Kaŋinichiŋgeliŋ 2:11 - EBƆRƐ BE KAWƆL

¹¹ Ndoŋ nna nɛ n fɛ kusɔ nɛ n wora na be nfɛra nɛ kananɛ m pere kenishi n shuŋ ga be asheŋ, ama kumo be loŋ malɛ daŋ maŋ daga. Amo kikɛ daa du fanɛ k baa ju a bɛ afu so nna nɛ kumo alɛ be loŋ malɛ la fuloŋ.

Kaŋinichiŋgeliŋ 2:11 ပူးပေါင်းရင်းမြစ်များ

Jɛnesis 1:31

Ebɔrɛ ka keni asɔ nɛ e wora na kikɛ nɛ e wu fanɛ amo kikɛ walɛ ga. Ndoŋ nna nɛ kanyɛ biri nɛ kare chɛ ŋ ki kachɛ lelemu shesopo na.

Nshɛ 89:47

Baa nyiŋi fanɛ ma ŋkpa maŋ wɔ nteŋ. Fo to anyi nna nɛ an baa wɔ ŋkpa to gbrɛbi nseŋ wu!

Ɛksodɔs 39:43

Mosis ka keni asɔ nɛ basa na lɔŋɛ na kikɛ n loge na nɛ e wu fanɛ b wora kushuŋ na kananɛ Enyɛnpe Ebɔrɛ daŋ kaŋɛ na gbagba chap. Ndoŋ nna nɛ Mosis nɛfa bumo.

Kaŋinichiŋgeliŋ 1:14

Ŋ ka wu asheŋ nɛ a bee wora durnya ere to na, nɛ n yɛ; kusɔ kama maŋ kɔ tɔnɔ. K du nna fanɛ fo ka bee ju a bɛ afu so na.

Kaŋinichiŋgeliŋ 1:17

N daŋ pere kenishi nna a shin nɛ m pin kebaawora asheŋ kanyiasheŋ so, mannɛ kawuliso. Ama n wu fanɛ afu nɛ mee ju a buu so.

Kaŋinichiŋgeliŋ 1:3

Manɛ be tɔnɔ bre nɛ anyee nya kegben damta nɛ anyee gben ere to?

Kaŋinichiŋgeliŋ 3:9

Manɛ be tɔnɔ bre nɛ anyee nya kegben damta nɛ anyee gben ere to?

Kaŋinichiŋgeliŋ 5:10

Esa kama nɛ e bee sha amansherbi nɛ kedamaya ga, maa nya amansherbi a moɛ kikɛ. Asheŋ fuloŋ e la amo kikɛ.

Kaŋinichiŋgeliŋ 5:16

K daŋ maŋ daga fanɛ loŋ e wora kuraa! Kananɛ an ba loŋ nɛ anyeeŋ naŋ yɔ. Anyee shuŋ ga nna fanɛ an ka beeŋ tiŋ n ju afu m pɛ na, ama amo nɛ amo kikɛ manɛ b tɔnɔ nɛ anyee nya?

Habakuk 2:13

Efuliana nɛ men daŋ kɔ m pɔɔ so na be basa daŋ shuŋ ŋ gben jiga hale a bɛlɛ nna. Asɔ nɛ b gben m pɔr na kikɛ ji edɛ. Enyɛnpe Ebɔrɛ e shin nɛ loŋ wora na.

1 Timoti 6:6

Ama esa nɛ e wɔ abɔrɛsheŋ na be kebaawɔtɔ to nsaa shin nɛ asɔ nɛ e kɔ bee bɔlɔ mbe kenishi a kukwe mo na nawule e la damawura.