Kaŋinichiŋgeliŋ 2:3 - EBƆRƐ BE KAWƆL

³ Ŋ ka daa sha kanyiasheŋ ga so, n daŋ yili kumo nna fanɛ meeŋ ta nsa be kenuu n ji ma kumu. N daa fɛ fanɛ ekpa nɛ basa beeŋ bɔla so n ji ŋkpa shiimbi nɛ b kɔ kasawule ere so nna na.

Kaŋinichiŋgeliŋ 2:3 ပူးပေါင်းရင်းမြစ်များ

Jɛnesis 47:9

Nɛ Jeekɔb kaŋɛ Fɛɛro: “Nfɛ mo nɛ n ji a na a kilgi to durnya ere to wɔ nfɛ kalfa nɛ adesa. Loŋ be nfɛ na malɛ kikɛ la awurfoŋ be nfɛ nna, amo alɛ maŋ naa shi fanɛ kananɛ n tutoana nɛ n nanaana nɛ b daa na a kilgi to na be nfɛ daa shi na.”

Job be kawɔl 14:14

Nɛ esa baŋ wu, e maaŋ naŋ tiŋ m ba ŋkpa to. Amoso awurfoŋ nɛ mee ji ere kikɛ mee jo ma saŋɛ nna.

Nshɛ 104:15

nsaa nya yabra a nuu nɛ mbe kagbene bee fuli mo, mo alɛ naa nya ŋku a gbiti mbe anishito nɛ k bee nyɛkpɛ nsaa nya ajibi be yiri kikɛ a ji a nya eleŋ nɛ alenfia.

Aŋasa 20:1

Nsa bee ta esa nna a ki elushapo, a shin nɛ e bee nite a puchi. Esa kama nɛ nsa wɔ mo la ewulpo nna.

Kaŋinichiŋgeliŋ 1:17

N daŋ pere kenishi nna a shin nɛ m pin kebaawora asheŋ kanyiasheŋ so, mannɛ kawuliso. Ama n wu fanɛ afu nɛ mee ju a buu so.

Kaŋinichiŋgeliŋ 10:19

Kebaa ji nsaa nuu bee shin nɛ esa be kagbene bee fuli mo nna, ama amansherbi nɛ e beeŋ nya pɔɛŋ tiŋ n wora amo kikɛ.

Kaŋinichiŋgeliŋ 12:13

Ade kikɛ be kaman, kusɔ koŋwule e ka nɛ ŋ kaŋɛ. Baa ŋana Ebɔrɛ nsaa bɛ mbe mbraana so. Ŋkpal manɛ so, loŋ so nɛ Ebɔrɛ to dimɛdi bomin.

Kaŋinichiŋgeliŋ 2:24

Kusɔ nɛ ekama baa wora e la kebaa ta mbe kanya a ji a nuu nsaa ji mbe kumu. Ama ade kikɛ be nfɛra nɛ n fɛ nseŋ wu fanɛ amo kikɛ bee shi Ebɔrɛ kutɔ nna.

Kaŋinichiŋgeliŋ 5:18

Kusɔ nɛ n wu e la fanɛ, kusɔ lela mo nɛ dimɛdi daga kewora an be ŋkpa shiimbi nɛ Ebɔrɛ ta n sa anyi durnya ere to e la fanɛ an baa ta kusɔ kama nɛ an gben n nya a ji eyur. Kusɔ nɛ k baŋ daga dimɛdi kikɛ nna na.

Kaŋinichiŋgeliŋ 6:12

Nuso nɛ esa beeŋ tiŋ n wora m pin kusɔ nɛ k walɛ n sa anyi ashi ŋkpa shiimbi nɛ anyee ji durnya ere to, nɛ k bee choŋ fanɛ afu ere? Wanɛ e naŋ tiŋ ŋ kaŋɛ kusɔ nɛ k beeŋ wora mo echefoso saŋɛ so nɛ e lar durnya ere to? An kaŋ wu, nuso nɛ anyeeŋ wora m pin kusɔ nɛ k beeŋ wora anyi durnya mo nɛ anyeeŋ naŋ yɔ na to?

Kaŋinichiŋgeliŋ 7:18

Baa nite teteri a yɔ. Fo baa kɔ bunyaŋ a sa Ebɔrɛ asheŋ beeŋ nyalɛ n sa fo.

Kaŋinichiŋgeliŋ 7:25

Amoso n daŋ yili kumo nna fanɛ meeŋ ta ma kanyiasheŋ n fin asheŋ kpakpaso ere kikɛ be edesekpa, saŋɛ na so meeŋ koya kananɛ kulubi nɛ kawulisheŋ du.

Kaŋinichiŋgeliŋ 8:15

Ma ere so an baa ji anyi be amu, ŋkpal manɛ so, anyi be kebaawɔtɔ to be kagbenefuli kikɛ baa wɔ kebaaji a nuu nsaa ji eyur to nna. Kusɔ nɛ anyeeŋ tiŋ n wora kikɛ ashi kegben kama nɛ anyee gben kebaawɔtɔ nɛ Ebɔrɛ sa anyi durnya ere to e baa la na.

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.

Demujipoana 9:13

Nɛ kenyinyembidibi na kaŋɛ: “M maaŋ yige ma asɔrso nɛ mbia bee sha ga ere be kesɔr nseŋ ba ki menyi be ewura.”

1 Samuɛl 25:36

Abigɛl ka bɛta n yɔ nɛ mo kul Nabaal wɔ laŋ to a wora kejigboŋ fanɛ ewura ka wora kejigboŋ na. E daŋ boo nna le chil; ŋkpal loŋ so, Abigɛl daa maŋ kaŋɛ mo shɛŋ hale nɛ kare ya chɛ kachipurso.