Kaŋinichiŋgeliŋ 1:9 - EBƆRƐ BE KAWƆL

⁹ Kusɔ kama nɛ k bee wora naniere daŋ chɛr n wora dra dra kikɛ nna. Shɛŋ shɛŋ maŋ la asheŋ popɔr ashi kasawule ere so.

Kaŋinichiŋgeliŋ 1:9 ပူးပေါင်းရင်းမြစ်များ

Kaŋinichiŋgeliŋ 1:10

Men keni! Kusɔ ko wɔtɔ nɛ esa beeŋ tiŋ ŋ kaŋɛ fanɛ kumo alɛ naa la asheŋ popɔr a? M-m. Asheŋ ere kikɛ wora dra dra kikɛ nna pɔɛŋ nɛ b kurge anyi.

Kaŋinichiŋgeliŋ 2:12

Kusɔ kama nɛ ewura kama nɛ e juŋkpar ma wora, ma alɛ gba tiŋ n wora kumo. Amoso n daŋ fara nna a fɛ kusɔ nɛ k la kanyiasheŋ nɛ kebalto nɛ kawulisheŋ.

Kaŋinichiŋgeliŋ 3:15

Kusɔ kama nɛ k teŋ n wora kabre nɛ kumo nɛ k beeŋ wora echefoso kikɛ teŋ wora nna ŋ ku so. Ebɔrɛ shin nna nɛ loŋ be asheŋ koŋwule na kra wora hale kabre.

Kaŋinichiŋgeliŋ 6:10

Kusɔ kama nɛ k bee wora kabre ere daŋ chɛr wora dra dra kikɛ nna. Anyi edimɛdi nyi kusɔ nɛ k la anyi. Anyi alɛ maaŋ tiŋ n ji Ebɔrɛ emɔrɔ ŋkpal manɛ so e kɔ eleŋ a chɔ anyi ga.

Kaŋinichiŋgeliŋ 7:10

K maŋ daga fanɛ fo baa kaŋɛ le: “Manɛ nna nɛ dra na bɔ kabre?” K maŋ la kanyiasheŋ be kamalga.

Aizaaya 43:19

Men baa keni kusɔ popɔr nɛ meeŋ wora na ekpa. K tea wora gba! Menyeeŋ tiŋ n wu kumo naniere! Meeŋ wora ekpa keshishɛrsawule so nseŋ shin nɛ men nya mbombi ashi kasawule wɔlso so.

Jɛremaya 31:22

Saŋɛ mo nɛ menyeeŋ chɛrga a ji kashenteŋ? Kachako meeŋ shin nɛ asheŋ e baa kɔr to, kumo e la fanɛ eche ka beeŋ baa kuŋ enyɛn.”

2 Pita 2:1

Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.

Kelaraŋŋini 21:1

Ndoŋ nna nɛ n wu ebɔrɛso popɔr nɛ kasawule popɔr, ŋkpal manɛ so, ebɔrɛso dra na nɛ kasawule dra na daa maŋ naa wɔtɔ nɛ etekuana malɛ gba daa maŋ naa wɔtɔ.

Kelaraŋŋini 21:5

Nɛ emo nɛ e daa tase kuwurputi na so na kaŋɛ le: “Mee ta kusɔ kama nna a ki kepopɔr.” Kumo be kaman nɛ e naŋ kaŋɛ ma le: “Sibɛ asɔ ere n nase, ŋkpal manɛ so, a la mmalga mo nɛ a la kashenteŋ nna nseŋ naa la asɔ nɛ baaŋ tiŋ n yirda.”