Kaŋinichiŋgeliŋ 1:2 - EBƆRƐ BE KAWƆL

² Eŋinipo na yɛ, kusɔ kama na la fuloŋ nna kebaawɔtɔ ere to. Kebaawɔtɔ maŋ kɔ kifito kikɛ.

Kaŋinichiŋgeliŋ 1:2 ပူးပေါင်းရင်းမြစ်များ

Job be kawɔl 11:12

Keshin nɛ ewulpo e pin asheŋ du kpakpa a chɔ keshin nɛ kurma kpeŋso e nu n sa esa.

Nshɛ 144:4

Dimɛdi baa du fanɛ afu futeso nna; mbe nchɛ bee choŋ nna fanɛ kiyoyul.

Nshɛ 89:47

Baa nyiŋi fanɛ ma ŋkpa maŋ wɔ nteŋ. Fo to anyi nna nɛ an baa wɔ ŋkpa to gbrɛbi nseŋ wu!

Kaŋinichiŋgeliŋ 11:10

Sa maŋ shin kusɔ kama e baa fɔŋ fo ŋko a tɔrɔ fo ashi fo kagbene to, ŋkpal manɛ so, kebifɔlbiya nɛ kumo be asheŋ woraso maa chɛr nsaa choŋ.

Kaŋinichiŋgeliŋ 11:8

Nfɛ kama nɛ esa beeŋ ji durnya ere to, e shin nɛ mbe kagbene e fuli amo be kekama so. Ama e baa nyiŋi fanɛ nfɛ nɛ e beeŋ ji luwu be kaman chɔ amo nɛ e beeŋ ji durnya to. Shɛŋ maŋ wɔtɔ nɛ esa beeŋ tiŋ n ta mbe yirda n to kumo so.

Kaŋinichiŋgeliŋ 12:8

Eŋinipo na yɛ: “Shɛŋ shɛŋ maŋ kɔ kifi to! Shɛŋ maŋ kɔ tɔnɔ! Amo kikɛ la fuloŋ nna.”

Kaŋinichiŋgeliŋ 2:11

Ndoŋ nna nɛ n fɛ kusɔ nɛ n wora na be nfɛra nɛ kananɛ m pere kenishi n shuŋ ga be asheŋ, ama kumo be loŋ malɛ daŋ maŋ daga. Amo kikɛ daa du fanɛ k baa ju a bɛ afu so nna nɛ kumo alɛ be loŋ malɛ la fuloŋ.

Kaŋinichiŋgeliŋ 2:15

Kede be kaman nɛ n fɛ fanɛ ketre jija nɛ bewulpo bee nya na, beeŋ ba ma alɛ gba so. Amoso ma kebaa la enyiashempo bre be kifito e la manɛ? Nɛ n yɛ “K maŋ la shɛŋ.”

Kaŋinichiŋgeliŋ 2:17

Ŋkpal loŋ so kebaawɔtɔ nɛ n wɔtɔ ere daa maŋ naa la shɛŋ ŋ kutɔ ŋkpal manɛ so k maŋ bar ma tɔnɔ kikɛ ama asheŋ nawule. Kebaadu fanɛ kebaa ju a buu afu so nna.

Kaŋinichiŋgeliŋ 2:19

Feeŋ tiŋ m pin fanɛ enyiashempo ŋko ewulpo e naaŋ baa la loŋ be esa a? Ama loŋ be esa e naaŋ ba ji kusɔ kama nɛ fo gben n nya na be tɔnɔ. Kusɔ kama nɛ n ta ma kanyiasheŋ n fin n nya durnya ere to kikɛ baa la fuloŋ nna.

Kaŋinichiŋgeliŋ 2:21

Ŋkpal manɛ so, fo ka beeŋ ta fo nfɛra nɛ kanyiasheŋ nɛ fo enɔ to be ku shuŋ be kenyi kikɛ n shuŋ n sa esa nɛ e maŋ gben bee ŋini asheŋ fuloŋ nna nɛ kumo alɛ be loŋ maŋ walɛ.

Kaŋinichiŋgeliŋ 2:23

Fo ka baa wɔ ŋkpa to ere bre kusɔ kama nɛ fee wora baa la fuloŋ nna. Kusɔ nɛ fee nya kumo to e baa la kagbene jija nɛ ebesa; hale kanyɛso gba fo maaŋ nya n di.

Kaŋinichiŋgeliŋ 2:26

Ebɔrɛ bee ta kanyiasheŋ nɛ kenyi nɛ kagbenefuli nna a sa bekama nɛ baa wora mbe aparsheŋ. Ama belubiworapo bre, e bee shin nna nɛ baa shuŋ a nya asɔ a yili, nɛ bekama nɛ baa wora Ebɔrɛ be aparsheŋ na e ba ji amo be kapetɛ. Ade kikɛ la asheŋ fuloŋ nna. A du nna fanɛ kebaa ju a bɛ afu so.

Kaŋinichiŋgeliŋ 2:8

N daŋ chala shuwa nɛ gbiti ashi nsawule pɔtɛ nɛ mee ji amo so kuwura na be bewura be ekpanjawu to nna. Bumo be benyɛn nɛ beche kikɛ daŋ boŋ nshɛ nna n deŋi ma anishi to nɛ n nya beche nɛ mee sha ndoŋ.

Kaŋinichiŋgeliŋ 3:19

Ŋkpal manɛ so asɔbɔya nɛ edimɛdi kikɛ la asɔ futeso nna. Bumo kikɛ la asɔ nɛ baa fute nna nseŋ naa la asɔ nɛ baa wu. Amoso dimɛdi maŋ bɔ kusɔbɔya ŋkpal manɛ so ŋkpa nɛ an kɔ ere maŋ kɔ kifito.

Kaŋinichiŋgeliŋ 4:16

Ashere basa nɛ ewura bee juŋkpar na shibi ga n baŋ so ama kachɛ nɛ e kaŋ wu, ekama maaŋ baa wɔtɔ nɛ e lar ŋ kpaŋ mo. Ade kikɛ la asheŋ fuloŋ nna. A du nna fanɛ esa ka ju a bɛ afu so na.

Kaŋinichiŋgeliŋ 4:4

Kumo be kaman nɛ n naaŋ pɛshɛ m pin kusɔ nɛ k ba nɛ basa bee pere kenishi a shuŋ ga nɛ b dii dama. Amo kikɛ to nɛ n wu fanɛ an ka bee besa abar eyur so nɛ k du loŋ. Ama amo kikɛ la fuloŋ nna. K du fanɛ fo ka ju a bɛ afu so nna.

Kaŋinichiŋgeliŋ 4:8

Kanyɛn ko e daa wɔtɔ; a maŋ kɔ ebi, mo alɛ daa maŋ kɔ ekurgepo kikɛ. E daŋ baa wɔ kushuŋ to nna saŋkama, ama mo alɛ be kenishi daa maa bɔlɔ kusɔ nɛ e bee nya so. Nɛ e yɛ: “Wanɛ bre so nɛ mee gben le saŋkama, nsaa maaŋ tiŋ n ta ma kegben n ji ma kumu gba ere?” Le be kesheŋ ere gba maŋ kɔ kifito, kumo alɛ nseŋ naa la kagbenejija ga be asheŋ!

Kaŋinichiŋgeliŋ 5:10

Esa kama nɛ e bee sha amansherbi nɛ kedamaya ga, maa nya amansherbi a moɛ kikɛ. Asheŋ fuloŋ e la amo kikɛ.

Kaŋinichiŋgeliŋ 6:11

Esa baa malga ga, mbe mmalga maŋ naa kɔ kifito, amo alɛ maŋ kɔ kechɛto n sa esa kikɛ.

Romebi 8:20

Ŋkpal manɛ so, b yili kumo nna fanɛ kepɔrso kikɛ e sa maa kɔ tɔnɔ kikɛ, mannɛ ŋkpal kepɔrso na gbagba be keparso, ama ŋkpal Ebɔrɛ nɛ e yili kumo loŋ na be katiŋ so.