Kaŋinichiŋgeliŋ 3:1 - EBƆRƐ BE KAWƆL

¹ Kusɔ kama nɛ k bee wora durnya to kikɛ kɔ kumo be saŋɛ nɛ Ebɔrɛ yili nna.

Kaŋinichiŋgeliŋ 3:1 ပူးပေါင်းရင်းမြစ်များ

2 Bewura 5:26

Nɛ Elaisha kaŋɛ le: “Saŋɛ so nɛ kanyɛn na lar mbe gbaŋɛturko to nɛ fo nɛ mo yil na, nɛ n wɔ men kutɔ kiyoyu to. Mannɛ saŋɛ nɛ k daga fo ka sɔ amansherbi nɛ ewajɛ nɛ ɔlif be ndɔ nɛ ndibi nɛ baa tre greep na be ndɔ nɛ mbolpɔ nɛ ana ŋko nyɛrbi nde!

2 Kronikɛls 33:12

Ewura Manase ka wɔ kabuti to ashi Babilɔn na nɛ e bar mbe kumu kaseto n sa Enyɛnpe mbe Ebɔrɛ na nseŋ kule mo fanɛ e chɛ mo to.

Aŋasa 15:23

Keshuli n wora kesheŋ saŋɛ nɛ k daga nɛ kananɛ k daga e naa bar kagbenefuli.

Aŋasa 24:27

Nase kudɔ n du fo adɔjibi pɔɛŋ nsaa pɔr kowu.

Kaŋinichiŋgeliŋ 1:13

N wora ania fanɛ meeŋ koya nseŋ pin kusɔ kama nɛ k bee wora durnya ere to. Ama Ebɔrɛ shin nɛ k ki kpakpa n sa anyi edimɛdi.

Kaŋinichiŋgeliŋ 2:17

Ŋkpal loŋ so kebaawɔtɔ nɛ n wɔtɔ ere daa maŋ naa la shɛŋ ŋ kutɔ ŋkpal manɛ so k maŋ bar ma tɔnɔ kikɛ ama asheŋ nawule. Kebaadu fanɛ kebaa ju a buu afu so nna.

Kaŋinichiŋgeliŋ 2:3

Ŋ ka daa sha kanyiasheŋ ga so, n daŋ yili kumo nna fanɛ meeŋ ta nsa be kenuu n ji ma kumu. N daa fɛ fanɛ ekpa nɛ basa beeŋ bɔla so n ji ŋkpa shiimbi nɛ b kɔ kasawule ere so nna na.

Kaŋinichiŋgeliŋ 3:17

Amoso kusɔ nɛ n fɛ ma kagbene to e la fanɛ: “Ebɔrɛ beeŋ ji basa niŋiso nɛ basa lubi kikɛ demu ŋkpal manɛ so kusɔ kama kɔ kumo be saŋɛ nna.

Kaŋinichiŋgeliŋ 7:14

Nɛ asheŋ baa nite nɛnɛ, shin nɛ fo kagbene e baa fuli fo, nɛ asheŋ maŋ naa nite nɛnɛ malɛ, ba nyi fanɛ Ebɔrɛ e naa sa ekpa nɛ asheŋ lela nɛ asheŋ lubi bee tu esa. Amoso ekama maŋ nyi kusɔ nɛ k beeŋ wora echefoso.

Jɛremaya 46:17

Kede be kaman nɛ men ta ketre popɔr ere: “Awɔr Damta nɛ Sheŋ Maa wora; n nase Ijipt be ewura.

Matiu 16:3

Kumo be ŋklade nɛ men naŋ kaŋɛ: ‘Bɔrɛ bee sha keba nna na,’ ŋkpal men ka wu awɔlpa ka pere m biri to so. Menyee tiŋ a keni awɔlpa so a pin kananɛ a du be afito, ama men maaŋ tiŋ ŋ keni asheŋ nɛ a bee wora jemanɛ ere to ere m pin amo be afito.