Kaŋinichiŋgeliŋ 3:7 - EBƆRƐ BE KAWƆL

⁷ mo e naa yili saŋɛ nɛ k daga kekpɛa to nɛ saŋɛ nɛ k daga kebaa m mata abar so, mo e naa yili saŋɛ nɛ k daga kekaŋ kusoe n nu, nɛ saŋɛ nɛ k daga kemalga.

Kaŋinichiŋgeliŋ 3:7 ပူးပေါင်းရင်းမြစ်များ

Jɛnesis 37:29

Ruben ka laŋɛ m ba ketirbu na ase m ba wu fanɛ Josɛf maŋ naa wɔtɔ nɛ e kpɛa mbe asɔbuuso to ŋkpal kagbenejijaso

Jɛnesis 37:34

Ndoŋ nna nɛ e kpɛa mbe asɔbuuso to nseŋ ta kusɔbuuso ko nɛ kumo be kapɔr du sesaga fanɛ bɔtɛ m buu n ta nchɛ damta n shu mbe kebia na be keeli ga.

Jɛnesis 44:18

Ndoŋ nna nɛ Juda yɔ mo kutɔ n ya kaŋɛ mo: “N nyɛnpe jande, shin nɛ fo kenya e malga kamalgabi ko n sa fo, n nyɛnpe. N nyi fo nɛ ewura Fɛɛro ka sasa, ama jande, sa maŋ nya agbo n wora ma.

Jɛnesis 44:34

Ŋkpal manɛ so, nɛ kebia na maŋ tu ma n yɔ epe, nuso nɛ meeŋ wora n yɔ n tuto kutɔ? Ayai, jande, sa maŋ shin nɛ n ya wu kagbenejija nɛ k beeŋ ba n tuto so na.”

2 Samuɛl 1:11

Deevid ka nu loŋ nɛ mo nɛ basa nɛ b wɔ mo kutɔ na kikɛ kpɛa bumo be asɔbuuso to kagbenejijaso.

2 Samuɛl 3:31

Ndoŋ nna nɛ Deevid ponte ŋ kaŋɛ Jɔab nɛ mbe basa fanɛ b kpɛa bumo be asɔbuuso to, nseŋ ta kagbenejijaso be asɔbuuso m buu n shu Abna be keeli. Ewura Deevid gbagba e daŋ wora Abna be keeli.

1 Bewura 21:27

Anebi Elaija ka malga n loge nɛ ewura Ahab kpɛa mbe epiŋi to nseŋ lara amo n ta kagbenejijaso be piŋi a buu kapa nɛ kanya a ŋini fanɛ mbe kagbene jija ga. E daŋ kini ajibi gba nna nseŋ gbir kenishito.

2 Bewura 18:36

Ŋkpal ewura Hɛzekaya ka daŋ kaŋɛ bumo fanɛ b sa maŋ kaŋ kaŋɛ shɛŋ so, basa na daa maŋ malga.

2 Bewura 5:7

Israɛl be ewura na ka kraŋ kawɔl na nɛ mbe aba pɔ mo nɛ kufu pɛ mo ŋkpal Siriya be benapo na be eleŋ nɛ b kɔ so nɛ e kpɛa mbe asɔbuuso to m ponte ŋ kaŋɛ le: “A ji nuso nɛ Siriya be ewura na kaŋɛ fanɛ kanyɛn ere e ba ŋ kutɔ nɛ n chɛ mbe keboti? E bee fɛ fanɛ n la Ebɔrɛ nna nsaa kɔ luwu nɛ ŋkpa be eleŋ a? Naniere bre k baŋ fuli geeŋ nna fanɛ kolu nɛ e bee sha ma!”

2 Bewura 6:30

Ewura na ka nu baru ere nɛ e kpɛa mbe asɔbuuso to kagbenejijaso nɛ basa nɛ b wɔ egbal na be kaseto na wu e ka buu kagbenejijaso be asɔbuuso mbe epiŋi nɛ e buu na be kaseto.

Ɛsta 7:4

B fa ma nɛ ma basa kikɛ fanɛ b mɔ anyi nna. K daa la fanɛ baa fa anyi nna fanɛ anya gba, ndafanɛ maaŋ bugi kɔnɔ ŋ kaŋɛ fo shɛŋ, ama baa kre kemɔ anyi kikɛ nna!”

Job be kawɔl 2:13

Kumo be kaman nɛ b ya tu Job n chena kasawule nchɛ ashunu nɛ nnyɛ ashunu nɛ ekama maa bugi kɔnɔ a kaŋɛ shɛŋ, ŋkpal awurfoŋ gboŋgboŋi nɛ b wu e ka bee ji so.

Nshɛ 39:2

Ŋ ka loto n yili shruum a maa malga kelela na, nɛ ma eyur to be ebesa nɛ tɔrɔ na wora kishi n ti so.

Kaŋinichiŋgeliŋ 3:6

Mo e naa yili saŋɛ nɛ k daga dimɛdi ka fin nɛ saŋɛ nɛ k daga dimɛdi ka yige kafin, Mo e naa yili saŋɛ nɛ k daga keta asɔ n yili nɛ saŋɛ nɛ k daga keta asɔ n lɛ,

Aizaaya 36:21

Ŋkpal Ewura Hɛzekaya ka daŋ kaŋɛ bumo fanɛ b sa maŋ kaŋ kaŋɛ shɛŋ na so, basa na daŋ maŋ tuge shɛŋ.

Jɛremaya 36:24

Ama ewura na nɛ mbe benimuana nɛ b nu kawɔl na be kakraŋ na maŋ wora kusɔ ko a ŋini fanɛ kagbene jija bumo ŋko kufu pɛ bumo.

Jɛremaya 8:14

Kede ba kama nɛ Ebɔrɛ be basa na kaŋɛ le: “Manɛ nna nɛ an chena shruum loŋ? Men shin nɛ an shile n yɔ ndegboŋ nɛ b pɔr egbalana ŋ kulti amo na to n ya wu n dese ndoŋ. Enyɛnpe anyi be Ebɔrɛ na teŋ n yili kumo fanɛ anyeeŋ wu. Mo alɛ teŋ n sa anyi kɔrtɔ fanɛ an nu n wu, ŋkpal an ka wora alubi n da mo so so.

Nfabel 3:28

Nɛ Enyɛnpe Ebɔrɛ na tea sha fanɛ an ji awurfoŋ, kumo ere an nya kanyiti n chena shruum a jo mo.

Jowɛl 2:13

Men shin nɛ men be kagbenejija na e di efuli ŋ ŋini fanɛ kashenteŋto men be ŋgbene maŋ dese menyi. Men be asɔbuuso be kekpɛa to ere bre maŋ la shɛŋ. Men bɛta m ba Enyɛnpe, men be Ebɔrɛ na kutɔ. E la enyitipo nna, nsaa bɛ mbe nnɔ naseso so. Saŋkikɛ e wora shiriya nna nɛ e ta men be alubi m paŋ menyi nsaa maaŋ gberge menyi kusoe

Eemɔs 5:13

Ŋkpal le be alubi ere so benyiashempo bee lo bumo be nnɔ nna.

Eemɔs 8:3

Enyɛnpetale yɛ: “Nshɛ nɛ baaŋ ba boŋ bɔrɛlambu to na beeŋ kilgi kushu. Bubuni beeŋ dese kaplɛkama nɛ kakpa kikɛ e wora shruum.”

Maika 7:5

Sa maŋ kaŋ yirda fo echenashapo ŋko fo teri kikɛ. Baa de kusɔ nɛ fee kaŋɛ fo eche gba so.

Ashuŋ Shunso 4:20

Anyi ere maaŋ tiŋ n yige kemalga kusɔ nɛ anyi gbagba wu nseŋ nu be asheŋ.”

Ashuŋ Shunso 9:39

Nɛ Pita bela ase n tu bumo n yɔ. E ka fo ndoŋ nɛ b keta mo n yɔ esoso be ebu na to nɛ bekulpocheana na kikɛ ba kulti mo a shu nsaa ta nle nɛ asɔbuuso nɛ Dɔɔkas daŋ lue saŋɛ nɛ e daa maŋ naŋ wu na a ŋini Pita.

1 Samuɛl 10:16

Nɛ Sɔɔl kaŋɛ: “E kaŋɛ anyi nna fanɛ b wu ekurma na, ama mo alɛ maŋ kaŋɛ mo wɔpa kananɛ Samuɛl yɛ e beeŋ ki ewura be asheŋ.”