Kaŋinichiŋgeliŋ 1:16 - EBƆRƐ BE KAWƆL

¹⁶ Nɛ ŋ kaŋɛ ma kumu le: “Naniere bre ŋ ki bunyaŋ be esagboŋ nna nsaa nyi asheŋ malɛ a chɔ esa kama nɛ e juŋkpar ma n ji kuwura ashi Jerusalɛm to. Amoso n nyi kusɔ nɛ baa tre kanyiasheŋ nɛ kenyi.”

Kaŋinichiŋgeliŋ 1:16 ပူးပေါင်းရင်းမြစ်များ

Kaŋinichiŋgeliŋ 2:9

Jerusalɛm ka jɔŋɛ kikɛ m ba fo ma jemanɛ so, esa kama daa maŋ wɔtɔ nɛ mbe eyilikpa fo meya so, ma alɛ daa kɔ kanyiasheŋ malɛ gba.

1 Bewura 4:30

Ewura Sɔlɔmɔn daa kɔ kanyiasheŋ a chɔ epeŋilarkpa be kaba so be benyiashempo nɛ Ijipt be efuli so be benyiashempo kikɛ.

1 Bewura 10:7

N daa maŋ yirda kumo be loŋ ama ŋ gbagba ka ba wu kumo be kashenteŋ ere pɔɛŋ nɛ n yirda. N daŋ maŋ nu fo kanyiasheŋ nɛ fo kedamaya ere be asheŋ be bargato gba. Naniere kusɔ nɛ n nu ere chɔ kananɛ n nu kumo be asheŋ basa kutɔ na ga.

Hibruwebi 5:14

Ama ajibi gbɛgbɛso bre la basa kpar nɛ bumo gbagba koya nsaa nyi kelela nɛ kulubi to na peya nna.

Nshɛ 4:4

Men ta kufu nɛ kechicha chicha n lar men be alubi to. Men keni men be ŋgbene to nɛnɛ, saŋɛ nɛ men nawule dese kelaŋ so na.

2 Kronikɛls 2:12

Kemaŋkura e baa la Enyɛnpe Ebɔrɛ nɛ e la Israɛl be Ebɔrɛ nɛ esoso nɛ kasawule kikɛ be etopo na peya! Mo e sa ewura Deevid ebinyɛn nyiashempo nɛ e kɔ asheŋ be kepinto nɛ kasheŋwora be kenyi nsaa sha kepɔr bɔrɛlambu n sa Enyɛnpe Ebɔrɛ nɛ ewura be laŋ n sa mbe kumu.

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Nshɛ 77:6

Mee nyiŋi kanyɛso kikɛ be nshɛ nɛ n daa boŋ, nsaa fɛ nfɛra ga na nna, a bishi ma kumu le:

2 Bewura 5:20

nɛ anebi Elaisha be kayɛrbi Gehazi fɛ mbe kumu to le: “Manɛ nna nɛ n nyɛnpe yige Siriya be kanyɛn ere nɛ e bee yɔ jiga loŋ? K daŋ daga e ka sɔ kakɛ nɛ e bar mo na. Enyɛnpe Ebɔrɛ nɛ e wɔ ŋkpa to ere so meeŋ ju m buu mo so n ya sɔ kusɔ ko mo kutɔ.”

1 Bewura 5:9

Ma beshumpo beeŋ ta ndibi na n shi Lebanɔn n yɔ Teku nɛ baa tre Mɛditerenia na ase n ya kre amo to m mata abar n deŋi nchu na so nɛ a fuŋiso a yɔ kaplɛkama nɛ fee sha fanɛ an yɛr amo. A baŋ fo kakpa nɛ fee sha na nɛ ma basa e saŋɛ amo to n nase eboŋkar nɛ fo alɛ be basa e baa ta amo ndoŋ. Kukɔ nɛ feeŋ ka ma e la kebaasa ma laŋ to ebi ajibi.”

Kaŋinichiŋgeliŋ 2:1

N daŋ yili kumo nna fanɛ meeŋ ji ma kumu nseŋ fin kusɔ nɛ k la kagbenefuli, ama n wu fanɛ amo kikɛ maŋ la shɛŋ.

Kaŋinichiŋgeliŋ 2:15

Kede be kaman nɛ n fɛ fanɛ ketre jija nɛ bewulpo bee nya na, beeŋ ba ma alɛ gba so. Amoso ma kebaa la enyiashempo bre be kifito e la manɛ? Nɛ n yɛ “K maŋ la shɛŋ.”

Kaŋinichiŋgeliŋ 3:17

Amoso kusɔ nɛ n fɛ ma kagbene to e la fanɛ: “Ebɔrɛ beeŋ ji basa niŋiso nɛ basa lubi kikɛ demu ŋkpal manɛ so kusɔ kama kɔ kumo be saŋɛ nna.