Kaŋinichiŋgeliŋ 3:3 - EBƆRƐ BE KAWƆL

³ Mo e yili luwu nɛ eyur be alenfia be saŋɛ, nseŋ yili keda n lɛ nɛ kepɔr be saŋɛ.

Kaŋinichiŋgeliŋ 3:3 ပူးပေါင်းရင်းမြစ်များ

Jɛnesis 9:6

Esa kama nɛ e mɔ dimɛdi, baaŋ mɔ amodoŋwura gba n tal to, ŋkpal manɛ so, Ebɔrɛ pɔr dimɛdi nna fanɛ mbe kaduli.

Aizaaya 44:26

Ama ma e naa shin nɛ ma anebiana be abɔya bee wora a bɔlɔ so kashenteŋto. Le nɛ baa kaŋɛ: ‘Basa beeŋ ba bɔlɔ Jerusalɛm to, nɛ Enyɛnpe Ebɔrɛ na malɛ e lɔŋɛ nde bureso nɛ a wɔ Juda be efuli so na m pɔr.’

Aizaaya 6:10

Kumo be kaman nɛ e naŋ kaŋɛ ma le: “Shin nɛ basa ere be nfɛra e mel to nɛ bumo be asoe e ti nɛ bumo be anishi e tan, saŋɛ na so b maaŋ baa wu ŋko a nu ŋko a pin asheŋ to. Nɛ mannɛ aloŋ, baaŋ baa wu ŋko a nu ŋko a pin asheŋ to nseŋ bɛta m ba ma kutɔ m ba nya kechɛ.”

Jɛremaya 1:10

Kabre mee sa fo eleŋ nna nɛ fo tiŋ a kaŋɛ efuliana na be basa fanɛ meeŋ lara bumo ashi to nseŋ mur bumo nɛ b maaŋ naa wɔtɔ kuraa. Kumo be kaman nɛ n naŋ lɔŋɛ m pɔr bumo be efuliana na n yili.”

Jɛremaya 31:28

Kananɛ n daa keni nɛ b tia bumo nseŋ lara bumo n lɛ m mur bumo na, a loŋ nɛ meeŋ naa keni nɛ b naŋ laŋɛ bumo m ba chena nseŋ chɛ bumo to nɛ b salga to.

Jɛremaya 33:6

Kumo be kaman nɛ n naŋ shin nɛ asheŋ e naŋ nyalɛ nsaa nite nɛnɛ ashi kadegboŋ na to kachako n sa ma basa. Saŋɛ na so baaŋ baa wɔ kayurwushi to mbaanaayɔ.

Jɛremaya 45:4

Ama ma, Enyɛnpe Ebɔrɛ na bee bure kusɔ nɛ m pɔr na nna nsaa gberge kusɔ nɛ n duu a tia ashi durnya kikɛ to.

Ezikɛl 13:14

Mee kre kebure egbal nɛ men nyɔɔ n fuli na nɛ k bure cheche n tɔr nɛ kumo be gbaltɔlase nawule e ka a dese. Egbal na beeŋ tɔr menyi so m mɔ menyi kikɛ. Ndoŋ nɛ menyeeŋ pin fanɛ ma e la Enyɛnpe Ebɔrɛ na.

Heegai 1:2

Kusɔ nɛ Enyɛnpetale Ebɔrɛ na yɛ nde: “Basa ere bee kaŋɛ fanɛ jemanɛ maŋ naŋ fo nɛ b lɔŋɛ bɔrɛlambu na m pɔr ashi Jerusalɛm to.”

Heegai 1:4

E yɛ: “Ma basa, manɛ nna nɛ menyi ere wɔ nwu lela to nɛ ma ere be bɔrɛlambu bure a dese?

Zakareya 1:12

Nɛ malaika na kaŋɛ: “Enyɛnpetale Ebɔrɛ, fo ka nya agbo n wɔtɔ Jerusalɛm nɛ nde nɛ a wɔ Juda be efuli so na be nfɛ adushunu nde. Saŋɛ mo nɛ feeŋ wu bumo kuwɔr?”

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.

1 Samuɛl 2:25

Nɛ fanɛ esa ko baŋ wora n da mo barkasa so, Ebɔrɛ beeŋ tiŋ n lɔŋɛ bumo be kefɛato, ama nɛ fanɛ esa wora n da Ebɔrɛ so wanɛ malɛ e naaŋ tiŋ n lɔŋɛ bumo be kefɛato?” Ama ŋkpal Enyɛnpe Ebɔrɛ na ka daŋ yili kumo fanɛ e beeŋ mɔ bumo so, mbinyɛnsobi na daŋ maŋ nu n sa kusɔ nɛ bumo tuto daŋ kaŋɛ bumo na.

1 Samuɛl 2:6

Fo Enyɛnpe Ebɔrɛ na e naa sa basa ŋkpa, nseŋ naa tiŋ a sɔ kumo; fo e naa shin nɛ basa bee yɔ nchaŋ to nseŋ naa tiŋ a bɛta bumo a ba ŋkpa to.