Kaŋinichiŋgeliŋ 11:5 - EBƆRƐ BE KAWƆL

⁵ Kananɛ fo maaŋ tiŋ m pin ekpa nɛ afu bee bɔla so a ba, ŋko kananɛ kebia bee wora a daŋ mo nio be epun to na, a loŋ nɛ fo maaŋ tiŋ m pin Ebɔrɛ nɛ e to kusɔ kikɛ na be kasheŋwora to.

Kaŋinichiŋgeliŋ 11:5 ပူးပေါင်းရင်းမြစ်များ

Baru lela nɛ Jɔn kute na 3:8

An ta fanɛ afu le. Kaplɛkama nɛ afu bee sha, ndoŋ nɛ a bee ber a yɔ. Feeŋ tiŋ n nu amo be egbri, ama fo maaŋ tiŋ m pin kakpa nɛ a shi ŋko kakpa nɛ a bee yɔ. To, loŋ gbagba malɛ nɛ k du n sa esa kama nɛ e nya kakurge ashi Kiyoyu na kutɔ.”

Nshɛ 92:5

O Enyɛnpe Ebɔrɛ, fee wora asheŋgboŋ pasaa, fo nfɛra fɛso malɛ du chiŋgeliŋ alegaiso!

Kaŋinichiŋgeliŋ 8:17

Ndoŋ nna nɛ n wu kusɔ kama nɛ Ebɔrɛ wora nseŋ pin to fanɛ esa kikɛ maaŋ tiŋ m pin asheŋ nɛ a bee wora ere to. Dimɛdi wora ania kanaŋkama, e maaŋ tiŋ m pin amo be afito. Hale enyiashempo kaŋɛ fanɛ e nyi asheŋ kanaŋkama gba, e maaŋ tiŋ m pin amo to.

Romebi 11:33

Kashenteŋto, Ebɔrɛ be alelasheŋ shi pasaa. Mbe nfɛra nɛ mbe kashennyi shi kashenteŋto. Wanɛ e naaŋ tiŋ m pin asheŋ nɛ e bee yili to ŋ kute ŋko m pin mbe asheŋ woraso to?

Aizaaya 40:28

Menyi maŋ nyi a? Menyi alɛ maŋ naŋ nu a? Fanɛ Enyɛnpe na e la Ebɔrɛ nɛ e wɔtɔ mbaanaayɔ; mo e to durnya kikɛ. E maa shuŋ a gben ŋko a gben a chul to kikɛ. Esa kikɛ malɛ maaŋ tiŋ m pin mbe nfɛra to.

Nshɛ 104:24

Enyɛnpe Ebɔrɛ, kanyiasheŋ so nɛ fo bɔla n to asɔ damta. Fo asɔ to so nɛ e kɔ ŋkpa sɔ kasawule so kikɛ nna.

Kaŋinichiŋgeliŋ 7:24

Nuso nɛ esa beeŋ tiŋ m pin kebaawɔtɔ ere be asheŋ to? Kumo be kepinto du kpakpa ga nsaa du chiŋgeliŋ.

Nshɛ 40:5

Enyɛnpe Ebɔrɛ, fo wora emamachisheŋ damta. Ŋkre nɛ fo kɔ n sa anyi shi m pɔɔ anyi be nfɛra so. Esa kama maŋ du fanɛ fo. M maaŋ tiŋ ŋ kute fo asheŋ woraso kikɛ.

Job be kawɔl 38:4

Ŋ ka daa nase durnya be gbaltɔlase na, nɛ fo daa wɔtɔ a?

Job be kawɔl 37:23

Ebɔrɛ be eleŋgboŋ na shi ga, anyi alɛ maaŋ tiŋ n wu mo kenishiso. Ama mo alɛ niŋi nna nsaa maa kpɛa edimɛdi to.

Job be kawɔl 5:9

Anyi maaŋ tiŋ m pin asheŋ nɛ Ebɔrɛ bee wora to. Mo alɛ be emamachisheŋ maŋ kɔ ekar.

Kaŋinichiŋgeliŋ 1:6

Afu bee ber a yɔ kelargato to be kaseto be kaba so nsaa ber a yɔ kelargato be esoso be kaba so, a chambɔ loŋ a kulti.

Kaŋinichiŋgeliŋ 1:13

N wora ania fanɛ meeŋ koya nseŋ pin kusɔ kama nɛ k bee wora durnya ere to. Ama Ebɔrɛ shin nɛ k ki kpakpa n sa anyi edimɛdi.

Kaŋinichiŋgeliŋ 3:10

N nyi esulɔ nɛ Ebɔrɛ ta n deŋi dimɛdi so.

Kaŋinichiŋgeliŋ 3:11

Mo e yili jemanɛ nɛ k daga n sa kusɔ kikɛ. Mo e sa anyi nfɛra nɛ anyee pin kusɔ nɛ k beeŋ wora echefoso. Amo nɛ amo kikɛ an kra maa pin mbe nfɛra chiŋgeliŋ na to a loge.

Kaŋinichiŋgeliŋ 11:4

Esa kama nɛ e bee sha fanɛ afu e baa nite nɛnɛ nɛ kakpa e kpeta to nɛnɛ pɔɛŋ nɛ e dɔ, maaŋ tiŋ n dɔ n duu n teŋi shɛŋ.