Kaŋinichiŋgeliŋ 2:10 - EBƆRƐ BE KAWƆL

¹⁰ Shɛŋ shɛŋ be kenya daa maŋ du ma so kpakpa. Kusɔ kama malɛ maŋ wɔtɔ nɛ k beeŋ tiŋ ŋ kuŋ ma ekpa nɛ m maaŋ wora kusɔ nɛ k beeŋ fuli ma kagbene. Kusɔ kama malɛ nɛ n daŋ wora na, daŋ bɔlɔ ma kenishi nna. Ma alɛ bee wu amo kikɛ fanɛ asɔ nɛ e la tɔnɔ n sa ma nna.

Kaŋinichiŋgeliŋ 2:10 ပူးပေါင်းရင်းမြစ်များ

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

Jɛnesis 6:2

Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil.

Job be kawɔl 31:1

Ma, Job bɔ ntaŋ n nase kɔnɔ fanɛ m maa ba nɛ ŋ keni eche kayɛlga so kikɛ.

Nshɛ 119:37

Lara ma lakal ashi asheŋ fuloŋ so; nseŋ shin nɛ ma kebaawɔtɔ e baa du fanɛ kananɛ fo kamalga bee ŋini na.

Nshɛ 128:2

E beeŋ ji mbe kegben be tɔnɔ; asheŋ beeŋ baa nite nɛnɛ a sa mo nɛ mbe kagbene e fuli mo.

Aŋasa 23:5

Ŋkpal manɛ so fo amansherbi beeŋ tiŋ n loge epul to, fanɛ kananɛ kusore beeŋ yili epul to n firgi n choŋ na.

Kaŋinichiŋgeliŋ 11:9

Kebifɔlbi, baa ji fo kumu kagbenefuliso, ŋkpal fo kebifɔlbi so. Baa wora fo kagbene be aparsheŋ kanaŋkama nɛ fee sha. Ama baa nyiŋi fanɛ Ebɔrɛ beeŋ yili kusɔ kama nɛ fo wora so n ji fo demu.

Kaŋinichiŋgeliŋ 2:1

N daŋ yili kumo nna fanɛ meeŋ ji ma kumu nseŋ fin kusɔ nɛ k la kagbenefuli, ama n wu fanɛ amo kikɛ maŋ la shɛŋ.

Kaŋinichiŋgeliŋ 2:22

Mannɛ bre be tɔnɔ nɛ an baa nya kegben damta nɛ anyee gben ere to?

Kaŋinichiŋgeliŋ 2:24

Kusɔ nɛ ekama baa wora e la kebaa ta mbe kanya a ji a nuu nsaa ji mbe kumu. Ama ade kikɛ be nfɛra nɛ n fɛ nseŋ wu fanɛ amo kikɛ bee shi Ebɔrɛ kutɔ nna.

Kaŋinichiŋgeliŋ 3:22

Amoso kusɔ nɛ n naaŋ pɛshɛ m pin e la fanɛ a daga an ka bee ji anyi be kegben be tɔnɔ ŋkpal manɛ so anyi maaŋ tiŋ m pin echefoso be asheŋ.”

Kaŋinichiŋgeliŋ 5:10

Esa kama nɛ e bee sha amansherbi nɛ kedamaya ga, maa nya amansherbi a moɛ kikɛ. Asheŋ fuloŋ e la amo kikɛ.

Kaŋinichiŋgeliŋ 5:17

Naniere bre tentembiri nɛ kebɔltofinfin nɛ kagbenejija nɛ agbo nɛ kulɔ be kebaawɔtɔ to nɛ an wɔ.

Kaŋinichiŋgeliŋ 5:18

Kusɔ nɛ n wu e la fanɛ, kusɔ lela mo nɛ dimɛdi daga kewora an be ŋkpa shiimbi nɛ Ebɔrɛ ta n sa anyi durnya ere to e la fanɛ an baa ta kusɔ kama nɛ an gben n nya a ji eyur. Kusɔ nɛ k baŋ daga dimɛdi kikɛ nna na.

Kaŋinichiŋgeliŋ 6:2

Ebɔrɛ beeŋ tiŋ n sa esa ko kedamaya nɛ kemaŋkura nɛ asɔ nseŋ naŋ sa mo kusɔ kama gba nɛ e bee sha n ti so, ama mo alɛ maaŋ ji amo be ebel. Efɔ ko e naŋ ba ji amo be ebel. Kumo alɛ be loŋ la asheŋ fuloŋ nna a maŋ walɛ.

Kaŋinichiŋgeliŋ 6:9

Shin nɛ kusɔ nɛ fo kɔ e baa bɔlɔ fo kenishi a chɔ fo ka beeŋ baa kɔ a fin kananɛ feeŋ ba nya ga saŋkama. K la asheŋ fuloŋ nna nɛ kumo alɛ be loŋ du fanɛ fo ka bee ju a bɛ afu so na.

Kaŋinichiŋgeliŋ 8:15

Ma ere so an baa ji anyi be amu, ŋkpal manɛ so, anyi be kebaawɔtɔ to be kagbenefuli kikɛ baa wɔ kebaaji a nuu nsaa ji eyur to nna. Kusɔ nɛ anyeeŋ tiŋ n wora kikɛ ashi kegben kama nɛ anyee gben kebaawɔtɔ nɛ Ebɔrɛ sa anyi durnya ere to e baa la na.

Kaŋinichiŋgeliŋ 9:6

Kasha nɛ yurkishi nɛ kukɔrkɔ kama nɛ b daa kɔ kikɛ choŋ nna na. B maaŋ naŋ tiŋ n ti basa so n wora asheŋ kasawule ere so kikɛ.

Kaŋinichiŋgeliŋ 9:9

Durnya to be kebaawɔtɔ maŋ kɔ tɔnɔ, amoso jemanɛ nɛ men wɔ ŋkpa nɛ Ebɔrɛ sa menyi to ere, fo nɛ fo eche nɛ fee sha na e baa ji menyi be amu nɛnɛ. Ŋkpal manɛ so, kusɔ nɛ k wɔtɔ n sa menyi ashi menyi be kegben kikɛ to nna na.

1 Jɔn 2:16

Ŋkpal manɛ so, asɔ nɛ a la durnya ere to be asɔ fanɛ asɔ nɛ dimɛdi be kapɔr lubi ere bee sha nɛ asɔ nɛ basa bee wu nsaa yɛlga nɛ durnya ere to be kamoowusheŋ kikɛ nyam maŋ shi Etuto na kutɔ, a la durnya ere to be asɔ nna.

Demujipoana 14:2

Nɛ Samsɔn bɛta n yɔ epe n ya kaŋɛ mo nio nɛ mo tuto le: “N ya wu Filistiche ko ashi Timna nɛ ma kagbene pɛ mo, amoso men ya sha mo n sa ma nɛ n ta.”