Juud 1:25 - EBƆRƐ BE KAWƆL

²⁵ Mo nawule e la Ebɔrɛ. Mo e mɔlga anyi ŋkpal an Nyɛnpe Yesu Kristo so, mo alɛ e naa kɔ eleŋ kikɛ nɛ kusɔ kikɛ to pɔɛŋ nɛ saŋkikɛ fara. Mo alɛ beeŋ baa kraa kɔ amo to saŋkikɛ mbaanaayɔ. Amoso, men baa sa mo kemaŋkura nɛ bunyaŋ nɛ eleŋ nɛ kenimuji saŋkama. Amɛn.

Juud 1:25 ပူးပေါင်းရင်းမြစ်များ

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

Nshɛ 104:24

Enyɛnpe Ebɔrɛ, kanyiasheŋ so nɛ fo bɔla n to asɔ damta. Fo asɔ to so nɛ e kɔ ŋkpa sɔ kasawule so kikɛ nna.

Nshɛ 147:5

An Nyɛnpe Ebɔrɛ na shi alegaiso nsaa kɔ eleŋ ga. Mo alɛ bee pin kusɔ kama to nna.

Nshɛ 78:20

E ka daŋ shin nɛ kefalta na pante na, nchu daŋ lar a shile fanɛ mbombi na. Ama e kraa beeŋ tiŋ n sa anyi ajibi nna ere a? E beeŋ tiŋ n sa mbe basa eblaŋ nna ere a?”

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 45:21

Men ba demujikpa! Bekama nɛ baaŋ tiŋ m malga ŋ kuŋ bumo be amu na e to abar jina. Dra dra na kikɛ, wanɛ e tiŋ ŋ kaŋɛ kusɔ nɛ k beeŋ wora? Mannɛ ma Enyɛnpe Ebɔrɛ nɛ e mɔlga mbe basa na e tiŋ ŋ kaŋɛ a? Ebɔrɛ kikɛ maŋ naa wɔtɔ n ti ma so.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Luuk 1:47

Ma kagbene fuli ŋkpal Ebɔrɛ ma Emɔlgapo so,

Baru lela nɛ Jɔn kute na 4:22

Esa nɛ men maŋ nyi nɛ menyi Samɛriaebi bee bunyaŋ, ama anyi ere nyi esa nɛ anyee bunyaŋ, ŋkpal manɛ so, Juwebi so nɛ Ebɔrɛ beeŋ bɔla m mɔlga basa.

Baru lela nɛ Jɔn kute na 5:44

Menyee sha kebaanya mbo abar kutɔ, ama men maa wora ania a fin mbo ashi Ebɔrɛ koŋwule na kutɔ nɛ nuso nɛ menyeeŋ wora n yirda?

Romebi 11:33

Kashenteŋto, Ebɔrɛ be alelasheŋ shi pasaa. Mbe nfɛra nɛ mbe kashennyi shi kashenteŋto. Wanɛ e naaŋ tiŋ m pin asheŋ nɛ e bee yili to ŋ kute ŋko m pin mbe asheŋ woraso to?

Romebi 11:36

Ŋkpal manɛ so, mo e pɔr kusɔ kikɛ, mo alɛ to nɛ kusɔ kikɛ bɔla a wɔ ŋkpa to a sa mo. Kemaŋkura e baa wɔ Ebɔrɛ so mbaanaayɔ. Amɛn.

Romebi 16:27

Kemaŋkura e baa la Ebɔrɛ nɛ kanyiasheŋ kikɛ la mo nawule peya ashi Yesu Kristo to na mbaanaayɔ. Amɛn.

Ɛfesesebi 1:8

Mbe kanyiasheŋ kikɛ to nɛ mbe lakal kikɛ to nɛ e yili kumo loŋ

Ɛfesesebi 3:10

Saŋɛ na so e beeŋ bɔla asɔriebi na to n shin nɛ mbe kashennyi damta e dii efuli n sa esoso be kenimujipoana nɛ bejuŋkparpo ashi ebɔrɛso.

Ɛfesesebi 3:21

Kemaŋkura koŋwule na e baa la mo peya ashi asɔri na to nɛ Kristo Yesu to jemanɛ kikɛ to naniere hale mbaanaayɔ. Amɛn.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

1 Timoti 2:3

Le be asɔ la asɔ lela nna

Taites 2:10

A daga fanɛ b baa ŋini fanɛ saŋkama b la anya lela nna a maŋ kɔ kebirkɔnshi a wora asheŋ. Loŋ na Ebɔrɛ, anyi be Emɔlgapo be asheŋ ŋiniso na beeŋ nya mbo ashi asheŋ nɛ baa wora kikɛ to.

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

Taites 3:4

Ama Ebɔrɛ, an be Emɔlgapo ka ba lara mbe kelela nɛ kasha ŋ ŋini basa kikɛ na nɛ e mɔlga anyi. Mannɛ anyi gbagba be kelela be asheŋ woraso ko so nɛ e mɔlga anyi.

Hibruwebi 13:8

Ndere nɛ kabre nɛ saŋkikɛ, Yesu Kristo wɔ ŋkpa to nna mbaanaayɔ. E maa chɛrga kikɛ.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

Kelaraŋŋini 1:6

nseŋ ta anyi ŋ ki mbe kuwura to ebi nɛ bɔrɛmatapoana nɛ an baa shuŋ mbe Ebɔrɛ nɛ Etuto na. Kemaŋkura nɛ eleŋ e baa la Yesu Kristo peya saŋkikɛ mbaanaayɔ. Amɛn.