Kaŋinichiŋgeliŋ 2:16 - EBƆRƐ BE KAWƆL

¹⁶ Esa kama maa nyiŋi benyiashempo nɛ bewulpo be asheŋ. K maaŋ chɛr nɛ b teŋ an kikɛ so. Bewulpo nɛ benyiashempo kikɛ beeŋ wu kachako.

Kaŋinichiŋgeliŋ 2:16 ပူးပေါင်းရင်းမြစ်များ

2 Samuɛl 3:33

Le nɛ Deevid daŋ shu ŋ karga awɔba ashi Abna be keeli to. “Abna, manɛ nna nɛ fo wu fanɛ ewulpo loŋ?

Nshɛ 103:16

ama afu baŋ chela amo so nɛ a bolo, n wu n tɔr nseŋ bɛ n luri kasawule to; nɛ esa maaŋ naŋ wu amo gba kuraa.

Nshɛ 49:10

Anyee wu benyiashempo nɛ bewulpo kikɛ ka bee wu; nɛ basa pɔtɛ e ta bumo be asɔ.

Nshɛ 88:12

B maa wu fo emamachisheŋ ashi kakpa nɛ k biri to mina; ŋko a nyi fo alelasheŋ be asheŋ ashi kakpa nɛ b maŋ naa nyiŋi shɛŋ be asheŋ.

Ɛksodɔs 1:6

B wɔtɔ loŋ nɛ Josɛf nɛ mo daana nɛ bumo be jemanɛ to ebi kikɛ wu n loge.

Ɛksodɔs 1:8

Ndoŋ nna nɛ esa popɔr ko nɛ e daa maŋ nyi Josɛf ba ji Ijipt be efuli so be kuwura.

Aŋasa 14:8

Enyiashempo be kanyiasheŋ e naa ŋini mo ekpa, ama ewulpo bre be kawuli bee fule mo nna n ya kaa lɛ.

Kaŋinichiŋgeliŋ 1:11

Esa kama maŋ wɔtɔ nseŋ naa nyiŋi kusɔ nɛ k wora n choŋ dra dra na. Esa kikɛ malɛ maaŋ naŋ nyiŋi kusɔ nɛ k beeŋ wora echefoso gba.

Kaŋinichiŋgeliŋ 2:14

Enyiashempo bre nyi kakpa nɛ e bee yɔ, ama ewulpo bre maŋ nyi kakpa nɛ e bee yɔ.” Kumo be lalaloge, enyiashempo nɛ ewulpo kikɛ sasa nna.

Kaŋinichiŋgeliŋ 2:15

Kede be kaman nɛ n fɛ fanɛ ketre jija nɛ bewulpo bee nya na, beeŋ ba ma alɛ gba so. Amoso ma kebaa la enyiashempo bre be kifito e la manɛ? Nɛ n yɛ “K maŋ la shɛŋ.”

Kaŋinichiŋgeliŋ 6:8

Hale fo kɔ kanyiasheŋ gba, fo maŋ bɔ ewulpo. Nɛ an la betirpo gba, kumo be loŋ maa ŋini nna fanɛ anyi maaŋ tiŋ n wora kusɔ nɛ k daga.

Kaŋinichiŋgeliŋ 7:2

Fo ka yɔ keelibuna bɔ fo ka yɔ kejigboŋ to; ŋkpal manɛ so, k yɔ keeli to bee nyiŋi anyi nna fanɛ ekama beeŋ wu kachako.

Kaŋinichiŋgeliŋ 8:10

N wu amukpakpaso wuraana ka wu nɛ b puli bumo bunyaŋ so, ama Ebɔrɛ bre be basa ka lar kade cheembi na to, epul to nɛ b teŋ bumo so. Kanyiasheŋ maŋ wɔ ade be kekama to.

Kaŋinichiŋgeliŋ 9:15

Etirpo ko daa wɔ kadebi na to a nyi asheŋ ga, nseŋ daŋ bɔla mbe kanyiasheŋ so m mɔlga kumo. Ama ekama daa maŋ naa nyiŋi mbe asheŋ.

Kaŋinichiŋgeliŋ 9:5

Kashenteŋto, basa nɛ b wɔ ŋkpa to nyi b ka beeŋ wu, ama basa nɛ b wu bre maŋ naa nyi shɛŋ. Kusɔ lela kikɛ maŋ naa wɔtɔ n sa bumo; bumo ere choŋ nna na, nɛ b teŋ bumo so.

Malakai 3:16

Ndoŋ nna nɛ bekama nɛ baa ŋana Enyɛnpe Ebɔrɛ na bee malga kumo be asheŋ nɛ Enyɛnpe na nu kusɔ nɛ b kaŋɛ na kikɛ nseŋ shin nɛ b sibɛ bumo nɛ baa ŋana mo nsaa sa mo bunyaŋ na be atre n wɔtɔ kawɔl to n nase kanyiŋi so.

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.