Kaŋinichiŋgeliŋ 2:8 - EBƆRƐ BE KAWƆL

⁸ N daŋ chala shuwa nɛ gbiti ashi nsawule pɔtɛ nɛ mee ji amo so kuwura na be bewura be ekpanjawu to nna. Bumo be benyɛn nɛ beche kikɛ daŋ boŋ nshɛ nna n deŋi ma anishi to nɛ n nya beche nɛ mee sha ndoŋ.

Kaŋinichiŋgeliŋ 2:8 ပူးပေါင်းရင်းမြစ်များ

2 Samuɛl 19:35

Yiramu! Ma nfɛ aduburwa nna na. Shɛŋ shɛŋ malɛ maŋ naa yɛlga ma. Ajibi ŋko asɔnuuso kikɛ maŋ naa wora ma ebel. Ma alɛ maŋ naa nu nshɛ gba be ebel, amoso maa sha keki esulɔ n sa fo.

1 Bewura 10:10

Ewurche na daŋ ta shuwa kilo ŋgboŋ ana nɛ yawu kpakpaso be abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Yawu kpakpaso be asɔ nɛ a kɔ efɛa belbelso kikɛ daa maŋ walɛ fanɛ amo nɛ Shɛba be ewurche na ta m ba sa ewura Sɔlɔmɔn na.

1 Bewura 10:14

Kafɛ kikɛ ewura Sɔlɔmɔn daa nya shuwa kilo ŋgboŋ adunyɔ nɛ asa nna ashi lampo nɛ e bee sɔ to.

1 Bewura 10:21

Shuwa lela nɛ b daŋ ta n lɔŋɛ ewura Sɔlɔmɔn be asɔ nuunchu nɛ laŋ to be asɔjito nɛ a wɔ mbe laŋ to be ebugboŋ nɛ baa tre Lebanɔn be kupo na to. Ewura Sɔlɔmɔn be jemanɛ so, b daa maa keni gbiti a bɔlɔ kenishi ŋkpal shuwa ka daŋ chase kaplɛkama so.

1 Bewura 11:3

E daŋ ta bewura be mbichebi alfa ashunu a kil nsaa kɔ bejipo malɛ alfa asa. Bumo e daŋ shin nɛ e kini Ebɔrɛ.

1 Bewura 14:27

Ewura Rehoboam daŋ wora danyaŋ be asɔkuŋso nɛ baa keta a yɔ kena to na nna n tal shuwa peya na to nseŋ ta amo m bɔɔ bekumpo nɛ baa keni ewura be laŋ to be kabunagboŋ na so na enɔ.

1 Bewura 9:14

Ewura Hiram daŋ shin nna nɛ b ta shuwa nɛ amo be egbɛ sa fanɛ kilo ŋgboŋ ana nna n ya sa ewura Sɔlɔmɔn.

1 Bewura 9:28

Bumo nɛ ewura Sɔlɔmɔn be basa e daŋ bɔla nchu so n yɔ efuli nɛ baa tre Ɔfir na. B ka bɛta a ba, nɛ b bar ewura Sɔlɔmɔn shuwa nɛ amo be egbɛ sa fanɛ kilo ŋgboŋ kuduana.

1 Kronikɛls 25:1

Ewura Deevid nɛ Livaiebi be bejuŋkparpoana daŋ lara Asaf nɛ Heman nɛ Jedutum nna fanɛ b baa la bɔrɛlambu to be beshɛbompo. Bumo e naŋ baa laŋ ejaŋjilaŋ nɛ echakachaka nɛ egoji a maŋkura Ebɔrɛ nsaa juŋkpar basa a bunyaŋ Ebɔrɛ. Basa nɛ b lara fanɛ b baa juŋkpar basa a bunyaŋ Ebɔrɛ na be atre nde.

1 Kronikɛls 25:6

Heman e daa juŋkpar mbe mbia kuduana na nɛ baa laŋ echakachaka nɛ ejaŋjilaŋ a bunyaŋ Enyɛnpe Ebɔrɛ na ashi bɔrɛlambu na to. Ama ewura Deevid gbagba e daa ŋini Asaf nɛ Jedutum nɛ Heman bre kusɔ nɛ k daga fanɛ b wora.

2 Kronikɛls 9:11

Ewura Hiram nɛ ewura Sɔlɔmɔn be basa nɛ baa shuŋ nchu so na shi efuli nɛ baa tre Ɔfir na nna m bar ewura Sɔlɔmɔn shuwa nɛ ndibi nɛ baa tre junipa na nɛ abitasɔ.

Ɛzra 2:65

Nɛ bumo be nyɛrbi nɛ mbita malɛ daa la basa ŋgboŋ ashunu nɛ alfa asa nɛ adesa nɛ ashunu. Beshɛbompo malɛ daa la basa alfa anyɔ.

Kaŋinichiŋgeliŋ 1:2

Eŋinipo na yɛ, kusɔ kama na la fuloŋ nna kebaawɔtɔ ere to. Kebaawɔtɔ maŋ kɔ kifito kikɛ.

Danɛl 3:15

Men kaŋ baŋ nu mbel nɛ nlopi nɛ egoji nɛ ejirgo nɛ ejaŋjilaŋ nɛ alaŋsɔ be yiri kikɛ ka bee shu naniere, men jɔŋɛ m bunyaŋ kapɔrduli na. Men baŋ kini, meeŋ shin nɛ b ta menyi kikɛ n lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to, nseŋ keni kegbir mo nɛ k beeŋ tiŋ m mɔlga menyi ashi ma enɔ to.”

Danɛl 3:5

Men baŋ nu mbel nɛ nlopi nɛ ejaŋjilaŋ nɛ alaŋsɔ kikɛ be kushu, men jɔŋɛ shuwa be kapɔrduli nɛ ewura Nebukadneeza pɔr n yili na ase m bunyaŋ kumo.

Danɛl 3:7

Amoso eyiriana nɛ b shi efuli kikɛ so na ka nu alaŋsɔ be kushu nɛ b jɔŋɛ m bunyaŋ shuwa be kapɔrduli nɛ ewura Nebukadneeza pɔr n yili na.

Eemɔs 6:5

Kananɛ ewura Deevid ashi Jerusalɛm daa ta jaŋjilaŋ a laŋ a boŋ a wora nshɛ popɔr dra dra na, nɛ menyi alɛ gba bee sha kebaa wora.