Kaŋinichiŋgeliŋ 1:1 - EBƆRƐ BE KAWƆL

¹ Ewura Deevid pibinyɛn nɛ e la eŋinipo nseŋ daa la ewura ashi Jerusalɛm to na be mmalga nde.

Kaŋinichiŋgeliŋ 1:1 ပူးပေါင်းရင်းမြစ်များ

2 Kronikɛls 9:30

Nfɛ adena nɛ Sɔlɔmɔn daŋ ji Israɛl be kasawule so kikɛ be kuwura ashi Jerusalɛm to.

Nehemaya 6:7

E naŋ kaŋɛ gba fanɛ fo nɛ anebiana ko wora kɔnɔkoŋwule nna fanɛ b baa malga a sa Jerusalɛm be kade to ebi fanɛ fo e la Juda be ewura. Kesheŋ ere la kusɔ nɛ Pɛshiya be ewurkpa ebi na tiŋ n nu nna, kumo so nɛ mee bar nfɛra fanɛ k daga fanɛ ma nɛ fo e chena m malga nɛnɛ a laŋɛ kumo be kaplɛa so na.”

Nshɛ 40:9

Meeŋ kaŋɛ kananɛ fee mɔlga anyi saŋkama ashi fo basa be nshɛrgboŋ to. Enyɛnpe, fo nyi ŋ ka maaŋ lo ma kɔnɔ to kikɛ.

Aŋasa 1:1

Israɛl be ewura Sɔlɔmɔn nɛ e la Deevid pibinyɛn na be aŋasa nde.

Aŋasa 31:31

Shin nɛ loŋ be eche be asheŋ e baa bɔlɔ fo kenishi nɛ fo baa kpaŋ mo basa to.

Kaŋinichiŋgeliŋ 1:12

Ma eŋinipo ere ka malga le be asheŋ ere kikɛ nɛ n daa la Israɛl be efuli so be ewura nna nsaa wɔ Jerusalɛm to.

Kaŋinichiŋgeliŋ 7:27

Eŋinipo na yɛ: “Mee lege asheŋ ere to nna gbrɛgbrɛ a fin amo be edesekpa.”

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Jona 3:2

“Yɔ kadegboŋ nɛ baa tre Ninɛve na to n ya bɔ kubɔya nɛ n sa fo na n sa ndoŋebi.”

2 Pita 2:5

ŋko nɛ e daa maŋ yige saŋɛ na be durnyaebi nseŋ daŋ bar nchu m ba sɔ durnya kikɛ nɛ kumo to be basa lubi mur nseŋ daŋ lara Nowa nɛ e daa la Ebɔrɛ be anishito be alelashemmalgapo na nɛ basa ashunu ko na, e beeŋ yige le be beŋinipo fɛpoana ere a?