Kaŋinichiŋgeliŋ 11:8 - EBƆRƐ BE KAWƆL

⁸ Nfɛ kama nɛ esa beeŋ ji durnya ere to, e shin nɛ mbe kagbene e fuli amo be kekama so. Ama e baa nyiŋi fanɛ nfɛ nɛ e beeŋ ji luwu be kaman chɔ amo nɛ e beeŋ ji durnya to. Shɛŋ maŋ wɔtɔ nɛ esa beeŋ tiŋ n ta mbe yirda n to kumo so.

Kaŋinichiŋgeliŋ 11:8 ပူးပေါင်းရင်းမြစ်များ

Job be kawɔl 10:21

K maaŋ chɛr ko nɛ n wu n yɔ nsaa maŋ naŋ bɛta m ba. Mee yɔ kakpa nɛ tentembiri plɔ wɔ nna, kakpa nɛ tama kikɛ maŋ naa wɔtɔ n esa na. Ndoŋ be kefulto e du fanɛ tentembiri na.

Job be kawɔl 14:10

Ama anyi edimɛdi kɔr ndibi to, an baŋ wu asheŋ loge.

Job be kawɔl 14:12

Anyi edimɛdi malɛ baaŋ wu, anyi maaŋ naŋ koso kikɛ, hale nɛ durnya e fo ekar.

Job be kawɔl 15:23

Baaŋ baa kulti a fin ajibi fanɛ ejita, bumo alɛ nsaa nyi fanɛ tentembiri be kachɛ na taga to.

Job be kawɔl 18:18

B lar basa keniso be kasawule so nna na, nɛ k wora fanɛ b ka lar kefulto to n ya luri tentembiri to na.

Nshɛ 49:20

Dimɛdi be eyilikpa kikɛ beeŋ choŋ, nɛ e wu fanɛ kusɔbɔya na.

Kaŋinichiŋgeliŋ 11:2

Baa chige fo asɔ to a sa basa be yiri yiri damta, ŋkpal manɛ so, fo maaŋ tiŋ m pin jemanɛ nɛ kumu lubi beeŋ tu fo.

Kaŋinichiŋgeliŋ 2:15

Kede be kaman nɛ n fɛ fanɛ ketre jija nɛ bewulpo bee nya na, beeŋ ba ma alɛ gba so. Amoso ma kebaa la enyiashempo bre be kifito e la manɛ? Nɛ n yɛ “K maŋ la shɛŋ.”

Kaŋinichiŋgeliŋ 2:17

Ŋkpal loŋ so kebaawɔtɔ nɛ n wɔtɔ ere daa maŋ naa la shɛŋ ŋ kutɔ ŋkpal manɛ so k maŋ bar ma tɔnɔ kikɛ ama asheŋ nawule. Kebaadu fanɛ kebaa ju a buu afu so nna.

Kaŋinichiŋgeliŋ 2:19

Feeŋ tiŋ m pin fanɛ enyiashempo ŋko ewulpo e naaŋ baa la loŋ be esa a? Ama loŋ be esa e naaŋ ba ji kusɔ kama nɛ fo gben n nya na be tɔnɔ. Kusɔ kama nɛ n ta ma kanyiasheŋ n fin n nya durnya ere to kikɛ baa la fuloŋ nna.

Kaŋinichiŋgeliŋ 2:26

Ebɔrɛ bee ta kanyiasheŋ nɛ kenyi nɛ kagbenefuli nna a sa bekama nɛ baa wora mbe aparsheŋ. Ama belubiworapo bre, e bee shin nna nɛ baa shuŋ a nya asɔ a yili, nɛ bekama nɛ baa wora Ebɔrɛ be aparsheŋ na e ba ji amo be kapetɛ. Ade kikɛ la asheŋ fuloŋ nna. A du nna fanɛ kebaa ju a bɛ afu so.

Kaŋinichiŋgeliŋ 4:16

Ashere basa nɛ ewura bee juŋkpar na shibi ga n baŋ so ama kachɛ nɛ e kaŋ wu, ekama maaŋ baa wɔtɔ nɛ e lar ŋ kpaŋ mo. Ade kikɛ la asheŋ fuloŋ nna. A du nna fanɛ esa ka ju a bɛ afu so na.

Kaŋinichiŋgeliŋ 4:8

Kanyɛn ko e daa wɔtɔ; a maŋ kɔ ebi, mo alɛ daa maŋ kɔ ekurgepo kikɛ. E daŋ baa wɔ kushuŋ to nna saŋkama, ama mo alɛ be kenishi daa maa bɔlɔ kusɔ nɛ e bee nya so. Nɛ e yɛ: “Wanɛ bre so nɛ mee gben le saŋkama, nsaa maaŋ tiŋ n ta ma kegben n ji ma kumu gba ere?” Le be kesheŋ ere gba maŋ kɔ kifito, kumo alɛ nseŋ naa la kagbenejija ga be asheŋ!

Kaŋinichiŋgeliŋ 6:11

Esa baa malga ga, mbe mmalga maŋ naa kɔ kifito, amo alɛ maŋ kɔ kechɛto n sa esa kikɛ.

Kaŋinichiŋgeliŋ 6:6

a chɔ esa nɛ e ji nfɛ ŋgboŋ anyɔ nsaa maŋ ji durnya ere to be ebel. Kashenteŋ nna fanɛ bumo kikɛ bee yɔ kakpa koŋwule bre nna.

Kaŋinichiŋgeliŋ 7:14

Nɛ asheŋ baa nite nɛnɛ, shin nɛ fo kagbene e baa fuli fo, nɛ asheŋ maŋ naa nite nɛnɛ malɛ, ba nyi fanɛ Ebɔrɛ e naa sa ekpa nɛ asheŋ lela nɛ asheŋ lubi bee tu esa. Amoso ekama maŋ nyi kusɔ nɛ k beeŋ wora echefoso.

Kaŋinichiŋgeliŋ 8:12

Kumukpakpasowura beeŋ tiŋ n wora alubi kalfa nseŋ kraŋ ji efute n chɛr, ama n nyi fanɛ asheŋ beeŋ nite nɛnɛ n sa esa nɛ e bee ŋana Ebɔrɛ nsaa wora mo kasonu na.

Kaŋinichiŋgeliŋ 8:15

Ma ere so an baa ji anyi be amu, ŋkpal manɛ so, anyi be kebaawɔtɔ to be kagbenefuli kikɛ baa wɔ kebaaji a nuu nsaa ji eyur to nna. Kusɔ nɛ anyeeŋ tiŋ n wora kikɛ ashi kegben kama nɛ anyee gben kebaawɔtɔ nɛ Ebɔrɛ sa anyi durnya ere to e baa la na.

Kaŋinichiŋgeliŋ 9:7

Baa ji a nuu kagbenefuliso! Kusɔ nɛ Ebɔrɛ yili dra kikɛ fanɛ fo baa wora nna na.

Jɛremaya 13:16

Men baa maŋkura Enyɛnpe menyi be Ebɔrɛ na; saŋɛ na so e maaŋ shin nɛ tentembiri e ba menyi so nɛ men baa nite a fiti a tɔr abee so. Men baa maŋkura mo, saŋɛ na so e maaŋ shin nɛ kefulto nɛ menyee tama na e ki tentembiri mina n sa menyi.

Jowɛl 2:2

Loŋ be kachɛ na beeŋ biri to le tuum nseŋ bar kagbenejija damta. Kamɔnchɛ beeŋ ba kaa la kachɛ nɛ kusɔ kama beeŋ biri to nna nɛ bɔrɛwɔlpa e biri n sɔ kaplɛkama. Benapo lempo be katuŋgboŋ na beeŋ salga to n sɔ abee na so. Le be kesheŋ ere maŋ naŋ wora ŋ ku so kikɛ, kumo alɛ maaŋ naŋ wora kikɛ mbaanaayɔ.

Matiu 22:13

Ndoŋ nna nɛ ewura na kaŋɛ mbe nyɛrbi le: ‘Men kre mbe enɔ nɛ aya nseŋ ta mo ŋ kpa kowu, tentembiri to plɔ. Ndoŋ nɛ basa wɔtɔ a shu nsaa we anyi to na.’

Baru lela nɛ Jɔn kute na 12:35

Nɛ Yesu kaŋɛ bumo: “Kefulto na maaŋ naŋ chɛr menyi kutɔ. Amoso, men ka kraa kɔ kumo menyi to ere bre, men baa na kumo to, saŋɛ na so, tentembiri maaŋ luri menyi to. Esa kama nɛ e na tentembiri to maa pin kakpa nɛ e bee yɔ.

Ditɛronɔmi 32:29

B maaŋ tiŋ m pin kusɔ nɛ k ba nɛ b kɔ n tɔr, bumo alɛ maaŋ tiŋ m pin kananɛ asheŋ na beeŋ loge to gba.

Juud 1:18

B daŋ kaŋɛ menyi fanɛ: “Lalaloge be nchɛ na kaŋ fo, basa beeŋ lar n wora menyi eyurto, basa nɛ baaŋ ba kaa bɛ bumo gbagba be kabɔrɛkiniso be ayɛlgasɔ lubiana so.”