nɛ kayurwushi malɛ gba be saŋɛ.

Kaŋinichiŋgeliŋ 3:8 ပူးပေါင်းရင်းမြစ်များ

1 Bewura 5:4

Naniere bre Enyɛnpe Ebɔrɛ bar kayurwushi ashi ma kasawule so kikɛ. Bedoŋ na kikɛ maŋ naa wɔtɔ, amoso kayurwushi ba.

2 Bewura 9:22

Joram ka wu Jehu na nɛ e bishi mo le: “Kagbenewushi so nɛ fee ba a?” Ndoŋ nna nɛ Jehu malɛ kaŋɛ: “Nuso nɛ kayurwushi beeŋ tiŋ a wɔtɔ saŋɛ so nɛ fo nio Jɛzebel be kegbaya nɛ kagbirshuŋ wɔ anyi to.”

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

Nshɛ 101:3

Ma alɛ beeŋ kishi kusɔ nɛ basa nɛ b pal kaman n sa Ebɔrɛ bee wora na kikɛ.

Nshɛ 105:25

E daŋ shin nna nɛ Ijiptebi na kishi mbe basa nsaa kre bumo asheŋ lubi be nia.

Nshɛ 139:21

O Enyɛnpe Ebɔrɛ, ma alɛ gba kishi bekama nɛ b kishi fo nseŋ kini fo, n lar fo kaman na nna.

Aŋasa 13:5

Esa cheembi kikɛ kishi kafulesheŋ nna, ama basa lubi bre be aworbi bee bar bumo anishinyɔr nɛ nyɔmu nna.

Ezikɛl 16:8

Ŋ ka naŋ ba wu fo nɛ m pin fanɛ naniere fo ki eche nna n loge na, nɛ n ta ŋ gbagba be kusɔbuuso m buu fo kayurkpaŋ so. Kumo be kaman nɛ n nase kɔnɔ n sa fo nseŋ bɔ ntaŋ fanɛ feeŋ baa la meya nɛ ma, Enyɛnpetale Ebɔrɛ na e baa keni fo so.

Luuk 14:26

“Esa kama nɛ e ba ma kutɔ nsaa maŋ kishi mo tuto gbagba nɛ mo nio nɛ mbe eche nɛ bibi nɛ besiponyɛnana nɛ besipocheana hale mo gbagba be kumu be aparsheŋ, e maaŋ tiŋ a la ma ebɛsopo.

Ɛfesesebi 3:19

Kashenteŋto esa ba maaŋ tiŋ m pin mbe kasha na to n ya loge, ama kumo nɛ mee kule mo fanɛ e shin nɛ men ba pin nɛ k tiŋ n shin nɛ Ebɔrɛ e bɔlɔ men be kebaawɔtɔ kikɛ to nyam.

Ɛfesesebi 5:25

Benyɛn, men baa sha men be becheana fanɛ kananɛ Kristo sha asɔri na nseŋ ta mbe kumu n sa kumo na.

Taites 2:4

A daga fanɛ b baa ŋini asɔ nɛ a walɛ nsaa ŋini beche kurgepoana kananɛ baaŋ baa sha bumo kulana nɛ bumo be mbia,

Joshuwa 11:23

Joshuwa daŋ sɔ kasawule na kikɛ nna fanɛ kananɛ Enyɛnpe Ebɔrɛ daŋ kaŋɛ Mosis na, nseŋ barga kumo to n sa Israɛlebi na yiri yiri so nɛ k ki bumo be kapetɛ. Yili kumo be saŋɛ na so nɛ b wushi gbrɛbi ashi kena be kekɔ to.

Kelaraŋŋini 2:2

N nyi men be aworbi kikɛ a nyi kananɛ men shuŋ ga nseŋ naa nyi kananɛ men kɔ kanyiti a yil to. N nyi kananɛ menyi nɛ basa lubi maaŋ tiŋ n chena nsaa nyi fanɛ men wora basa nɛ b yɛ b la beshuŋipoana, bumo alɛ ŋkaa maŋ la na ŋ keni n wu fanɛ befɛpo e la bumo.