Kaŋinichiŋgeliŋ 10:1 - EBƆRƐ BE KAWƆL

¹ Kananɛ ashushombi bee wu a wɔtɔ tulale to nɛ amo be efɛa bee chɛrga na, aloŋ nɛ kawuli fimbi kikɛ bee jija esa be kanyiasheŋ nɛ kemaŋkura.

Kaŋinichiŋgeliŋ 10:1 ပူးပေါင်းရင်းမြစ်များ

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

Nehemaya 13:26

Ebɔrɛ daŋ sha Israɛl be ewura Sɔlɔmɔn ga nseŋ daŋ shin nɛ durnya to kikɛ be ewura kikɛ maŋ fo mo so, ama beche pɔtɛ nɛ e ta na daŋ shin nɛ e shuŋ agbir nseŋ tɔr kulubi to nna.

Nehemaya 6:13

B daŋ ber mo paa nna fanɛ e funti ma nɛ n wora kulubi, saŋɛ na so ma ketre beeŋ jija nɛ anishinyɔr e pɛ ma.

Job be kawɔl 6:3

A shi a chɔ teku ase be shishɛr; amoso nɛ n daa maŋ fɛ nfɛra pɔɛŋ nseŋ malga na.

Kaŋinichiŋgeliŋ 9:18

Kanyiasheŋ kɔ kechɛto a chɔ kena to be akɔsɔ, ama kulubi koŋwule bee jija alela damta nna.

Heegai 2:12

Nɛ fanɛ esa pɛ mbe piŋi tenteŋ be kɔnɔso m bɔɔ eblaŋ nɛ k du cheembi ŋkpal b ka ta kumo n lara sarga n sa Ebɔrɛ so, nɛ piŋi tenteŋ na beta bodobodo ŋko ajibi daŋɛso ŋko yabra ŋko ajibi pɔtɛ ko, loŋ beeŋ tiŋ n shin nɛ amo alɛ gba e ki cheembi a?” Ndoŋ nna nɛ bɔrɛmatapoana na kaŋɛ: “Ayai, loŋ maaŋ tiŋ n wora.”

Heegai 2:13

Ndoŋ nna nɛ Heegai bishi bumo, “Nɛ fanɛ esa wora eyurpi ŋkpal e ka beta ebuni so nseŋ beta ajibi, loŋ be ajibi na gba wora eyurpi a?” Nɛ bɔrɛmatapoana na kaŋɛ, “Mm, a wora eyurpi.”