Kaŋinichiŋgeliŋ 2:1 - EBƆRƐ BE KAWƆL

¹ N daŋ yili kumo nna fanɛ meeŋ ji ma kumu nseŋ fin kusɔ nɛ k la kagbenefuli, ama n wu fanɛ amo kikɛ maŋ la shɛŋ.

Kaŋinichiŋgeliŋ 2:1 ပူးပေါင်းရင်းမြစ်များ

Jɛnesis 11:7

Amoso men shin nɛ an yɔ n ya wea bumo be ŋgbar na to, saŋɛ na so b maaŋ naa nu abar be ŋgbar.”

2 Bewura 5:5

Ndoŋ nna nɛ ewura na kaŋɛ mo le: “Kumo ere fo yɔ, meeŋ sa fo kawɔl nɛ fo ya sa Israɛl be ewura.” Nɛ Neeman ta gbiti be ndarbi ŋgboŋ adesa nɛ shuwa malɛ be ndarbi ŋgboŋ ashe nɛ ewajɛ lela malɛ be yiri yiri be mpɔ kudu m pɛ ekpa.

Nshɛ 10:6

Le nɛ baa kaŋɛ bumo be ŋgbene to: “Shɛŋ shɛŋ maaŋ tiŋ n wora anyi. Anyi be ŋgbene beeŋ baa fuli saŋkama. Asheŋ lubi maaŋ tu anyi kikɛ.”

Nshɛ 14:1

Ewulpo e naa kaŋɛ mbe kagbene to fanɛ Ebɔrɛ maŋ wɔtɔ. Loŋ be basa maa wora asheŋ nɛ a bee bɔla ekpa. Bumo be asheŋ woraso kikɛ la alubi nna. Bumo be ekama maa wora asheŋ lela.

Nshɛ 27:8

N yili ma kagbene to nna fanɛ meeŋ fin fo; amoso nɛ m pere kenishi nɛ n wu fo na.

Aŋasa 14:13

Esa beeŋ tiŋ m mushe nɛ mbe kagbene maŋ fuli mo n loge. Kagbenefuli malɛ baŋ loge, kagbenejija e naa bɛ so.

Kaŋinichiŋgeliŋ 11:9

Kebifɔlbi, baa ji fo kumu kagbenefuliso, ŋkpal fo kebifɔlbi so. Baa wora fo kagbene be aparsheŋ kanaŋkama nɛ fee sha. Ama baa nyiŋi fanɛ Ebɔrɛ beeŋ yili kusɔ kama nɛ fo wora so n ji fo demu.

Kaŋinichiŋgeliŋ 2:10

Shɛŋ shɛŋ be kenya daa maŋ du ma so kpakpa. Kusɔ kama malɛ maŋ wɔtɔ nɛ k beeŋ tiŋ ŋ kuŋ ma ekpa nɛ m maaŋ wora kusɔ nɛ k beeŋ fuli ma kagbene. Kusɔ kama malɛ nɛ n daŋ wora na, daŋ bɔlɔ ma kenishi nna. Ma alɛ bee wu amo kikɛ fanɛ asɔ nɛ e la tɔnɔ n sa ma nna.

Kaŋinichiŋgeliŋ 2:15

Kede be kaman nɛ n fɛ fanɛ ketre jija nɛ bewulpo bee nya na, beeŋ ba ma alɛ gba so. Amoso ma kebaa la enyiashempo bre be kifito e la manɛ? Nɛ n yɛ “K maŋ la shɛŋ.”

Kaŋinichiŋgeliŋ 2:25

Nuso bre nɛ esa beeŋ tiŋ a wɔtɔ a ji mbe kepar nsaa ji mbe kumu a ti so?

Kaŋinichiŋgeliŋ 7:4

Esa kama nɛ e bee chena a fɛ kagbenefuli nawule be asheŋ la ewulpo nna. Ama enyiashempo bre bee kaa chena nna a fɛ luwu be asheŋ.

Kaŋinichiŋgeliŋ 8:15

Ma ere so an baa ji anyi be amu, ŋkpal manɛ so, anyi be kebaawɔtɔ to be kagbenefuli kikɛ baa wɔ kebaaji a nuu nsaa ji eyur to nna. Kusɔ nɛ anyeeŋ tiŋ n wora kikɛ ashi kegben kama nɛ anyee gben kebaawɔtɔ nɛ Ebɔrɛ sa anyi durnya ere to e baa la na.

Aizaaya 5:5

Kusɔ nɛ meeŋ wora ma ndibi sɔrso be kudɔ na e la fanɛ, meeŋ lara kunji nɛ k kulti kumo na nseŋ bure egbal nɛ k bee kuŋ kumo na nna, nɛ kupuŋ to be asɔbɔya e ba ji ndibi sɔrso na nseŋ chichi amo so m mata kasawule.

Aizaaya 50:11

Menyi kama nɛ menyee kre men braana kemur be nia na, menyi gbagba be ŋkre e naaŋ mur menyi. Enyɛnpe Ebɔrɛ na beeŋ gberge menyi kusoe n shin nɛ men ji awurfoŋ.

Aizaaya 50:5

Enyɛnpe Ebɔrɛ na e shin nɛ m pin asheŋ to a maŋ lar mo kaman ŋko n shile mo na.

Luuk 12:19

Amo be kaman nɛ ŋ kaŋɛ ma kumu: Kumulelawura, feeŋ ta nfɛ damta nɛ fo kraa kɔ asɔ lela. Amoso, baa wɔtɔ boeŋ a ji a nuu nsaa ji fo kumu.’

Luuk 16:19

Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.

Luuk 16:23

Kachako nɛ damawura na malɛ wu nɛ basa ta mo n ya puli nɛ e yɔ edɛ to n ya kaa wɔ ebesa to nseŋ maŋ kumu so n wu Lazɔrɔs ka ya chena Eebraham be kekel so.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Jeems 4:13

Menyi nɛ menyee kaa kaŋɛ le: “Kabre ŋko echefo anyeeŋ yɔ le nɛ le be kade to n ya chena ndoŋ kafɛ n ji yawu n dii dama na” e nu nfe.

Jeems 5:1

To, damawuraana, men nu nfe. Men baa boŋ to a shu ŋkpal alemaŋkar be tɔrɔ nɛ k bee ba menyi so na so.

Jeems 5:5

Asɔ lela nɛ ebel be keji to nɛ men baa wɔ durnya ere to. Men daŋ nna a du fanɛ ana nɛ b bela nɛ a daŋ nɛ b kɔ a yɔ nɛ b ya mɔ na nna.