Kaŋinichiŋgeliŋ 3:16 - EBƆRƐ BE KAWƆL

¹⁶ Ŋ ka naŋ pɛshɛ asheŋ, nɛ n naŋ wu fanɛ, keji asheŋ nɛ amo be ekpa so maŋ naa shuŋ. Alubi nawule e naa ji eleŋ.

Kaŋinichiŋgeliŋ 3:16 ပူးပေါင်းရင်းမြစ်များ

Kaŋinichiŋgeliŋ 4:1

Ade kikɛ be kaman nɛ n naŋ keni n wu fanɛ keji asheŋ nɛ amo be ekpa so maŋ naa wɔ durnya to. Basa nɛ b wɔ kamɛaŋ to na bee shu anishichubi nɛ esa kama maa chɛ bumo to, ŋkpal basa nɛ baa mɛaŋ bumo na ka kɔ eleŋ a chɔ bumo so.

Kaŋinichiŋgeliŋ 5:7

Edare damta be kebaakuu nɛ mmalga damta be kebaa malga maŋ kɔ kifito. Amoso baa ŋana Ebɔrɛ nsaa sa mo bunyaŋ.

Kaŋinichiŋgeliŋ 5:8

Fo baŋ wu abane be ekrachi ka bee tɔrɔ mbe efuli so be betirpo nsaa ji bumo durmu, sa maŋ shin nɛ k baa chinchiŋ fo, ŋkpal manɛ so ekrachi wurbi na bee wora a bɛ bumo be benimu be nnɔ so nna.

Kaŋinichiŋgeliŋ 8:9

N wu kananɛ asheŋ bee nite durnya ere to kikɛ, beko bee tɔrɔ bumo braana nna ŋkpal b ka kɔ eleŋ a chɔ bumo so.

Aizaaya 59:14

Keji asheŋ nɛ amo be ekpa so maŋ naa wɔtɔ, nɛ kewora kusɔ nɛ k daga gba maŋ wɔ anyi be kebaawɔtɔ to. Keji kashenteŋ kelɔnɛ so gba maŋ naa wɔtɔ ashi anyi to kuraa.

Maika 2:2

B baa sha nsawule ŋko nwu kama, baa suge amo eleŋso nna. Baa puni nna a suge basa be nwu ŋko mpetɛsɔ.

Maika 7:3

Alubi be kewora deŋ ekama nna. Ekrachi nɛ demujipoana bee tu basa nna a sɔ asɔ pɔɛŋ nsaa shuŋ bumo be ashuŋ a sa bumo. Ekama nɛ e kɔ eyilikpa basa to bee bɔla mbe eyilikpa so nna a fin asɔ a sa mbe kumu nna. Ekama wora kɔnɔ nna a shin nɛ loŋ be asheŋ bee wora.

Zefanaiya 3:3

Kumo be ekrachi du fanɛ ebuluŋ nɛ a bee munto nna, nɛ kumo be demujipoana malɛ du fanɛ ejiŋkaamu nɛ a bee pɛ kusɔ kanyɛso a ji nɛ, kare be kechɛ kachipurso nɛ shɛŋ maŋ naŋ ka na nna.

Matiu 26:59

Bɔrɛmatapowuraana na nɛ Sanhedrinebi na kikɛ daa fin efɛ be eshɛdajipo mo nɛ baaŋ malga ŋ gbiti Yesu nɛ b tiŋ n nya mo m mɔ nna.

Ashuŋ Shunso 23:3

Nɛ Pɔɔl kaŋɛ mo: “Kebirkɔnshiwura ere! Ebɔrɛ beeŋ ŋmɛa fo kɔnɔ loŋ. Fo yɛ fo chena nfe nna nɛ fo bɔla ekpa nɛ mbra na bee ŋini na so n ji demu, ama ma nɛ fee shin nɛ baa ŋmɛa n naa wora a da mbra na so na.”

Jeems 2:6

Ama le be basa ere nɛ menyi ere bee fɛl ŋkeshin nɛ mannɛ damawuraana e naa kaa tɔrɔ menyi nsaa nyaŋ menyi a yɔ edemujikpaana na a?