Kaŋinichiŋgeliŋ 2:4 - EBƆRƐ BE KAWƆL

⁴ N wora asɔgboŋ damta. M pɔr nwu, nseŋ dɔ ndibisɔrso be adɔana.

Kaŋinichiŋgeliŋ 2:4 ပူးပေါင်းရင်းမြစ်များ

Jɛnesis 11:4

Kede be kaman nɛ b kaŋɛ le: “Naniere bre men shin nɛ an pɔr kadegboŋ n sa anyi be amu nseŋ pɔr ketempreŋ jeŋgreŋ n ya chute awɔlpa, saŋɛ na so, anyi be ketre beeŋ dii nɛ anyi maaŋ naŋ pesaŋ to a wɔ kasawule so kikɛ.”

2 Samuɛl 18:18

Jemanɛ nɛ Absalɔm daa wɔ ŋkpa to na, nɛ e yuu ndulgi be kejembu bewura be ketaŋɛ na to ŋkpal manɛ so e daa maŋ kɔ ebinyɛn nɛ e beeŋ baa wɔtɔ kanyiŋiso n sa mo. Amoso mbe ketre nɛ e daŋ ta n nase kejembu na. Hale m ba fo kabre baa tre ndoŋ nna Absalɔm be kapɔrduli be kakpa.

1 Bewura 15:19

“Shin nɛ anyi nɛ fo e wora kɔnɔkoŋwule fanɛ kananɛ an tutoana daŋ wora na. Gbiti nɛ shuwa ere bre la fo kakɛ nna. A daga fanɛ fo ku fo nɛ Israɛl be ewura Baasha be kɔnɔkoŋwule nɛ men kɔ na to, nɛ kumo be loŋ e shin nɛ e lara mbe benapo ashi ma kasawule so.”

1 Bewura 9:1

Ewura Sɔlɔmɔn ka pɔr bɔrɛlambu na nɛ ewura be laŋ na nɛ kusɔ kama nɛ e bee sha na n loge,

2 Kronikɛls 26:10

Mo alɛ daŋ m pɔr atempreŋ jeŋgreŋ nna ashi efuli na be kiyi to nseŋ kur edampu damta ŋkpal e ka kɔ asɔbɔya damta nɛ b wɔ epeŋitɔrkpa be kaba so be abee be efuli nɛ keplasawule so na so. Ŋkpal e ka bee sha kudɔ ga so, e daŋ leŋ basa na to nna fanɛ b baa dɔ ndibi nɛ baa tre greep na be adɔ ashi abee be efuli na so nsaa dɔ adɔjibi ndoŋ be kasawule lela na so.

2 Kronikɛls 8:11

Ewura Sɔlɔmɔn be eche nɛ e la Ijipt be ewura pibiche na, daŋ koso Jerusalɛm be kaba ko nɛ baa tre Deevid be kade to na nna n yɔ ewura be laŋ popɔr nɛ Sɔlɔmɔn pɔr na to. B ka daŋ ta Enyɛnpe Ebɔrɛ be ŋkre be deka na n ya yili Deevid be kade to na, kumo be loŋ e daŋ shin nɛ ewura be laŋ na ki cheembi nɛ ewura Sɔlɔmɔn be eche na maŋ naŋ tiŋ n chena kumo to.

Nshɛ 49:11

Hale b daa kɔ bumo gbagba be nsawule gba, nchaŋ e naŋ ki bumo pe mbaanaayɔ, nɛ b baa wɔ ndoŋ saŋkama.

Sɔlɔmɔn 1:14

N jipo, fo du nna fanɛ kedibi nɛ baa tre hena na be atoto ashi kudɔ nɛ k wɔ kade nɛ baa tre Engedi na to.

Sɔlɔmɔn 7:12

Shin nɛ an wule ŋ koso n ya keni, afeelebi nɛ a bee sɔr greeps na fara a futi a? Ŋko asɔrso nɛ baa tre pomegranates na bee wora atoto a? An kaŋ yɔ ndoŋ na nɛ meeŋ ŋini fo ma kasha.

Aizaaya 5:1

Men kaŋ asoe n nu kashɛ nɛ mee shin nɛ m boŋ n sa menyi ere. K la n teri ko nɛ mbe ndibi sɔrso be kudɔ be asheŋ be kashɛ nna. N teri na daa kɔ ndibi sɔrso be kudɔ nɛ k daa wɔ kepreŋsawule nɛ k bee wora asɔ nɛnɛ so nna.

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”